San Prudentzio eta San Trokaz jaiak iragartzeko kartel lehiaketak deitu ditu Abadiñoko Udalak

txopo-abadiño-san-prudencio-2019 — San Prudentzio jaietako kartel lehiaketaren irabazleak, Matienako ospakizunei hasiera emango dien Doniane Atxaren igoera ekitaldian jasoko du saria.

Traña-Matienan ospatuko diren San Prudentzio jaiak eta Zelaietan izango diren San Trokaz jaiak iragarriko dituzten kartelak aukeratzeko lehiaketak deitu ditu Abadiñoko Udalak. Lehiaketa bakoitzeko irabazleak 300 euroko diru-saria jasoko du.

Traña-Matienan apirilaren 27tik maiatzaren 10era bitartean ospatuko diren San Prudentzio jaietarako kartel lehiaketan parte hartzea nahi dutenek, martiaren 30a baino lehen aurkeztu beharko dituzte euren lanak Udal Mediatekan edo Errota Kultur Etxean.

Lehiaketa irabazten duen lanaren egileak 300 euroko saria eskuratuko du. Irabazleak apirilaren 27an jasoko du saria, Matienako jaiei hasiera emango dien Doniane Atxaren igoera ekitaldian.

Aurkeztutako lanekin Errota Kultur Etxean apirilaren 20tik maiatzaren 9ra bitartean egingo den erakusketa bat egingo du Abadiñoko Udalak.

Maiatzaren 12an hasi eta 24an bukatuko diren Zelaietako San Trokaz jaietako kartel lehiaketara aurkeztu nahi diren sortzaileak berriz, martxoaren 30era arteko epea dute euren lanak entregatzeko. Lanak, Udal Mediatekan edo Errota Kultur Etxean aurkeztu daitezke.

Deialdi honetako irabazleak ere 300 euroko saria jasoko du eta sari emate ekitaldia maiatzaren 12an egingo da San Trokaz plazan, Talde Batuak eskainiko duen saioarekin batera.

Lehiaketara aurkeztutako kartelak ikusgai egongo dira Udal Mediatekan maiatzaren 11tik 22ra bitartean.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.