Friso
Friso
Friso
Friso

“Herriko bizitza kulturala sustatzeko” asmoarekin berrireki dute Iurretako Abadetxea

Abadetxea berrireki dute Iurreta Plazaratu dinamikako kideek.

Iurretako Abade etxeak ateak ireki ditu berriro “plazako eta herriko bizitza soziokulturala sustatzeko asmoz” eta eraikinak eskaintzen dituen baliabideak “interesa duen herritar zein elkarte orok edukiko du erabiltzeko aukera”. 2006tik itxita zegoen eraikinean hasi dira dagoeneko kultura sustatzeko ekimenak.

Berrirekiera egin duen Iurreta Plazaratu dinamikak plaza inguruko bizilagunekin elkartzeko asmoa agertu du “elkarbizitza zaintzeko asmoz”. Gainera, eraikinean egin nahi duten sustapen kulturala gauzatzeko “auzolanerako deia egin zaie herritarrei”.

Iurreta Plazaratu dinamika duela bi urte sortu zen eta harrezkero Abadetxearen irekiera eskatu dute 500 herritar eta 27 elkarteren babesarekin, “plaza eta herria bizitzeko espazio garrantzitsua dela” iritzita. Otsailaz geroztik gotzaindegiari eskaria hainbat bider luzatu diote, zuzenean eta herriko parrokiaren bitartez, baina denbora guzti honetan “ez da inolako erantzunik heldu”.

Abadetxea 1739an eraiki zuen Iurretako Udalak, herrian zeuden abadeei bizilekua eskaintzeko. Sinatu zuten hitzarmenaren arabera, beharrizanik edukiko ez zutenean erabilera udalari bueltatzea adostu zuten.

Hala ere, 1898an eraikina gotzaindegiaren izenean inskribatua izan zen erregistroan. Elizako funtzioetarako aparte, XX. mendean herriko mugimendu eta talde askoren elkargune izan zen, Julen Kaltzada abadeak lehenik eta gero beste zenbait abadek ateak zabaldu zituztelako.

“Herriarentzat balio handia duen eraikina da Abadetxea”, Iurreta Plazaratuz dinamikan parte hartzen dutenentzat. Hala ere, eraikina hutsik dago erre zenetik “eta bada ordua ateak irekitzeko, herriarena dena herrira bueltatzeko”, adierazi dute.

Durangon Whatsapp
1 Estrella2 Estrellas3 Estrellas4 Estrellas5 Estrellas (7 votos, media: 4,43 sobre 5)
Cargando...

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar