58. Durangoko Azokak 265 ekitaldirekin gozatzeko aukera eskaintzeaz gain, 950 nobedade auzkeztuko ditu. Landako Gunean kokatuko diren 257 erakusmahaietan 170 partaide egongo dira.

Landako gunean 689 liburu, 179 disko edo musika produktu, 44 aldizkari, eta bestelako 40 ekoizpen berri izango dira eskuragai. Antolatzaileek azpimarratu dutenez “esanguratsua da musika produktuen hazkundea, iaz baino 38 ale gehiago izango direlako”, baita “komikiak eta ilustrazioak hartu duten indarra. Berrikuntza lez, marrazkilarien lana zuzenean erakutsiko da pantailen bidez.

Abenduaren 6tik 10era burutuko den edizioa mamitsua, “aktuala eta bogan dauden joerak jasoko dituena” izango da, antolatzaileek  azpimarratu dutenez. Gainera, Beñat Gaztelurrutia Gerediagaren koordinatzaileak, bi ezaugarri nabarmendu ditu egitarauan, “anitza eta gaztea”, azaldu du. Anitza, askotariko estilo eta gaiak topatu ahal izango direlako. Eta aurtengo azoka gaztea izango da, inoiz baino jarduera gehiago izango direlako gazteek sortuak eta gazteentzat pentsatuak. Hori dela eta, abenduaren 8an Gazte Eztandaren bigarren edizioa egingo da.

Gune desberdinetan izango diren hitzordu aipagarrien artean, Talaian antolatu diren 48 ekitaldiak nabarmendu daitezke. Espazio horretan egingo dira, besteak beste, Irulegiko eskuaren inguruko liburu baten aurkezpena; Joseba Sarrionandiak ‘Markos Gimenoren 101 Letrakartel’ izeneko lana azalduko du; edo Euskadi Literatura saridun guztiak egongo dira bi solasalditan banatuta. Espedizio baten egongo den Alex Txikonekin online konexioa izaten ahaleginduko dira, ‘Manaslu Neguan’ liburu berria aurkezteko.

Ahotsenean 2023an argitaratutako 70 liburu eta 50 disko berriren aurkezpenak egingo dira. Musikarien artean, Nogen, Toc, Amorante, Eire, Ibil Bedi, Txopet edo Muare, azalduko dira eta idazleen artean, Harkaitz Cano, Lide Hernando, Miren Agur Meabe, Goiatz Labandibar, Iñigo Martinez, Mari Luz Esteban edo Uxue Alberdi egongo dira.

Emakume zinemagileak

Durangoko Arte eta Historia Museoan solasaldia eskainiko du Ximon Agirre kartel egileak, eta Suargi elkarteak ‘Meridiano moreak, Emakume zinemagileak, desgaitasuna eta zaintzak’ izeneko nazioarteko topaketa antolatuko du, Estibaliz Urresola, Itziar Ituño eta Ainhoa Olaso gazte durangarra izango direla euskal ordezkariak.

Zugaza zineman kokatuko den Irudieneak, 30 emanalditik gora iragartzen ditu; Kabia eremu digitala berriz, aniztasunaren adibide izango da, eta abenduaren 6an eta 7an adimen artifiziala, software librea, digitalizazioaren inguruko hausnarketa kritikoak edo euskararen erabilera indartzeko tresnak landuko dira.

Saguganbaran, Yolanda Arrieta eta Pello Añorgaren liburuen aurkezpenez gain, ipuin kontalariak, Potx eta Lotx, Ene Kantak edo aurtengo Sormen Bekaren irabazlea ezagutzera emango da abenduaren 9an.

2022ko Sormen Beka irabazi zuen Jon Ander Urrestik berriz, ‘Eukaliptoa’ deituriko lana aurkeztuko du abenduaren 8an Szenatokia espazioan, eta San Agustin Kultur Guneko kokagunean taularatuko dira ere 10 konpainien pieza laburrak.

baDA!bil podkasta

Azaroaren 28an eta 29an sortzaileak eta programatzaileak batzeko DA! Pro topaketa ospatuko da, egun bakoitzean 12 proposamen aurkeztuz. Lehen eguna familia ikuskizunei begirakoa izango da, eta bigarrena musikari eskainia.

Barikuan, hilak 24, baDA!bil izeneko podkasta estreinatuko du Durangoko Azokak, EITBrekin elkarlanean. 30 minutuko bost atal izango dira eta Izaro Andres, Uxue Razkin, Lide Hernando, Julen Apella eta Aner Peritz sortzaileen partaidetza izango duten saioak “euskal kulturaren panoraman puri-purian dauden gaien inguruan gogoetak eta bizipenak” kontatuko dituzte, antolatzaileen esanetan.

Gaztelurrutiak adierazi du euskal kulturaren alde elkarlanean aritzeko prest daudela. Izan ere, “euskarak eta euskal kulturak gizartearen babesa behar dute, azken boladan euskalgintzak ohartarazi bezala”.

Gainera, herritarrei Durangoko Azokara etortzeko deia egin die, “euskal kulturari bultzada ematera” eta “Durangoko Azokaren fantasian murgiltzera!”.

Aurten ez da online salmentarik egongo, Gaztelurrutiak gogoratu duenez, “azoka presentzialaren aldeko apustua” egingo dutelako.

La entrada Durangoko Azokak 265 ekitaldi eta 950 nobedade iragartzen ditu se publicó primero en durangon.com.

Durangoko Azokaren 58. edizioa abenduaren 6tik 10era egingo da, eta guneetako egitaraurako proposamenak aurkezteko epea barikuan, hilak 15, irekiko da. Egun berean irekiko da izena emateko epea Ikasle Egunean parte hartu nahi duten ikastetxe eta aisialdi taldeentzat.

Euskal kulturaren plazan ikus eta eskuragai egongo diren ekoizpenez gain, aurkezpenak, solasaldiak, tailerrak, proiekzioak eta musika zein antzerki emanaldiak egongo dira, besteak beste. Edizio honetako guneak Ahotsenea, Irudienea, Kabi@, Saguganbara, Szenatokia eta Talaia izango dira.

Sortzaile, argitaletxe eta disketxeek hilabeteko epea izango dute euren ideiak aurkezteko, proposamenak urriaren 15era arte egin ahal izango baitira. Proposamenen bidalketa www.durangokoazoka.eus webgunearen bitarteaz egin behar da, izen-emateen atalean.

Ahotsenean parte hartzeko, 2023. urtean euskaraz kaleratutako disko edo liburua (poesia, narratiba, ipuin-nobela, antzerkia edota saiakera literarioa) aurkeztu beharko da.

Irudienean, Euskal Herrian azken urtean euskaraz sortutako ikus-entzunezko lanak proiektatu ahal izango dira: film laburrak, dokumentalak, fikzioak, aurkezpenak, eta abar.

Kabi@ gunea teknologia berriekin lotutako aurkezpenak egiteko lekua izango da; hitzaldiak, jokoak edo tailerrak, besteak beste.

Saguganbaran haur eta gazteei zuzenduriko aurkezpenak antolatuko dituzte: ikuskizunak, tailerrak, produktuen aurkezpenak edo ipuin kontalariak.

Szenatokian dantza eta antzerki pieza laburrak egongo dira ikusgai.

Talaian azkenik, zabalkunde lanen aurkezpenak egingo dira, euskara hutsezkoak zein Euskal Herriari zuzenean eragiten dizkioten gaiei buruzkoak.

Ikasle Goiza

Ikasle Goiza abenduaren 7an ospatuko da. “Zubi eguna izango denez, ikastetxeek bezala aisialdi taldeek ere parte hartu ahalko dute bertan”, antolatzaileen esanetan. Izen-ematea webgunean egin behar da eta epea barikutik urriaren 15era arte egongo da irekita.

Goiz horretan, Durangoko Azokaren guneetan ikasleei begira antolatutako ekintza sorta egongo da, beti ere kulturaren bueltan. Sortzaileen lana gertutik ezagutu eta tailerretan sormena lantzeko aukera izango dute ikasleek.

Goiz horretako egitaraua ikasle eta gaztetxoei zuzenduta badago ere, azoka publiko orokorrari zabalik egongo da.

PortaDA erronka

PortaDA erronkan ere parte hartu ahalko dute LH, DBH eta Batxilergoko ikastetxeek (Ikasle Goizera ez datozenek ere bai). Euskarazko liburu eta diskoen portaden irudiak birsortu egin beharko dituzte. LH eta DBH-Batxilergoa kategoriatan banatuta, saria berdina izango da: Musikariak eskoletan programako saio bat.

Azaroaren 30a izango da erronkan parte hartzeko muga, eta argazkiak hona bidaliko dira: ikaslegoiza@durangokoazoka.eus.

La entrada Azokarako proposamenak eta Ikasle Goizean parte hartzeko eskariak barikutik aurrera aurkeztu daitezke se publicó primero en durangon.com.

Eta badago zer aukeratu jarri diren 248 standetan, argitaletxeek, diskoetxeek eta bestelako ekoizleek 930 nobedade gerturatu baitituzte Durangora. Gainera, Ahotsenea, Saguganbara. Irudienea, Talaia edo Szenatokia guneetan 250 ekitaldi inguru izango dira.

Azken gune horretan egin zen atzo arratsaldean edizio berriaren inaugurazio ekitaldia, eta bertan izan ziren Ima Garrastatxu Durangoko alkatea, Lorea Bilbao Bizkaiko foru diputatua, Bingen Zupiria Eusko Jaurlaritzako Kultura sailburua eta Nerea Mujika Gerediaga elkarteko presidentea.

Mujikak aipamen berezia egin zien Azokaren eta Gerediaga elkartearen sortzaileak izan ziren “eta azken asteotan itxi gaituzten Leopoldo Zugaza eta Jesus Astigarraga, biak euskal kulturaren sustatzaile nekaezinak” izan zirelako.

Bere hitzaldian “bi urte beldurgarriren ondoren, aurtengoan Durangoko Azokaren Eztanda! biziko dugu. Eusko kulturaren Eztanda!”, adierazi zuen Mujikak. Izan ere,  ‘leherketa’ horrek “Azokaren unibertso osoa birsortuko du. Mugarik gabeko Azoka izango da. Maskaren atzean izkutatzen ziren irribarreen  itzulera”, azpimarratu zuen.

La entrada Azokaren Eztanda! kontrolatua se publicó primero en durangon.com.

‘Hala ere’ lan berria aurkeztuko du Willis Drummond taldeak Durangoko Azokan.

Durangoko Azokaren baitako Ahotsenea guneak, 47 talde hasiberri zein ibilbide luzeko banden kontzertuak tartekatuko ditu abenduaren 7tik 11ra bitartean. Gune horrek 15. urteurrena beteko du, eta musika estiloen aniztasuna izango da edizio honetako ezaugarri nagusia.

Ahotseneako oholtzan azalduko diren taldeek euren azken lana aurkeztuko dituzte, goizeko 11:00etatik 22:00etara bitartean, etenaldirik gabe. “Azken urteetan bezalaxe, zuzenekoak Plateruenan antolatuko dira, eta kulturzaleek Euskal Herrian sortutako azken musika-nobedadeak ezagutu ahalko dituzte”, gogoratu dute Gerediaga elkarteko antolatzaileek.

Egitarauan tartekatuko diren Goxua N’Salsa, Neomak, Agur, Janus Lester, Keia, Irtera edota Mirua talde hasiberriek, eszenatokia partekatuko dute Delirium Tremens, Willis Drummond edota Kokein bezalako ibilbide luzeko bandekin.

Ohikoa  denez, rock eta pop doinuak izango dira nagusi eta horren adibide dira Maraca Diablo, Zakill, Sua, Piztiak, Hibai, Kurkuma, Saia Goait, Ezpalak, Pasadena, Assata, Asla, Kyxo, Rukula, Rodeo, Dukkha, Fufu, Mice, Txost!, Orbel, Burutik, Kristonak edota Mairu taldeak.

Pop elektronikoa

Pop elektronikoa ere presente egongo da Merina Gris eta Lumi taldeekin; Bengok eta Odeik hip-hopa gerturatuko dute; ska-reggaea doinuak lantzen dituzten Bolbora eta Sutan taldeek erritmo dantzagarriak eskainiko dituzte; Mugan taldeak folk doinuak eskainiko ditu; eta Arima Soul bandak jazz eta soul piezak joko ditu.

Ahotseneak, lekua egongon die Olaia Inziarte, Ilargi, Peru Galbete, Esti Markez eta Watson bakarlariei. Ines Osinaga musikariak ere bere proiektu berria aurkeztuko du eta Bilaka kolektiboak dantza eta musika uztartuko ditu emanaldi oso bereziarekin.

Kontzertuetako sarrera doakoa izango da aforoa bete arte, eta ez da beharrezkoa izango izena ematea aldez aurretik. Gainera, bertaratu ezin dutenek, aukera izango dute agerraldi guztiak streaming bidez jarraitzeko www.durangokoazoka.eus webgunean.

La entrada 47 taldek joko dute Durangoko Azokako Ahotsenea gunean se publicó primero en durangon.com.

La Durangoko Azoka clausuró ayer una nueva edición inusual con la asistencia de más de 25.000 personas, que han agotado las reservas del pabellón de Landako. La tienda online de la feria ha vendido 5.400 productos y 21.000 personas se han conectado a las emisiones por streaming.

Gerediaga Elkartea ha realizado una valoración positiva de la feria, en la que la prioridad era recuperar la presencialidad con todas las medidas sanitarias. “Habíamos realizado un llamamiento para actuar con responsabilidad y la respuesta ha sido excepcional. Hemos podido disfrutar de la cultura de forma segura, y ello ha sido posible gracias a la colaboración de todos y todas”, ha destacado Nerea Mujika, presidenta de la asociación organizadora.

Durangoko Azoka se ha tenido que adaptar a las medidas sanitarias y, entre otras medidas, ha creado un sistema de reservas para acceder a Landako Gunea y a Plateruena. En el caso del pabellón, se ha contado con más de 25.000 visitantes, se han agotado todas las reservas y la respuesta del público ha sido “inmejorable”.

Las ventas en la parte presencial han sido constantes y equilibradas durante los cinco días, aunque algo más bajas al poder acudir menos público. Por otra parte, “ha sido más cómodo que nunca acercarse a los stands y conversar con las personas creadoras, tal y como han remarcado muchos visitantes”.

Asistencia a conciertos

En lo que se refiere a la tienda digital, entre el 3 y el 7 diciembre se han realizado 1.300 compras y en total se han adquirido 5.400 productos. El gasto medio por pedido ha sido 58 euros. La página web ha recibido más de 110.000 visitas y en los dos canales de streaming se han conectado 21.000 personas del 4 al 8 de diciembre.

En el caso de los directos de Plateruena, se han agotado las entradas en varios de ellos: Liher, Willis Drummond, Anari, Skakeitan, Kai Nakai, Nikotina, Etxekalte + Habi, Bulego y McOnak. En las charlas literarias, las presentaciones que han contado con más público han sido las de Alaine Agirre, Eider Rodriguez, Jon Maia y Leire Vargas. En total se han acercado a Ahotsenea más de 7.500 personas.

El número de espectadores en Irudienea ha superado el millar y los actos con más afluencia de visitantes han sido la webserie ‘Bañolet’ (ganadora de la beca de creación de la Azoka el año pasado) y el documental ‘Hala ere’, que cuenta la historia de la biblioteca destruida de la ciudad kurda de Kobane.

Público joven

En lo que se refiere a Szenatokia, la coordinadora Arantza Arrazola ha remarcado que “el público ha respondido de forma excepcional, estamos muy satisfechas”. En total, 620 personas han acudido a San Agustín, con una importante cantidad de público joven, “una imagen poco habitual en los teatros”. El espectáculo con más visitantes ha sido la pieza de danza ‘Interakzioa’ de Bagara kolektiboa.

La feria tendrá continuación en las próximas semanas en 149 librerías de toda Euskal Herria hasta el 6 de enero, gracias a la iniciativa ‘Zu non, han DA!’. La lista completa se puede consultar en durangokoazoka.eus.

La entrada La Durangoko Azoka recibe 25.000 visitas con su sistema de turnos se publicó primero en durangon.com.

Imagen de la presentación del programa de este año.

Durangoko Azoka contará en esta edición con 990 novedades culturales, disponibles tanto en el pabellón de Landako como en su tienda online. La amplia oferta volverá a nutrir los espacios de la feria en la que se priorizará la seguridad de las personas asistentes con cita previa.

La presentación del programa completo se ha realizado esta mañana en la Escuela de Música Bartolomé Ertzilla de Durango, a cargo de representantes de la asociación Gerediaga y de los espacios de la feria. “Nuestro objetivo es organizar una Azoka segura, por lo que vamos a priorizar el cumplimiento de todas las medidas sanitarias”, ha insistido el coordinador del evento Beñat Gaztelurrutia.

Respecto a la oferta cultural que se podrá disfrutar, en esta edición se presentarán 990 novedades culturales: 733 libros, 143 discos, 37 revistas y 77 referentes a otras categorías. Estos productos podrán adquirirse en los 219 stands que se instalarán en Landako Gunea (del 4 al 8 de diciembre) o en la tienda online (del 3 al 7 de diciembre).

A escena

Durangoko Azoka ha organizado un amplio programa con actividades de varias disciplinas. En esta edición volverán Szenatokia, Irudienea, Kabi@, Ahotsenea, Saguganbara, Azoka Telebista y Talaia, nuevo espacio de la feria, que recogerá el testigo de Areto Nagusia.

En Szenatokia se podrá disfrutar de un espectáculo diario relacionado con el teatro, la danza y la poesía: ‘Tribiz baserri galdua’ de Jon Ander Urresti, la obra de teatro ‘Album’ de Formol Laborategia, ‘Lurrun minez’ dirigida por Galder Perez, el espectáculo ‘Interakzioa’ de la compañía Bagara y el recital de poesía  ‘Högeitavat’ con Iñigo Astiz y Mikel Ayerbe.

Irudienea proyectará 35 trabajos en el cine Zugaza: 12 cortometrajes, 11 documentales, tres largometrajes, dos presentaciones, cuatro estrenos y tres películas dirigidas al público infantil y juvenil. Este espacio será más paritario que nunca, puesto que las mujeres dirigirán y protagonizarán la mayoría de las obras. ‘Bañolet’, la webserie ganadora de la beca de la Azoka del año pasado, se presentará el 5 de diciembre también en Irudienea.

Para todas las edades

En Saguganbara se podrán encontrar talleres infantiles, cuentacuentos, presentaciones de libros, ilustraciones, lengua de signos adaptada para niños y niñas y espectáculos musicales. Se celebrará en el Elkartegi, aunque algunos espectáculos también se desarrollarán en el Areto Nagusia, dentro del pabellón de Landako (aunque no será necesario inscribirse previamente).

En esta última ubicación tendrá lugar Kabi@. Su programación, con charlas, mesas redondas y actividades, girará en torno a una idea: la transformación digital para impulsar la creación”.

Creación joven

Ahotsenea dividirá su programación en dos áreas: la música y la literatura. Los conciertos se celebrarán en Plateruena con bandas de amplio recorrido, así como grupos que acaban de publicar su primer trabajo. En este caso, será necesario reservar entrada previamente (de forma gratuita), a partir del 29 de noviembre.

En Talaia se hablará sobre temas muy diversos y se han organizado mesas redondas sobre la música electrónica, el mundo de la ilustración o la creación desde el punto de vista de los y las creadoras jóvenes. Por último, Azoka TB realizará un amplio seguimiento de lo que esté ocurriendo en la feria a través de sus dos canales de streaming.

PROGRAMA COMPLETO

La entrada Durangoko Azoka ofrecerá <br/>990 novedades en el pabellón de Landako y en su tienda online se publicó primero en durangon.com.

Durangoko Azokak Landako Guneko berezko izaera berreskuratzeaz gain, pandemiagatik iaz martxan jarritako online denda mantenduko du ‘baDA’ leloarekin burutuko duen 56. edizioan. Azoka fisikoan kokatuko diren 220 erakusmahaiak abenduaren 4tik 8ra bisitatu ahal izango dira eta online denda berriz, 3tik 7ra egongo da irekita.

Landako Guneak biltegi izateari utziko dio eta bere ohiko bizia hartuko du berriro. Nerea Mujika Gerediaga Elkarteko presidenteak esan duenez, “itzuliko dira erakusmahaiak, itzuliko dira korridoreak, itzuliko dira Ahotsenea, Irudienea, Kabi@, Saguganbara eta Szenatokia, eta itzuliko dira sortzaileak, argitaletxeak, diskoetxeak, zein autoekoizleak; eta itzuliko dira, nola ez, kulturzaleak. Beraz, bada Azoka. Eta zelako Azoka!”.

Edizio honetarako izena eman duten guztiei eskerra eman nahi izan die Mujikak “Azokan egoteko ahalegina egitea” erabaki dutelako, eta Durangoko Azokan “sinesteagatik”.

Online denda

56. edizioak aurrez aurreko salmenta berreskuratuko badu ere, Azokak bigarren urtez egingo den online dendari eutsiko dio durangokoazoka.eus webguneren bitartez. Atari horrek, Landakon salgai egongo diren nobedade guztiak eskuratzeko aukera emango du.

Gaur egindako aurkezpenean, edizioa honetako kartela eman da ezagutzera. Leire Urbeltz sortzaile iruindarrak egindako lanak ‘Desipuindegia’ izenburua du eta irudiarekin Azokaren lehenengo edizioak gogoratu nahi ditu, garai haietako irudien ‘revivalismoa’ eginez.

La entrada Durangoko Azokak bere izaera errekuperatuko du eta 220 erakusmahai jarriko dira Landakon se publicó primero en durangon.com.

Abenduaren 3tik 8ra bitartean ospatuko Durangoko 56. Azoka dela eta, Plateruena Kafe Antzokia berrirekitzea erabaki du Udalak. Eraikina Ahotsenearen aterpea izango da eta “euskal musika eszenako taldeek Plateruenaren oholtza zapaldu ahalko dute”, Udal agintarien esanetan.

Asmo hori gauzatzeko beharrezkoa da mantenu lanak egitea eta hobekuntzak egiteko txostena prestatu du Udaleko Bulego Teknikoak. Izan ere, “hornidura sistemak edota soinu ekipoa martxan jarri beharko dituzte berriz ere”.

Azoka amaitu ondoren, Plateruenak berriro itxiko ditu ateak, “behin betiko irekiera aurretik”.

Leiho bat ireki

Izan ere, Udalak  ‘Leiho bat ireki, Geroa begitantzeko’, lema erabili du iragarpen hau egiteko, etorkizuneko Plateruenaren diseinuan lanean baitabiltza duela hilabete batzuetatik.

Eraikinak 2020ko abenduaren 31n itxi zituen ateak eta kulturgunea kudeatzen zuen kooperatiba desegin zen. Harrezkero, Plateruenaren ateak berriz zabaltzeko mantenu eta hobekuntza lanak zehazten, eta, kulturgunearen kudeaketa eredua eta etorkizuneko erronkak diseinatzen aritu dira Udal arduradunak.

La entrada Durangoko Udalak Plateruena irekiko du Azokak 56. edizioa ospatzen duen egunetan se publicó primero en durangon.com.

Dena prest egongo da Landako Gunean, 10:15ean Azokari hasiera emateko.

Erakusmahaiak, standak, guneak, sortzaileak, antolatzaileak eta gainontzeko guztiak prest daude 54. Durangoko Azokari hasiera emateko eta gogotsu gerturatuko diren bisitari guztiei ongi etorria emateko.

Bihar, etzi eta etzidamu goizeko 10:30ean irekiko badira Landako Guneko ateak, gaur, lehenengo eguna dela eta, 10:15etik aurrera egongo da euskal kulturaren ekosistema adierazgarrienetarikoan murgiltzeko aukera. Ateen irekiera Arymux artistak egingo du, zeinu-hizkuntzan egindako ikuskizun laburra eskainiz.

Gazteak izango dira eguneko protagonista nagusiak, ohikoa denez Gerediaga Elkarteak antolatzen duen ekimenaren hastapeneko eguna Ikasleei zuzenduta baitago. Landako Gunean egongo diren standak bisitatzeaz gain, gainontzeko zazpi guneetan hainbat ekimen izango dituzte Euskal Herri osotik gerturatutako milaka gazteek.

200 ekitalditik gora

‘Osorik DA!’ goiburuarekin ospatuko den Azokak egitarau oparoa prestatu du gaurko Ikasle Egunerako eta Azokaren beste hiru egunetarako. Sortzaileek, argitaletxeek, ekoizleek eta bestelakoek eskainiko dituzten 405 nobedadeez gain kulturazaleek 200 ekitalditik gora izango dituzte aukeran domekara bitartean.

Gaur bertan ikasleentzat bereziki prestatutako hainbat tailer izango dira gune desberdinetan, ahozkotasuna, liburugintza, zinemagintza, antzerkigintza, ipuinak edo kaligrafia lantzeko baliagarriak direnak.

Azokak duen arlo profesionala ere lehenengo egunean azalduko da, goizeko 10:00etatik aurrera lehenengoz antolatutako DA! PRO egitasmoa abiatuko baita Musika Eskolan. Musikari, programatzaile eta diskoetxeen arteko topagunean 17 musika taldek aurkezpena egingo dute.

Lehendakaria inaugurazioan

Zuzeneko ekitaldiak ere egunean zehar abiatuko dira gune guztietan eta  Ahotseneako zuzeneko musika saioak arratsaldean hasiko dira. Gune horretan jarritako bi agertokietan ia 50 taldek joko dute domekara bitartean eta Ahotseneako solasaldien aretoan, Saguganbaran, Kabian, Irudienean, Szenatokian zein Plateruenan eskainiko den programazioak edozein euskaltzale asetu dezake. Azken gune horretan izango dira egun amaierako kontzertuak eta gaurkoan ETS En Tol Sarmiento taldeak ‘Aukera berriak’ lana aurkeztuko du.

Lehenengo eguna izanda, inaugurazio ekitaldia ere prestatu dute Gerediaga Elkarteko antolatzaileek. Arratsaldeko 19:00etan Musika Eskolan egingo den ‘Oparitarako’ ekitaldia Kepa Errasti aktoreak gidatuko du eta  bertan, besteak beste, Iñigo Urkullu Lehendakaria eta Ima Garrastatxu Durangoko alkatea izango dira.

Domekara arte egongo diren ekitaldien egitarau osoa Durangoko Azokaren webgunean kontsulta daiteke, baita sortzaileen sinadura-ordutegiak eta bestelako informazio gehigarriak.

Antolatzaileek zerbitzu publikoa erabiltzeko gomendioa luzatu dute, nahiz eta kotxea erabiltzen dutenentzat doako autobus zerbitzua prestatu dute 20 minutuero Iurretako peaje alboko aparkalekuetatik Landako guneraino.

La entrada Euskal kulturaren ekosisteman murgiltzeko garaia heldu da se publicó primero en durangon.com.

Nerea Mujika Gerediaga Elkarteko predidenteak gune desberdinetako arduradunekin aurkeztu du 54. Durangoko Azokaren egitaraua.

Erakusmahaietan, agertokietan, pantailetan zein bestelako espazioetan izango diren nobedadeez gain, abenduaren 5etik 8ra bitartean ospatuko den Durangoko Azokak bestelako berrikuntzak ere izango ditu. Aipagarrienak, standek izango duten itxura berritua, Bartolome Ertzilla Musika Eskolaren erabilera eta profesionalei zuzendutako DA!Pro ekimena.

Ikasle Egunarekin hasiko den 54. edizioa azken urteetan Azokak izan duen garapenaren erakusgarri izango da, baita espazioan ere. Aurten, Musika Eskola espazio berria erabiliko da eta bertan egingo dira Inaugurazio ekitaldia, Gogoetaren Plaza zein DA!Pro ekimena.

Gogoetaren Plazan jorratuko diren gaiak euskal prentsa, lizentzia libreak komunikabideetan, kulturaren profesionalizazioa eta euskara integrazio hizkuntza gisa izango dituzte hizpide. Bestalde, lehengo aldiz egingo den DA!Pro ekimenean Euskal Herriko musika sektoreko sortzaileak programatzaileekin harremanetan jartzeko asmoa duen egitasmoa Azokaren estreinako egunean izango da.

Handitzen

Espazio berriaren erabileraren arrazoia Nerea Mujika Gerediaga Elkarteko lehendakariak eman du. “Durangoko Azokak bere muina Landako Gunean baldin badu ere, azken urteotan handitzen ari da eta Durangon zehar zabaltzeko ahaleginetan gabiltza”.

Landako gunea itxura berrituta agertuko da eta 30 urtetan lehenengo aldiz, Azokak erakusmahaien irudia aldatuko du. “Gure asmoa gaur eguneko tendentzietara egokitzea eta erakusmahaiak errazago identifikatzea izan da. Erakusmahaiak egurrezkoak izango dira eta errotulazioetan kolore desberdinak eta ikonoak izango dituzte”, Mujikaren esanetan.

Aurreko urteetan baino eskakizun gehiago jaso badira ere, 54. edizioan 240 stand handi eta 24 txiki egongo dira eta bertan jarriko dira eskuragarri aurtengo 405 nobedadeak (273 liburu, 91 disko, 16 aldizkari, 5 ikus-entzunezko eta 30 bestelakoak). Autoekoizleak berriz, 14 izango dira.

Musika Eskolaz gain, Ahotsenea, Irudienea, Kabi@, Saguganbara, Szenatokia, Plateruena eta Azoka TB izango dira ohiko espazioak eta eskainiko duten programazio mardulean 200 kultur ekitalditik gora iragartzen dira.

Sormen beka

Egitarauan tartekatutako ekitaldien artean, aipatzekoa da Azokaren bigarren egunean egingo den Sormen Bekaren irabazleak ezagutzera emateko ekitaldia, edizio honetarako aukeratutako gaia musika izan dela. Gainera, iaz saritutako AtopiaRPG euskarazko lehenengo rol-jokoaren aurkezpena egingo da eta hurrengo egunean zuzeneko partida bat jolasteko aukera egongo da Kabi@ gunean.

Ahotseneak bi gune izango ditu aurten ere, bata Landako erakustazokaren alboan kokatuko den karpa eta bestea barrualdeko espazioa. Bi guneetan Euskal Herri osoko 111 talde, bakarlari eta idazle ezagunak zein hasiberriak egongo dira, zuzenean aurkezteko kaleratutako  azken ekoizpenak.

Garraio publikoa gomendagarri

Aurtengo aurrekontua iazko antzekoa izango da, 668.450 eurokoa, Bizkaiko Foru Aldundiak estreinakoz emandako 10.000 euroko diru-laguntza izenduna barne. Azokaren aurrekontuaren erdia inguru “erakunde publikoek egindako ekarpenarekin betetzen da eta beste erdia enpresa pribatu eta standen alokairuarekin” lortzen den diruarekin arekin osatzen dela adierazi du Mujikak.

Azokak duen eragin ekonomikoaren inguruko ikerketa egin da Siadeco ikerketa-taldearekin batera eta bertan jasotako datuak  abenduaren 8an emango dira ezagutzera. Bildutako datuak iazko Azokakoak dira eta aurkezpenean nondik norakoak azalduko dira: kulturaren plazaren eragin ekonomikoa, bisitarien perfila, partehartzaileen balorazioa eta abar.

Azoka egunetan Durangora gerturatzen dien bisitariei ongi etorria emateaz gain, Mujikak garraio publikoa erabiltzeko gonbitea egin die. Gainera, autoz datozenentzat, Landako eta Iurretako peaje inguruko aparkalekuak 20 minutuko maiztasunarekin lotuko dituen doako autobus zerbitzua egongo dela gogoratu du Mujikak.

La entrada Itxura berritutako standak, Musika Eskolaren erabilera eta DA!Pro dira aurtengo Azokaren berrikuntzak se publicó primero en durangon.com.