Euskaraldiarekin bat egiteko deia egin die Mankomunitateak merkataritza eta zerbitzu sektoreei

Durangaldeko merkatarien elkarteek eta establezimendutako ordezkariek bat egin dute Euskaraldiaren bigarren edizioarekin.

Durangaldeko Mankomunitateak Euskaraldiaren bigarren edizioarekin bat egiteko dei berezia egin die eskualdeko enpresei eta, batez ere, merkataritza eta zerbitzu arloetako establezimenduei.

Dagoeneko Durangaldeko hainbat merkatari elkarteek eta establezimendutako ordezkariek bat egin dute azaroaren 20tik abenduaren 4ra burutuko den euskararen aldeko ariketa sozialarekin. “15 egun horietako helburua, eremu guztietan euskararen erabilera handitzea da”, azpimarratu dute Mankomunitateko ordezkariek.

Herritarrekin harreman zuzena

Eskualdeko 100 erakundetik gora bat egin dute Euskaraldiarekin baina merkataritzaren eta zerbitzu sektoreren partaidetza azpimarragarria lortu gura dute. Izan ere, “herritarren hartu-emanetarako espazio garrantzitsuak” direla uste dute, eta herritarrekin harreman zuzena dutenez, “bertako profesionalak funtsezko eragileak dira hizkuntzarekin erlazionatutako ohiturak aldatzeko orduan”, adierazi dute Mankomunitateko ordezkariek.

Aurten, erakundearen barruan Euskaraldian parte hartzeko bi modu egongo dira. Batetik, euskaraz hitz egiteko ariguneak sortuko dira, eta ahobizi eta belarriprest moduan parte hartuko den arren, ariketa modu kolektiboan egingo da. Eta, bestetik, ariguneetan egon ezin diren kideak daude, eta, iaz bezala, banaka hartuko dute parte belarriprest eta ahobizi rolekin.

Erabilera areagotzea

Arigune bat duten era guztietako erakundeek (erakunde publikoak, gizarte eragileak, enpresak, kooperatibak, kultur eta kirol elkarteak, etab.) parte hartu ahal izango dute. Gune horiek uneoro bermatuko dute euskaraz berba egiteko aukera, erakundearen barruan edo herritarrekin duten harremanean. Helburu nagusia erakunde horien barne eta kanpo harremanetan euskararen erabilera areagotzea da.

Informazio gehiago jasotzeko edo Euskaraldiaren bigarren edizioan parte hartu gura duten erakundeek Durangaldeko Mankomunitateko Euskara Zerbitzura (946278640 / euskara.mdurango@bizkaia.org) jo dezakete. Udalerri bakoitzeko e-postara ere idatzi dezakete:

Abadiño: euskaraldiaabadiano2@gmail.com
Atxondo: liburutegia@atxondo.eus / itzultzailea@atxondo.eus
Berriz: euskara@berriz.eus
Durango: euskaraldiadurango@gmail.com
Elorrio: elorriokoeuskaraldia@gmail.com
Garai: euskera.mdurango@bizkaia.org
Iurreta: euskaraldiaiurreta@gmail.com
Izurtza: alkatea.izurtza@bizkaia.org
Mañaria: kultura.manaria@bizkaia.org
Zaldibar: zaldibar@euskaraldia.eus

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.