Ez gara Ibilaldira joango (Isilpeko Mahaia Elkartea)

Ideiarik ere ez nor dagoen talde horretan. Imajinatzen dut ez dela erraza izango aurpegia ematea. Nik beldurra izango nuke, Durangon sutara jaurtiko dituzte pentsamendu hori daukatenak.

A! Eskola publikoko irakasleak izan daitezkeela diozu….. igual bai, eskola publikoko irakasleak, trankil asko publikatik jan eta seme-alabak ikastolan dauzkatenak.

Gure eskola publikoan ez dago horrelakorik; bestela ez genuke gure semea han utziko, nola utziko diogu bada umea irakasle klase horri? Bere umeak publikan matrikulatzen ez dituen irakasle horri?

Biba 1987ko aldarria.

Guztiz ados gutun honekin!!! Sasoia izan da!!! Durangoko “elitismo” eta “harrokeriekin” nahiko nazkatuta nago. Alde batetik, Ikastolen irakasleen “zalantzazko kontratazioen” kontra nago. Ulertezina. Ikastolako ikasle ohak=irakasleak. Harrigarria benetan. Bestalde, non daude etorkinak? Ah hori ez, gure geletan ez mesedez. Joan daitezela eskola publikora. Harrigarria benetan, eta gurasoak oso “modernoak” eta “progreak” dira, jakina. Beraz, kutxa publikotik euro bat bez proiektu honetarako. Ikastoleei bideratzen den euroa euskal eskolara ez doan euroa da. Eusko Jaurlaritzak argi izan behar du zeintzuk dira lehentasunak. Beraz, nire desadostasun borobila. Ni ere ez naiz joango Ibilaldira, aspaldi joan barik gainera.

Gutun hau irakurrita gero kezka handi batzuk etorri jataz burura.

Ezin dot ulertu jende batek zelan euki leiken ikastola-eskola banaketa hori egiteko nahia.
Galdetuko neutsien ea gogoratzen diren zergaitik sortu ziren ikastolak, zein garaitan eta zer arazo euki ebezan.

Agian Durangoko egoera “erreza” dala esango dabe, ez dala ikastolarik behar herria euskalduntzeko.
(Nafarroako lagun batek esaten doztan moduan, zelako erreza dan Durangon euskalduna izatea, etorri Tafallara!) Nik ere nahiko neuke eskola publiko bat egotea baina hau posible da Euskal Herriko herri guztietan?

Eta aurreko galdera egiten dot berriz, zergaitik sortu ziran ikastolak?
Eta badakigu oraindik beste herri askotan ez dala posible euskaraz ikastea eskola publikoetan? Lapurdi, Baxe-Nafarroa, Xiberua, Nafarroa hegoaldea.

Ikastolak garai konkretu batean sortu ziren, eta toki askotan oraindik garaiak ez dira aldatu.
Ikastolak ez deutso erantzuten soilik herri konkretu bateko errealitate bati, herri/nazio proiektu baten baitan kokatzen dan proiektu bati baizik.
Ikastolen elkartea hor da, hauen lana ezagutu behar da eta hau gabe ezinezkoa izango zan Baxe-Nafarroako herri txiki batean euskaraz ikastea adibidez.

Eta nik bai, nik gure politikariei ikastolak laguntzeko eskatzen diet, aukera bakarra dalako beste herrietako hizkuntza arazoei aurre egiteko. Aukera bakarra dalako beste herri batzuetan euskaraz ikasteko.
Guk gurea ikusten badogu, zertarako nahi dogu Durango euskaldun bat, eskualdetik urten eta beste hizkuntza baten hitz egiteko?

Jarrai dezagun horrela, boikota egiten.
Ez dot uste arazoa ikastola-eskola izan behar danik. Herri baten baitan kokatu behar dogu hezkuntza proiektua, bakoitzak bere lekutik baina norabide bardinean. (Batzuetan barre eginten dot ikusita nola erabiltzen doguzan eskuzabaltasuna, aniztasuna eta horrelako hitzak… eta gero gure buruari besterik ez deutsagu ikusten)

Eta amaitzeko, ez daukaguz kalitazteko eskola publiko baten alde egiteko tresna nahikorik, gaur egun ez. Eta Euskal Herriko errealitatea ikusterik besterik ez da.
Etorkizunean politikari espainolak sartzen badira gobernura, al dogu ziurtatu eskola publiko euskalduna izango dala? EAE-n momentuz “errezagoa” da baina beste lurraldeetan?

Uste dot nahikoa dala elkar mokoka ibiltzen jarraitzeari, eztabaida ez da ikastola/eskola. Eztabaida urrunago doa. Ez dot uste ikastola perfektua danik, baina horrelako eztabaidak soberan daude. Elkar entzuteko eta laguntzeko egon behar gara.

Ea Ibilaldian kaleak betetzen doguzan eta euskarari beste bultzada handi eta beharrezko bat ematen deutsagun.

Oso agerikoa da segregazioa ematen ari dela eskoletan,Durangon
hori oso nabarmena da,nora doaz ikasle etorkin gehienak?
Gero denek jartzen dute euren hezkuntza proiektuetan kulturartekotasunarena,aniztasunarena,zelako hitz politak.Bitartean “pribatu”-kontzertatu eta publikoaren arteko desoreka gero eta haundiagoa.