17 eta 41 kilometroko ibilbideak izango ditu Otxandioko Bizikleta Martxak

Gehien jota 300 parte hartzaile izango ditu domeka honetan Otxandion ospatuko den  Mendi Bizikleta Martxak. Lehiakorra ez den martxa honetako antolatzaileak bi ibilbide prestatu dituzte, bata laburra, 16,92 kilometrokoa, eta bestea luzea, 40,85 kilometrokoa.

Goizeko 9.30ean Otxandioko plazatik irten eta toki berean helmuga izango duen martxak San Martin, Azpikoarri, Aldoia, Motxotegi, Gordobil, Nebera, Gomilatz, Mirugain, Inola, Otxandio, Kerixara eta Kondebaso zeharkatuko ditu.

Ibilbideak 1.182 metro inguruko gainbehera positiboa izango du eta puntu gorenena 785 metrotara egongo da. Antolatzaileek anoa-postuak prestatuko dituzte Gomilatzen eta Otxandioko plazan eta bide erdira 12.30etarako heltzen ez dena zuzenean helmugara joan beharko da.

Ibilbide laburra berriz ordu laurden geroago irtengo da Otxandiko plazatik eta Mataderoa, Presazelai, futbol zelaia, Aldoia, Gordobil, Gomilatz eta Inola zeharkatu ondoren irteera puntuan amaituko da. Ibilbide honen zailtasuna txikiagoa bada ere, ez da onartuko 10 urtetik beherako haurren izena ematea. Guztira 402ko gainbehera positiboa izango du eta puntu gorena 705 metrotan egongo da

Izena ematea

Izena ematea www.otxandio.net web orriko ‘inskripzioak’ atalean egin daiteke barikua arte eta federatuek 10 euroko kuota ordainduko dituzte eta federatu gabeak berrik 12 euro.

Martxa egunean ere apuntatzeko aukera egongo da baina kasu honetan 12 euro ordainduko dituzte federatuek eta 15 euro federatu gabeak.