Astola aldizkariaren zazpigarren zenbakia kalean da

Urtero legez, hamar erreportaje interesgarri bidelagun hartuta, Durangaldeko historian barneratzeko aukera emango du Astola aldizkariaren zazpigarren zenbakiak. Gerediaga Elkartearen eskutik, Durangoko Azokan eta ohiko salmenta puntuetan salgai izango da urtekaria, 5 eurotan.

‘Bandoen arteko gerrak’ erreportajean, 1300etik 1500era, Europa Atlantikoak krisiladi ekonomiko eta sozial sakonaren inguruan aritzen da Juan Manuel González, Astola aldizkariaren lehenengo gaian.

Ekainaren 13an Urkiolan ospatzen den egunaren inguruan, Juan A. Hernándezek ‘Garai bateko “Sanantonio” zoragarriak’ inguruan idatzi du.

Rakel Calvo kazetariak, ordea, ‘Auzo elkarteen borrokak’ inguruan kronika egin du. Durangoko biztanleria ikaragarri hazi zen joan zen mendearen erdialdean, eta “etxe merkeetan” (“casas baratas” deritzen auzoetan) jarri zen bizitzen, eta auzo horietan sortu ziren auzo-mugimenduen borrokek herriaren beraren bizimodua baldintzatu zuten. 

‘Txakolina, urteko ardoa?’ izenburua duen artikulua idatzi du Uri Astolak eta Juan L. Cavó-k, berriz, ‘Durangoko arma-fabrika’ inguruko detaileak eskaintzen ditu.

Mikeldiren misterioa

Joseba Aizpuruak ‘Durango, grabatuetan eta ilustrazioetan’ artikuluan, XVI. mendetik XIX. mendera marrazkilariek eta grabatzaileek egiten zituzten irudien berri emango du.

‘Ermua, milaka etorkinen harleku’,  Estibaliz Gonzálezek idatzitako artikulua da. 1960. hamarkadan Ermua eta Benidorm izan ziren Estatu guztian biztanle hazkuntza-portzentajerik handiena izan zuten bi udalerriak izan ziren.

‘Mikeldiren misterioa’, Mikeldiren idoloaren jatorria, esanahiari eta egileari buruzko  berriak emango dituzte Palaciosek eta Mikel Unzuetak.

Igor Basterretxeak ‘Elorrioko monastegiak eta komentuak’ inguran arituko da, eta azkenik, Lorea Madina kazetariak ‘Bilatzeko grina’, Euskadiko salbamendu-txakurren taldearen (GPSE) inguruko erreportaia egin du. Taldeak 30 urtetan aritu da lanean musutruk.

 DURANGON. Durangoko albisteak