Banner en desktop Banner en moviles
EH Bildu
San Agustin Kultur Gunea Durango
Amorebieta-Etxanoko Udala
Maristak Durango

Añube eta Ezta Ilen taldeek gaur eskainiko dituzten kontzertuek Mañariko jaien atariko izango dira

Ofizialki astelehenean hasiko diren Mañariko jaiek, atariko ederra izango dute gaur iluntzean, rock kontzertua eskainiko baitute Añube talde gipuzkoarrak eta Ezta Ilen hirukote zaldibartarrak.

Datorren astelehenetik eguaztenera burutuko diren ospakizunak girotzen hasteko prestatu den kontzertua, elkarlanean antolatu dute jai batzordeak eta “Mañarian sortu berri den Kafraga Elkarteak”, Ainara Otxotorena herriko alkateak azpimarratu duenez.

Gaurko ekitaldia ez da izango jaietako berrikuntza bakarra. Izan ere, astelehen eguerdian izango diren Pitxitxiren igoerarekin eta Kafragako kideak piztuko duten txupinazoarekin batera, “kanpai jotzea berreskuratuko da”, Otxotorenaren esanetan. “Iaz, elizako kanpai dorrera igotzeko eskaileren egoera txarra zela eta ezin izan zen gauzatu”, gogoratu du alkateak.

Delirium Tremes eta Los Zopilotes Txirriaos

Herri-bazkariarekin eta horren ostean izango diren igel eta mus txapelketekin beteko dira Andra Mari jaien lehen orduak. Arratsaldean haurrentzako prestatutako play mai tailerra eta gazte olinpiadak egongo dira. 22:30etik aurrera Delirium Tremes eta Los Zopilotes Txirriaos taldeek eskainiko dituzten agerraldiek eta Dj Pitxitxiren ekitaldiak osatuko dute lehen eguneko egitaraua.

Mañaritik Durangora itzuli nahi dutenek doako autobus zerbitzua izango dute goizaldeko 4:00etatik 6:00etara.

Andra Mari eguneko ospakizunak hasi aurretik plaza eta inguruen garbiketari ekingo diote 7:00etatik aurrera. 10:00etan txistularien kalejira egongo da, ordu bete geroago Kirikiño abesbatzak lagundutako meza emango da eta ostean dantzarien ekitaldia hasiko da.

Retegi II.a eta Ladis Galarza

Eguerdian pilota partiduak egongo dira. Lehenengoan, lau t’erdian, Etxebarria II.a eta Elizalde izango dira aurrez-aurre, eta bigarrenean Retegi II.ak eta Bernaolak indarrak neurtuko dituzte Victor eta Ladis Galarzarekin.

Egunean zehar, kart pista, perkusio tailerra eta karabina jaurtiketa izango dira umeentzat, eta 19:00etan ‘Freshcool’ ikuskizuna eskainiko dute Tio Teronen Semeak. Iluntzeko txistorradarekin eta Mariachi Imperial Elegancia Mexicana taldearen saioarekin osotuko dira eguneko ekitaldiak.

Eguaztenean ospatuko den mozorro eguneko gaia musika izango da. 11:00etako meza eta osteko dantzarien saioaren ondoren, paella lehiaketa hasiko da. Arratsaldean briska txapelketa jokatuko da, Orkresta elektrotunaren saioa egongo da eta 22:00etan agurra emango diote Pitxitxi maskotari, jaietako azken orduak Dj Gaztotxok girotuko dituela.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados