Komertzio lokalaren defentsan

Asteburu honetan beste outlet azoka bat izango da LESAn (Landako Erakustazoka). Eta zer esan asko dago azoka honi buruz. Lehenik eta behin, esan beharra dago publizitate karteletan agertzen den euskararen trataera lotsagarria dela, Durangoko herriaren izena ere gaizki jartzeraino. Honekin batera, Durangoko Udalaren logoa erabili dute baita ere, Udalak azoka honetan kolaboratzen ez duelarik, logo honen erabilera ilegal bat eginez. Guztiz salagarria!

Eta euskararen eta udaleko logoen erabilera lotsagarri eta salagarritik haratago, EH Bildutik beharrezko ikusten dugu mota honetako azokei buruz hausnarketa sakon bat egitea, hauek herriko komertzioari egiten dioten kalteari buruz. Merkatari elkarteak eta banakako dendariek argiki esan ziguten, adibidez, gabonak bueltan izan ziren hainbat azokek kalte biziki handia egin zietela. Eta oraindik beharrezkoagoa da hausnarketa hau erabiltzen den eremua espazio publiko bat denean, horrek Udalaren gain uzten baitu ere arduraren zati bat.

Horren aurrean pentsatu beharra dago zer motatako herria nahi dugun. Durango zerbitzu herri bat dela ez dago dudarik. Orain zehaztu beharra dago zein motatako zerbitzua eskaintzea nahi dugun. Bi aukera daude: superfizie handiko eremuak eta noizbehinkako makroazokak, edo betiko komertzio lokala, herriko jendeak martxan jarria eta herriko ekonomia sustatzen duena, herriko aberastasunak herrian eragitea lortuz.

EH Bilduk bigarren eszenatokiaren aldeko hautua egin nahi du, eta, tamalez, asteburu honetako azokak lehenengoaren alde egiten du. Badakigu hauek debekatzea ez dela bidea, eta ez da hau gure nahia, baina beharrezkoa da hauen erregulazioa. Azaro, abendu eta urtarrileko azokak egin zirenean batu ginen merkatariekin, eta momentu horretan ere erregulazio honen beharra ekarri genuen udalera. Eta erregulazioaz ari gara hitz egiten, ez debekuez. Merkatariek ere esana baita, noizean behin horrelako azokak herrian izatea ez dela beraientzat arazo, bai ordea, azoka hauek salmenta-kanpaina garrantzitsuetan pilatzea, pasadan urte bukaeran gertatu legez. Gainera, aukera interesgarria da baita azoka hauek egitea, baina herriko komertzioa izanik bertan parte hartzen duena, eta ez izatea stand gehienak (denak) kanpotik datozen dendenak.

Hori dela eta, gure herria tokiko komertzio gabeko herri bilakatzea nahi ez badugu, beharrezkoa da gai honetan neurriak hartzea. Eta neurriak oso modu errazean hartu ahal dira, Landako Erakustazokaren alokairuan baldintza batzuk jarriz outlet edo ganga azoka hauei. Ezin da izan LESA okupaturik ikusi nahi dugulako, herriko ildo estrategikoa den (edo izan beharko lukeen) herriko komertzioaren aurka egitea. Arazo hau konpontzeko borondate politikoa soilik behar da, inor kaltetu gabe, herriko komertzioari merezi duen bultzada emateko.

Durangoko EH Bildu

Durangon Whatsapp
1 Estrella2 Estrellas3 Estrellas4 Estrellas5 Estrellas (2 votos, media: 5,00 sobre 5)
Cargando…

8 Comentarios


  1. Fatal error: Allowed memory size of 134217728 bytes exhausted (tried to allocate 1324106 bytes) in /var/www/vhosts/durangon.com/httpdocs/wp-includes/wp-db.php on line 1978