Salbamenduko txakurren erakustaldia ikusteko aukera Argiñetako jaietan

Elorrioko Argiñetako Kofradiak jaiak osapatuko ditu bihartik aurrera eta datorren astelehenera arte luzatuko dira. Bazkariak eta erromeriak ez dira faltan izango hurrengo egunetan. Gainera, salbamenduko txakurren erakustaldia ikusteko aukera izango da  igandean.

Egitaraua bihar hasiko da afari eta Kaixo taldearen erromeriarekin. Larunbatean, berriz, Meza ospatuko da 12.30ean, eta ondoren kofradi-bazkaria izango da. Egunean zehar, gainera, auzoko trikitilariak arituko dira giroa alaitzen.

Afariaren ostean, DJ Alexen eskutik izango da gaueko erromeria. Ondoren bolo txpelketan parte hartzeko aukera izango da. Irabazleak 400 euro eskuratuko ditu, bigarrenak, berriz, 200 euro eta hirugarrenak 100 euroko saria izango du.

Prestatutako egitarauak igandean jarraituko du eliza ospakizunarekin. Arratsaldeko 18.30ean, berriz, salbamenduko txakurren erakustaldia izango da Argiñetan eta ondoren, bertso-afaria burutuko da Hamaika Bertute bersto taldearekin.

Jaiei amaiera emateko, paella jana antolatu dute astelehenerako. Tiketak salgai izango dira ostiraletik aurrera 20 eurotan. Agurtzane, Miren eta Oierren erromeriakin amaituko dira aurtengo jaiak

DURANGON. Elorrioko albisteak