Salerosketak euskaraz

Erosketak euskaraz egitea saritu egingo dutela irakurri genuen zenbait hedabidetan 2012ko irailean: ???erosketak egiterakoan euskaraz berba egiteak saria edukiko du Durangon. Hainbat komertziotan, euskara erabiliz gero, tablet baten zozketan parte hartzeko txartel bat emango dute. Euskara indartzeko amua izango da tableta???

• Ekimenaren aurkezpen hartan emandako datuen arabera, euskararen erabilera Durangon ez zen %17ra heltzen.

• Irabazi asmo bako Orueko ITG taldea azaltzen zen Salerosketak be, euskeraz kanpainaren arduradun gisa.

• Durangoko Udala, Berbaro elkartea eta +Dendak agertzen ziren eragile edo bultzatzaileen artean.

• Aitziber Irigoras alkateak euskarari komertzioan arnasbide berria emateaz berba egin zuen: ???Eremu hori berreskuratzea oso garrantzitsua da euskararentzat???.

Irakurritakoak irakurrita ideia interesgarria iruditu zitzaizkidan, saria berriz, erakargarria. Egia esan, itxaropena sortu zidan ekimenak. Harrezkero ostera, zozketaren berri hedabideetan ikusi dudan zenbaitetan tristura sortu zait. Iruzur eta zurikeria itxura hartu diot, eskuak garbitze hutsa. Izan be, inoiz euskararik egiten ez duten komertzioetako arduradunak ikusi izan ditut sari banaketako argazkian behin baino gehiagotan.

Ez dakit euskaltzalea den alkate andereak edo euskararen alde lan egiten duen Berbaro elkarteak ze balorazio egiten duten ekimen honen inguruan baina, kanpaina honek errepaso eta hausnarketa bat merezi duelakoan nago, gezur baten historia bihurtu baino lehen.

Marisa Barrena psikopedagogoa da