Durangoko Zugaza zinemak Josu Martinezek zuzendutako ‘Bizkarsoro’ luzemetraiaren estreinaldia hartuko du barikuan, hilak 12, 18:30ean. Fikziozko pelikula honen helburua “filmaren mamiaz gogoeta eragitea da”, ekoizleen esanetan.

‘Bizkarsoro’ 1914tik 1982ra bitartean gertatzen diren bost istoriok osatzen dute. Ahozko lekukotzetan eta idatzitako testuetan oinarritutako fikziozko bost istorioen ardatza “euskaldunak eta euskarak pairatu duen eta egun pairatzen duen jazarpena” dira hizpide, ekoizleen arabera.

Filma joan den mendean kokatuta egonik ere, “bertan kontatzen direnek ez dute gaurkotasunik galdu. Gaurko nerabe batek identifikatzeko moduko egoerak gertatzen dira Bizkarsoron”.

Bizkarsoro herria ez da existitzen, baina Euskal Herriko edozein herri izan daiteke, eta bertan azaltzen diren pertsonaiak fikziozkoak izan arren euskaraz bizitzeagatik jazarriak izan diren euskaldun guztiak islatzen ditu.

Bigarren emanaldia

Durangon izango den lehen emanaldiaren ostean Hibai Castro Egia argazki zuzendariarekin hitz egiteko aukera egongo da. Barikuko saio horretaz gain, filmaren bigarren emanaldi bat egongo da domekan, 19.30ean

Durangoko estreinaldia babesteko bat egin dute euskalgintza arloko Gerediaga elkarteak, Berbaro elkarteak, Durangaldeko AEK eta Korrikak, Euskal Herrian Euskarazek eta Anbotok.

Zugaza zineman egingo den lehen proiekzioaz gain, egun horretan bertan Gasteizen, Donibane Garazin, Tolosan, Baionan, Altsasun eta Maulen ere emango da filma. Ondoren, Euskal Herriko beste hainbat herritan ikusi ahal izango da. Ekoizleen helburua “emanaldiak Euskal Herri osoko euskalgintzako, kulturgintzako eta herrigintzan aritzen diren bestelako eragileekin zein tokian tokiko eragileekin elkarlanean antolatzea da”.

La entrada Euskararen jazarpenari buruzko ‘Bizkarsoro’ filma estreinatuko da barikuan Durangon se publicó primero en durangon.com.

Rio de Oro Gobernuz Kanpoko Erakundeak Fokuan gizarte-zinemaldiaren hirugarren edizioa antolatu du eta aurtengo edizioren protagonistak errefuxiatuak eta migratzaileak izango dira.

Durangoko Udalaren laguntzarekin antolatutako ekimenak gai sozialak landuko dituen bi saio iragartzen ditu eta biak Zugaza zineman izango dira.

Lehenengo ekitaldia gaur bertan izango da ‘Tori et Lokita’ pelikularen emanaldiarekin. Jean-Pierre eta Luc Dardenne anaiak zuzendutako filma gaur egungo Belgikan kokatzen da. Afrikatik bakarrik iritsi ziren haur batek eta neska nerabe batek erbesteko baldintza gogorrei aurre egin beharko diete.

Fokuan ekimena abenduaren 19an emango diren ‘M’ dokumentalarekin eta ‘Carta a Sasha’ laburmetraiarekin osatuko da. ‘M’ filmak Espainiara bakarrik iristen diren gazte migratzaileen kezkak eta esperientziak kontatzen ditu. ‘Carta a Sasha’k berriz, Aljeriako basamortuko errefuxiatu-gune baten bizi den Fatmaren ideia zoragarri bat hartzen du abiapuntu.

400 ikasle inguru

Gizarte-zinemaldiaren hirugarren edizioaren emanaldietara Durangoko Ibaizabal ikastola, Jesuitak eta Maristak ikastetxeetako 400 ikasle inguru hurreratuko dira. Fokuan ekimenaren bidez, “Durangoko 16 eta 18 urteko ikasleak garrantzi handiko gai horien inguruan sentsibilizatzea da aurtengo edizioaren helburua”, Rio de Ororen kideen esanetan.

Zinema dokumentala eta film laburrak baliatuz, “munduko zenbait errealitateren inguruan sentsibilizatzea lortu nahi du erakundeak”.

La entrada Fokuan gizarte-zinemaldiaren protagonistak errefuxiatuak eta migratzaileak izango dira se publicó primero en durangon.com.

Tras la exhibición, la joven actriz de Basauri Sofia Otero, ganadora del Oso de Plata a la Mejor Interpretación en la sección oficial del 73° Festival Internacional de Cine de Berlín-Berlinale por su trabajo en la película, participará en un coloquio en el también tomarán la palabra Itziar Lazkano y Lara Izagirre.

’20.000 especies de abejas’ también recibió en su estreno absoluto en la capital alemana el premio Guild Film Prize que otorgan los exhibidores alemanes a la mejor película en competición, y el premio del Jurado, Berlinale Morgenpost Readers’ Jury Award. Además, fue nominada al Oso de Oro a la mejor película de ese certamen.

En el 26 Festival de Málaga 2023, por su parte, recibió la Biznaga de Oro a la mejor película a concurso, así como el premio a la mejor actriz de reparto para Patricia López Arnaiz.

Transexualidad e identidad transgénero

La película es un drama en el que se abordan cuestiones como la transexualidad en la infancia y la identidad transgénero. La protagonista, Cocó de ocho años, a la que da vida Otero, es una chiquilla que no encaja en las expectativas del resto y no entiende por qué. Todos a su alrededor insisten en llamarle Aitor pero no se reconoce en ese nombre ni en la mirada de los demás.

Su madre Ane, (Patricia López Arnaiz), está sumida en una crisis profesional y sentimental, y aprovechará las vacaciones para viajar con sus tres hijos a la casa materna, donde reside su madre Lita (Itziar Lazkano) y su tía Lourdes (Ane Gabarain), estrechamente ligada a la cría de abejas y la producción de miel.

Este verano que cambiará sus vidas obligará a estas mujeres de tres generaciones muy distintas a enfrentarse a sus dudas y temores. Y sobre todo, a Ane a ser por fin honesta consigo misma.

Las entradas para asistir al estreno ya están a la venta y los responsables de Zugaza zinema señalan que “si se compra la entrada en taquilla hay un descuento de dos euros”.

La entrada Lara Izagirre y Sofía Otero estarán en el cine Zugaza en el estreno de ‘20.000 especies de abejas’ se publicó primero en durangon.com.

Durangoko “kulturaren erakusleiho” den Zugaza Zinemari bultzada bat emateko helburuarekin, Udalak eta areto horretako arduradunek umeei zuzendutako lau filma emateko hitzarmena sinatu dute. 4 eta 10 urte bitarteko gaztetxoei zuzendutako saioak abuztuaren 24, 26, 31 eta irailaren 2an izango dira, eguerdiko hamabietan.

Sinatutako hitzarmenaz gain, Udal arduradunek “euskarazko filmeei bultzadatxo bat” eskaini nahi diete. Gainera, 1927an sortuz geroztik, Zugaza Zinemak aurten soilik itxi behar izan ditu bere ateak, konfinamenduaren ondorioz. Durangoren aurkako Bonbardaketan ere ateak irekita mantendu zituen.

Pandemiak eragindako kalteei aurre egin eta Durangoko hainbat sektore suspertzeko asmotan, Udalak hainbat diru-laguntza aurkeztuko ditu, herriko negozio txikientzako ireki duena bezalakoak.

Zentzu horretan, “indar berezia egin eta egingo du kulturgintza arloan. Izan ere, udazkenean martxan jarriko diren Kultur Bonoez eta Sortzaileentzako 100.000 euroko diru-poltsaz gain, aurtengo udarako kultur programazio indartu da, ia zuzeneko 40 ikuskizun eskainiz”, adierazi dute.

Beste sektore batzuk bezala, kulturgintza oso egoera prekarioan eta larrian dago, eta “Udal honek oso argi dauka kulturarik gabeko herri bat ezin dela inondik inora berpiztu. Horregatik, beste sektoreei bideratutako laguntzez gain, kulturari bultzadatxoa eman nahi diogu”, adierazi dute udal ordezkariek.

Emango diren filmeak:

Abuztuak 24 – Luis eta Estralurtarrak

Abuztuak 26 – Oin handiaren semea

Abuztuak 31 – Lur eta Amets

Irailak 2 – Mr. Link

Sarrerak doan izango dira eta gonbidapenak Zugaza zine-aretoan bertan jaso ahalko dira.

La entrada Durangoko Udalak eta Zugaza zinemak umeei zuzendutako lau pelikula emango dituzte doan se publicó primero en durangon.com.

Euskarazko kultura digitala sustatu eta ezagutaraztea helburu duen ‘Xare’ Euskarazko Kulturalaren Jardunaldia ospatuko dute gaur Durangon eskualdeko hiru ikastetxetako Batxilergoko 1go mailako 450 gaztek. Azkue Fundazioak eta Xarek antolatutako ekimenak Eusko Jaurlaritzaren zein Durangoko Udalaren laguntza du.

Goizeko 9etatik 13:45etara bitartean burutuko den jardunaldiaren helburua “softwareen euskaratzea bultzatzea eta horiek instalatzeko nahiz erabiltzeko ohitura sustatzea, baita euskarazko IKTen sektorea ikusarazi zein balioestea” da, antolatzaileen arabera. Landakoko eraikinean, Plateruena Kafe Antzokian eta Zugaza Zineman burutuko den egitarauan bi hitzaldi eta zortzi tailer tartekatuko dira.

Musika eta Wikipedia

Plateruenako ‘Info Aretoa’ ezagutzara bideratuta egongo da eta bertan euskarazko kultura digitalaren esparruan aitzindari izan diren eta egun lanean diharduten sei proiekturen inguruko aurkezpen laburrak egingo dira.

Landakoko eraikinean kokatuko den ‘Ikas Aretoa’n zortzi lantegi ezberdin egongo dira, bestek beste DJ Makalak eskainiko duen ‘Musika sortu, nahastu eta zabaltzeko aplikazioak’; Protomakers-en ‘Errealitate birtualera hurbilpena’ edo ‘3D inprimagailuak: objektuak diseinatu eta modelatu’ edo Euskal Wikilarien Elkartearen ‘Wikipedia: entziklopedia auzolanean eta euskaraz nola elikatu’.

Zugazako ‘Era Aretoa’n eskainiko dira aurtengo berrikuntza nabarmenenak, “biek ala biek IKTen erabilera egokia egitearen garrantziaz ohartarazi” nahi dutela. Gipuzkoako Software Askeako Maider Likonak ‘Pribatasuna Sarea’ izenburua duen hitzaldia emango du eta Emaize Sexologia Zentroko Ane Ortizek ‘Harremanak 3.0: like bat eman’ gaia izango du hizpide.

‘Xare’ ekitaldia Durangon egiteak hainbat helburu betetzen ditu Udal ordezkarien arabera. “Durangoko gazteek aisialdirako eta kulturarako aukera ezberdinak” izango dituzte herrian bertan, egiten dituzten eskaeretako bat “gazteentzako aisialdirako aukera ezberdinak eskaintzea” baita. “Ekitaldi hau, nahiz eta puntuala izan eta aisialdiaz gaineko beste hainbat helburu dituen, norabide horretan ere egiten du lan”.

La entrada Batxilergoko 1go mailako 450 gazte bilduko dira ‘Xare’ Euskarazko Kultura Digitalaren Jardunaldian se publicó primero en durangon.com.

Durangoko Zugaza zinemak ‘Kutsidazu bidea, Ixabel’ filma eskainiko du bihar, iluntzeko 20:00etan, Euskal Zinemaren Egunaren harira. Ikusle gazteak zinera erakartzea eta belaunaldi berriei euskal zinemagintzaren ekoizpen ezagunenak pantaila handian aurkeztea nahi da EZAEk, Euskadiko zine-aretoen elkarteak, antolatutako ekimenarekin.

Mireia Gabilondok eta Fernando Bernuések zuzendutako ‘Kutsidazu bidea, Ixabel’ 2006an pantailaratu zen, Mikel Losada, Ainere Tolosa eta Iñake Irastorza protagonista zituela, besteak beste. Pelikulak 1994an Joxean Sagastizabalek argitaratutako umore eleberria zein 2003an estreinatutako antzezlana ditu aurrekari.

Euskal zinemaren klasiko honek Juan Martinen esperientzia kontatzen du. Euskara maila hobetzeko asmoz, uda baserrian pasatzea erabakitzen du donostiarrak, eta berehala konturatzen da euskaltegian ikasitakoak ez duela baserritarren euskararen antzik. Horrez gain, Juanek baserriko lanak ezagutzen ez dituenez, egoera barregarri mordoa eskaintzen ditu, baita esperientzia eder asko ere.

Egitasmo honek Euskal zinemagintzaren klasikoak berreskuratzeko xedea duenez, 4,5 euroko prezio murriztua izango du sarrerak.

‘Kutsidazu bidea, Ixabel’ pelikularen emanaldia hasi aurretik, Asier Altunaren ‘Artalde’ film laburra ikusiko dute bertaratuek.

Egitasmo honen barne eskainitako lehen filma Álex de la Iglesia zuzendari bilbotarraren ‘Acción Mutante’ izan zen, eta laster iragarriko dira hurrengo saioak.

La entrada ‘Kutsidazu bidea, Ixabel’ pelikula emango da bihar Durangon, Euskal Zinemaren Egunaren harira se publicó primero en durangon.com.

landako Gunean egin zen 53. Durangoko Azokaren aurkezpena.

‘DA! asko dira’ lelopean abenduren 5etik 9ra arte egingo den 53. Durango Azokak, 200 kultur ekitalditik gora eskainiko ditu propio jarritako Areto Nagusian, Ahotsenean, Saguganbaran, Kabi@n, Azoka TBn zein Zugaza zineman kokatuko den Irudienean, San Agustin Kultur Gunean egongo den Szenatokian eta Plateruena kafe antzokian.

Landako Gunean jarriko diren 247 standetan “158 argitaletxe, diskoetxe, kultur elkarte, erakunde eta banatzaile” egongo direla azpimarratu zuen Gerediaga elkarteko presidente Nerea Mujikak aurtengo edizioaren aurkezpen ekitaldian. Azokako erakusmahaietan “439 nobedade aurkitu ahal izango ditugu: 304 liburu, 93 disko, 18 aldizkari, argitalpen elektroniko bat eta 23 bestelakoak. Autoekoizleen plaza ere izango dugu bosgarren urtez, eta 17 autoekoizle egongo dira bertan”, Mujikaren esanetan.

Areto Nagusian kokatuko den Gogoetaren Plaza izango bada Azokaren ardatzetako bat, programazio zabala izango da gainontzeko guneetan. Ahotsenean, esaterako, 70 kontzertu eskainiko dira, tarteko Hesian, Gatibu edo Txapelpunk taldeen lan berrien aurkezpenak edo Pako Aristi, Alaine Agirre, Katixa Agirre, Harkaitz Cano edo Jon Arretxe idazleekin solasaldiak.

Irudienean berriz, ‘Soinujolearen semea’, ‘Muga deitzen da pausoa’ edo ‘Margolaria’ filmen aurre-estreinaldiak iragartzen dira eta Eszenatokian Hikaren ‘Txarriboda’ antzezlana, pieza laburren emanaldia edo Larrua Produkzioen ‘Baserri’ dantza ikuskizuna taularatuko dira.

Kontzertu nagusiak Plateruenan izango dira eta oholtza horretan Esne Beltza, Huntza, Anestesia, Modus Operandi eta Olatz Salvador izango dira.

La entrada 200 kultur ekitalditik gora eskainiko ditu Durangoko Azokak se publicó primero en durangon.com.