Balkanetako eta Euskal Herriko folklorearekin agurtuko da Uda Kalean Bizi egitasmoa

Orce Nikolov taldeak Mazedoniako dantzak, kantuak, musika eta janzkerak zaintzen ditu.

Mazedonia eta Euskal Herriko dantza eta doinuekin gozatzeko aukera egongo da bihar, arratsaldeko 20.00etan, Santa Ana plazan (edo Andra Marin eguraldi txarra eginez gero). Kriskitin dantza taldeak antolatutako Durango Folk 2016 ekimen honek emango dio amaiera aurtengo Uda Kalean Bizi egitarauari.

18. edizioa betetzen duen Nazioarteko Folk Jaialdiko protagonistak, Kriskitin talde antolatzailea eta Balkanetako Hego Ekialdeko folklorea gerturatuko duen Mazedoniako Orce Nikolov taldea izango dira.

26 gizon eta 16 emakumek osatzen duten Orce Nikolov taldea, Skopje-ko herri dantza eta kantu taldea da. 1945ean sortutako konpainiaren helburua Mazedoniako herri dantzak, kantuak, musika eta janzkera berezia zaintzea eta ezagutaraztea da.

Talde mazedoniarrak herri tradizioko kulturaren zaintzaile da eta beraien ikuskizunetan sorterriko herri-tradizioen edertasunaz gain, koreografiekin eta musikari-dantzarien iaiotasunaz baliatzen dira.

Orce Nikolov taldeak Mazedonian zein atzerriko hainbat naziotan eskainitako agerraldietan erakutsi ditu bere ikuskizunak.

Balkanetako Hego Ekialdean kokatuta dagoen Mazedonia Errepublika hiru hizkuntza dituen herrialdea da eta bertan bizi diren biztanleak mazedoniera (1,4 milioi), albaniera (500.000) eta turkiera (80.000) hitz egiten dute.

Durangoko Nazioarteko Folklore Jaialdiak herrialde desberdinetako partaideak izan ditu aurreko 17 edizioetan. Ekimen honetan, euren folklorea erakutsi dute Estatu espainiarreko Erkidego autonomoetatik gerturatutako taldek zein Grezia, Txina, Txekia, Kolonbia, Yakutia, Kroazia, Turkia edo Kubatik etorritakoak.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.