Elorrio aitzindari da eskualdeko udalen artean auto elektrikoentzako errekarga puntua jartzen

lorrioRecargaCochesElectricos1
Nizeto Urkizu kaleko parkingeko errekarga puntuak bi auto batera kargatzeko aukera ematen du.

Elorrioko Nizeto Urkizuko parkingean jarritako auto elektrikoentzako errekarga puntua dagoeneko martxan dago. Ekimen honen bidez “mugikortasun jasangarria sustatu eta auto elektrikoen erabiltzaileen beharrak” ase egin nahi dira, Udaletik adierazi dutenaren arabera.

Elorrioko Udalak duela hilabete batzuk erabaki zuen mota horretako karga puntua instalatzea herrian eta proiektua auto elektrikoen errekarga aditua den IBIL enpresarekin batera gauzatu dute.

Errekarga puntua Nizeto Urkizu kaleko aparkalekuan dago kokatuta, eta eskuragarri dagoen eredua ‘Ibilbox200x2’ izenekoa da. Aipatutako terminal hau ‘aldibereko bitoma’koa da, hau da, bi toma ezberdin eskaintzen ditu, bi auto batera kargatu ahal izateko. Toma bakoitzak 7,4 kW-ko potentzia dauka, eta konektorea Mennekes motakoa da.

Autoa puntu honetan kargatzeko, nahikoa da IBIL-ek Android edo iOS sistemetan eskaintzen duen mugikorrerako aplikazioa deskargatzea, kreditu txartelaren datuak gehitzea eta Elorrioko puntua aukeratzea. Prozesua egiteko ez da beharko erabiltzailearen aldetik inolako kontraturik. Gainera, IBIL-ek eskaintzen duen energia berriztagarria da %100ean.

“Elorrioren jasangarritasunak arduratzen gaitu, beraz gure esku dagoen guztia egingo dugu alderdi honetan hobetzen joateko”, Idoia Buruaga Elorrioko alkatearen esanetan. Azken hilabeteetan abiatutako ahalegin horretan “%22,4ean jaitsi dugu kiroldegiko kontsumo energetikoa, eta herriko hainbat txokotan LED energiadun argindarra jarri dugu”. Aurrerantzean ere “norabide honetan jarraituko dugu lanean”, adierazi du Buruagak.

Sustapenerako promozioa

EVE Energiaren Euskal Erakundeak R-KARGA izeneko promozioa dauka martxan Euskal Autonomia Erkidegoko herritarren artean mugikortasun elektrikoa sustatzeko. Horretarako, hiru eskaintza ezberdin daude:

-RKARGA-10: Norbanakoei zuzenduta. Promozioa aktibatu eta lehen sei hilabeteetan, lehen hamar errekargak dohainezkoak dira.

-RKARGA-30: Enpresa eta autonomoei zuzenduta (taxistak ez): Promozioa aktibatu eta lehen hamabi hilabeteetan, lehen hogeita hamar errekargak dohainezkoak dira.

-RKARGA-Taxi: Taxistei zuzenduta dago. Egunero errekarga bat dohain, promozioa aktibatzen denetik eta azaroaren 1era arte.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

1 Comentario

  1. Trumoie
    1
    3

    Oso ondo, baina lastima IBILekin izatea, auto elektrikoak ditugun gehienok gutxien atsegin dugun errekarga enpresa…

    Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar