Atxondoko eskolako umeek planto egingo diote datorren astean jantokiko catering bazkariari

berton bertokoa — Alderdi politiko guztiek eta hainbat eragile sozialek eman diote babesa Berton Bertokoa ekimenari.

Durangaldeko eskolak bertoko eta sasoiko produktuak kozinatzearen aldeko eskariari eusten diote eta horren harira, plantoa egingo diote catering zerbitzuari datorren astean Atxondoko jantokian.

Atxondoko eskolako gurasoak umeak astebetez jantokitik ateratzea erabaki dute eta, denbora horretan, “eskolako jantokia hutsik egongo da. Gurasoak jai hartu dute eta txandaka umeak zaindu, janaria prestatu eta bazkaltzen emango diete”, Berton Bertokoa ekimenko kideen esanetan.

Plantoa gauzatzeko, herriko jatetxeen eta elkarte ezberdinen laguntza ere izango dute eta Atxondoko eskolako ikasleak bertako eta sasoiko produktuekin bazkalduko dute.

Ekimen hau Durangaldeko beste lau eskolekin batera garatzen ari den aldarrikapenaren inguruan kokaktzen. Atxondoko eskolaz gain, Durangoko Zabalarrako eskolak, Zaldibarko eskolak eta Iurretako Juan Orobigoitia institutuak ere sukaldea bertan izatea eskatzen dute eta, albait arinen ipintzeko, bilera eskatu diote Hezkuntza sailari.

Dastaketa

Tartean, ekimen desberdinak egingo dituzte eskualdeko ikastetxeetan, lehena gaur bertan Iurretako Maiztegi eskolan. Arratsaldeko 16:30etatik aurrera bertoko ekoizleen produktuen dastaketa egingo dute.

Durangoko Zabalarrako eskolan eta Abadiñoko eskoletan berriz, bertoko produktuekin egindako meriendak eskainiko dituzte maiatzaren 29an. Zaldibarren ere ekimen berdina egingo dute datorren astean.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.