Hontza Museoak hitzaldia eskainiko du hegazti migratzaileei buruz Museoen Nazioarteko Egunean

Museoen Nazioarteko Eguna dela eta, Hontza Museoak hitzaldi berezi bat antolatu du gaurko Durangoko Kurutzesantu Museoan, 18:30ean. Hitzaldiaren izenburua ‘Hegazti migratzaileak Euskal Herritik’ izango da, eta hizlaria Edorta Unamuno Mirandona biologoa izango da.

Edorta Unamuno Mirandona biologoa da eta gaur egun Urdaibai Bird Center-eko komunikazio, dibulgazio eta hezeguneen kudeaketako proiektuen koordinatzailea da. Hegaztien migrazioaren eta habitat naturalen inguruko ikerketa eta dibulgazio lanetan urte luzez aritu da, eta 2007tik hegaztien eraztunketa zientifikoan aditua da, Urdaibaiko Biosfera Erreserbako hainbat eraztunketa estaziotan lanean arituta.

Saioan zehar, hegazti migratzaileen migrazio-bideak, Euskal Herriak bide horietan duen garrantzia eta gure lurraldetik igarotzen diren espezie nagusiak azalduko dira. Halaber, migrazioaren fenomenoa ulertzeko gakoak eta hegazti hauek kontserbatzeko beharra azpimarratuko dira.

Hitzaldiaren helburua natur ondarearen dibulgazioa sustatzea eta herritarrak hegaztien migrazioaren fenomenoaren inguruan sentsibilizatzea da. Doakoa izango da, eta ez da aldez aurretik izena eman beharko; bertaratzea librea izango da lekua bete arte.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.