Euskararen erabilera egunerokoan txertatzeko ezinbestekoa da hizkuntza praktikatzeko aukerak izatea. Premisa horretatik abiatu zen duela urte batzuk Durangaldeko Berbalagun egitasmoa, eta gaur egun ere helburu bera du: euskara ikasten ari direnak eta euskara dakitenak elkartzea, modu informalean, presiorik gabe eta giro atseginean euskaraz aritzeko espazioak sortuz.

Durangaldeko AEKk kudea­tzen duen egitasmoa da Berbalagun, baina izaera kolektiboa du. Udalekin, Mankomunitatearekin eta hainbat eragilerekin elkarlanean antolatzen ditu taldeak eta ekintzak, eta sare horri esker eskaintza zabala eta askotarikoa osatzen du. “Berbalagun hainbat eragileren sarea da, eta bere helburua euskaraz hitz egin nahi duenari horretarako aukerak ematea da”, azaldu du Josu Abaunza Durangaldeko Berbalaguneko dinamizatzaileak.

Egitasmoaren ardatz nagusietako bat dira astero biltzen diren mintzalagun taldeak. Ordubetez elkartzen dira parte-hartzaileak, kafe baten bueltan, paseo bat emanez edo taldeak adostutako jarduera bat eginez, eguneroko gaien inguruan euskaraz aritzeko. Talde bakoitzean euskaldun oso bat izaten da erreferentzia, eta hizkuntza praktikatzeko giro lasaia eta naturala bermatzen da.

Horrez gain, Berbalagunek xede-taldeak eta ekintza puntualak ere antolatzen ditu urtean zehar. Xede-taldeek interes jakin baten bueltan lantzen dute euskara –argazkigintza, adibidez–, eta ekintza puntualen artean askotariko proposamenak egin izan dira: ibilbideak, tailerrak, dastaketak edo mintzodromoak. Gurasolagun ekimenaren bidez, berriz, familiek ere badute euskaraz elkarrekin aritzeko aukera, haurrekin batera egindako jardueren bidez.

“Euskaraz ondo pasatzea benetako tresna da hizkuntza ohiturak aldatzeko”

Parte-hartzeari dagokionez, datuak adierazgarriak dira. Iaz, Berbalagunek antolatutako eguneko ekintzetan 500 lagun baino gehiagok parte hartu zuten, eta asteroko taldeetan 150 lagun inguruk jardun zuten. Parte-hartzaileek nahi duten jarduera guztietan aritzeko aukera dute, eta taldeak elkarren osagarri dira. “Askatasun handia dago talde batetik bestera mugitzeko, eta hori asko baloratzen du jendeak”, azaldu du Abaunzak.

Dinamizatzailearen ustez, parte-hartzaileek gehien baloratzen dutena hurbiltasuna eta harremanak egiteko erraztasuna da. “Edozein momentutan jo dezakete dinamizatzaileengana, eta herri ezberdinetako jendea ezagu­tzeko aukera dute. Ingurua eta pertsonak ezagu­tzen dituzte, eta euskarazko harreman-sarea sortzen da”. Horrek guztiak euskararen erabilerarako konfiantza handitzen du.

Sormena eta jolasa

Testuinguru horretan koka­tzen da Euskaraz astiro, sormenagaz aldiro ikastaro berria, Bizenta Mogel liburutegiaren eta Berbalagunen arteko elkarlanaren emaitza. Lehen aldiz antolatuko den proposamena da, doakoa, eta hilean behin egingo da, urtarriletik ekainera bitartean. Sei saio izango dira, 17:00etatik 18:00etara, eta 10-12 laguneko talde txikietan garatuko dira.

Ikastaroak irakurketa, jolasa eta sormena uztartuko ditu, album ilustratuak oinarri hartuta, eta Alaitz Muro dinamizatzailearen gidari­tzapean egingo dira saioak. Helburua da euskaraz sor­tzeko eta gozatzeko espazio segurua eskaintzea, oinarriz­ko euskara maila duten herritarrei zuzenduta. “Euskaraz ondo pasatzea benetako tresna da hizkuntza ohiturak aldatzeko”, azpimarratu du Abaunzak.

Berbalagun egitasmoak, oro har, egunerokotasunean euskarari espazioa, denbora eta ikusgarritasuna ematen dizkio. “Norekin praktikatu izatea funtsezkoa da, eta erabileraren bidez hizkuntzaren ezagu­tza ere handitzen da”, dio dinamizatzaileak. Ikastaro berria, beraz, filosofia horren adibide argia da: euskaraz aritzeko beste ate bat, sarearen barruan. Izena emateko interesa dutenek 639 400 786 telefono zenbakira jo dezakete.

La entrada Berbalagun, euskara praktikatzeko eta harremanak saretzeko espazioa se publicó primero en durangon.com.

Mintzopote.

Iurretako Ibarretxe kultur etxea Durangaldeko Berbalagunen topalekua bilakatuko da ekainaren 19an, leku horretan egingo baita aurtengo Mintzodromoa. Ekimenean Kristina Mardaras eta Naroa Jaio izango dira gonbidatu bereziak.

Aurtengo Mintzodromoa 18:00etatik 19:30era egingo da eta bertaratzen direnek euskaraz hitz egiteko eta euskaldunen arteko harreman berriak sortzeko aukera izango dute. AEKk dinamizatzen duen ekintzaren asmoa “giro atseginean euskaldun zahar eta berrien elkarrizketa sustatzea da”.

Partaideak bost laguneko taldeetan mintzatuko dira, 15 minutuero taldez eta gaiz aldatuz. Antolatzaileek azpimarratu dutenez, “jan-edana, musika, bertsoak eta giro paregabea” egongo dira.

Parte hartzeko beharrezkoa da izena ematea ekainaren 14ra arte, 94 681 27 26 edo 688 863 736 telefonoetara deituz edo biblioteka@iurreta.eus helbide elektronikora idatziz.

La entrada Iurretako Ibarretxe kultur etxean egingo da aurtengo Mintzodromoa se publicó primero en durangon.com.

Acto contra la LGTBIQ+fobia celebrado el año pasado en la escuela Learreta-Markina de Mallabia.

Mallabia se adentrará el próximo viernes, 17 de mayo, en un mes dedicado a la cultura en su ‘extendida’ Quincena Cultural que se alargará hasta el 16 de junio. Entre las actividades no faltarán el deporte, la música, ferias y degustaciones, y proyección de cortometrajes.

El programa comenzará en coincidencia con el Día Internacional contra la LGTBIQ+ fobia, 17 de mayo, con un acto reivindicativo en la escuela, a partir del mediodía. A las 18.30 horas, se celebrará en la plaza una actividad relacionada con la jornada organizada por la Gazte Asanblada (en caso de lluvia, en el pórtico), seguida por una sesión de cortometrajes en Kontzejuzarra.

El sábado comenzará con la salida de la carrera de montaña Zazpi Pago, que se realizará en dos formatos: largo, de 25 kilómetros, y corto, de 16 kilómetros. A lo largo de la mañana habrá juegos infantiles en el parque y a las 13.30 horas se procederá a la entrega de premios del trail.

Por la tarde, de 14.00 a 16.00 horas, la elektrotxaranga Zutik animará el ambiente horas antes de la apertura de una degustación de queso y cerveza en el probaleku.

A lo largo de la próxima semana habrá cuentacuentos, juegos en euskera para familias y unas olimpiadas que continuarán a lo largo de ese fin de semana. Además, el sábado 25, también se podrá asistir el concierto de primavera organizado en el frontón para celebrar el 20 aniversario del Coro Mendibil.

La última semana de mayo comenzará con una charla de la osteópata Maite González y una chocolatada en el centro de personas mayores. Ese jueves se proyectarán varios documentales de montaña del festival Menditour y el viernes habrá un triki-bertso poteo con los bertsolaris Iker Zubeldia e Iban Urdangarin y los trikitilaris Imanol Intxausti e Iñaki Larrañaga, en Zaparrada elkartea.

Oferta cultural de junio

Junio arrancará con la disputa de la Mallabia Cup, el campeonato de brisca y herri kirolak. El 2 de junio, el frontón acogerá la feria agrícola y artesana por la mañana, y a las 13.00 horas se dará paso a la actuación del grupo de danza Gazte Alaiak. La tarde estará protagonizada por los mariachis Los Tenampas, en el parque.

El 7 de junio se celebrará una fiesta de fin de temporada a cargo del Mallabia Futbol Taldea y al día siguiente, se conmemorará el décimo aniversario de Mallabitarrok Egina, las salidas guiadas organizadas por Berbalagun.

El último fin de semana del programa dará inicio el 15 de junio con el Campeonato de frontenis femenino y una salida al monte, por la mañana. Por la tarde llegarán la saltxi-fest y una discofesta con Xaibor en el parque

La quincena cultural finalizará el domingo 16 con las finales individuales del torneo femenino de frontenis y el Torneo Bizkaia de pelota.

La entrada La Quincena Cultural de Mallabia se extiende a un mes de actividades con deporte, música y reivindicación se publicó primero en durangon.com.

Aitor Elordi eta Ioritz Gisasola.

Mallabiko Udalak hainbat elkarterekin elkarlanean, ekitaldi erakargarriak prestatu ditu abenduaren 3rako, Euskararen Nazioarteko Eguna dela eta. Egitarauan hizkuntzaren aldeko topa, aizkolarien arteko lehiaketa eta profesionalen pilota partidak tartekatuko dira.

Prestatutako egitaraua eguerdiko 12:00etan abiatuko da Mallabiko plazan euskararen alde topa eginez. Herriko Berbalagunek herritar guztiak gonbidatzen ditu ekitaldi horretara, eta bertaratzen direnek txanpain kopa eta txorizo egosi pintxoa dastatzeko aukera izango dute.

Ordu erdi geroago Urrezko Aizkolarien Kopako norgehiagoka jokatuko da pilotalekuan. Ioritz Gisasola ‘Zelai IV’ mallabitarraz gain, Jokin Urretabizkaia ‘Basozabal’, Aritz Irazabal, Julen Larrea III, Hodei Ezpeleta, Ibai Soroa eta Joxean Etxebarria izango dira lehiakideak. Sarrera doakoa izango da.

Arratsaldeko 17:00etan binakako txapelketetako pilota partidak jokatuko dira Mallabia I pilotalekuan. Jaialdia Serie B Ligako norgehiagokarekin hasiko da, Salaberria-Arbizu eta Egiguren V-Eskurza bikoteak aurrez aurre izango direla. Bigarren partida LEP.M Ligakoa izango da eta Elordi mallabitarrak eta Rezusta bergararrak osatutako bikoteak Ezkurdia eta Tolosarekin indarrak neurtuko dituzte. Sarrerak www.entradasfronton.com webgunean eta egunean bertan txartel leihatilan erosi ahal izango dira.

Prestatutako ekitaldiekin “euskararen erabilera sustatzeko jarduerak egiten jarraitzea da, eta aldi berean gure kirolak balioan jartzea”, adierazi du Igor Agirre alkateak. Hori dela eta, “Zelai IV.a eta Elordi bezalako kirolari mallabitarrak ditugu”, azpimarratu du.

La entrada Topa eginez hasiko dituzte Mallabin Euskararen Eguneko ospakizunak se publicó primero en durangon.com.

Zaldibarren euskara praktikatzeko aukera eskaintzen duen Berbalagun ekimenak, izena emateko epea zabalik mantentzen du programa horretan parte hartu nahi duten herritarrentzat. Egitasmo hau, batez ere, “euskaraz aritu nahi” baina “inguruan horretarako lagunik ez dutenei” zuzenduta dago.

“Zenbaitek, euskaltegian ikasitakoa praktikan jartzeko aukerarik ez dute, eta guztiek Mintzapraktikan aurkitzen dute euskaraz lagun artean aritzeko aukera”, Zaldibarko Berbalagun taldea dinamizatzen duen Nerea Legaristiren esanetan.

Ekimen honek talde txikietan euskaraz hitz egiteko aukera ematen du. Bertan, bidelariak (euskaraz ikasten ari direnak edo ohitura berreskuratu nahi dutenak hizkuntza praktikatuz) eta bidelagunek (euskara aise erabiltzen dutenak eta ikasten ari direnei euskaraz praktikatzen laguntzeko borondatez izen ematen duten euskaltzaleak) parte hartzen dute.

“Asko dira Mintzapraktikan hasi eta gaur egun beraien lagunekin, familiakoekin, lankideekin euskaraz arintzen direnak.  Badaude baita euskaltzale asko beraien herrietan euskaraz aritzeko espazioak eta aukerak zabaltzen laguntzen ari direnak, Mintzapraktikan parte hartuz egiten dute horretan”, Legarestiren arabera.

Dagoeneko hiru talde sortu dira. Talde bat goizez biltzen da, martitzenetan 9:30etan, eta beste biak arratsaldez, bata eguaztenetan 18:15etan eta bestea eguenetan 16:15etan. Astean behin ordu betez biltzeaz gain, ekintza osagarriak ere egiten dituzte.

Aurten, guraso eta haurrei zuzendutako ekintza osagarri bakarra egin dute, mahai jolasekin aritzea, baina aurreko ikasturteetan mendi irteerak, pintxopotea edo antzerki tailerrean parte hartzeko aukera izan zuten.

Izen ematea labur.eus/zaldibarkoberbalaguna weborrian, zaldibarkoberbalaguna@gmail.com helbide elektronikoan edo 688722989 telefonoan egin daiteke.

Izen ematea indartzeko asmoz, azaroaren 27an, Zaldibarren ospatuko den neguko azokan, sari ezberdinak banatuko dituen Mintza Tonbola egingo dute.

La entrada Zaldibarko Berbalagunen parte hartzeko izen-ematea zabalik dago se publicó primero en durangon.com.

Osasun-larrialdiak aldaketa ugari eragin ditu norbanakoen bizimoduan zein gizarte osoan eta dagoeneko ‘normaltasun berriak’ ekarriko dituen aldaketekin jabetzen hasi gara. Horrelako zerbait egitera egokituko da Durangaldeko Berbalagun ekimena ere, azken hilabeteotan burutu dituen online saioak datorren ikasturtean ere eskainiko baititu.

“Covid-19ak ezustean harrapatu gintuen” eta hasiera-hasieratik “esan genuen ‘birusak ez gintuela mututuko”, Berbalagun ekimenaren esku­-aldeko dinamizatzailea den Irati Anakaberen esanetan. Horregatik, mintzapraktika egiten jarraitzeko aukera zegoela pentsatu zuten eta, teknologia berriekin baliatuta, saioak online erara egiten hasi ziren.

Berbalagunei, “hasieran kostatu zitzaien arren, gerora erraz konektatu izan dira”, Anakaberen arabera. Gainera, online bidezko min­tzapraktika egitea “aukera ona izan daitekeela euskara praktikatu nahi duen askorentzat” frogatu dute.

150 partaide

Amaitzear dagoen ikasturtean 22 talde osatu dira Durangaldean eta guztira 150 euskaldun inguruk parte hartu du. Aisialdia euskaraz bizi ahal izateko aukera ere eskuragarri dute partaideek antolatzen diren eskaintza desberdinen bidez; izan ere, kultur ekitaldietan, mota askotako tailerretan edo lehiaketetan parte hartzeko aukera izaten dute.

Horietako ekintza batzuk bertan behera gelditu dira aurtengo ikasturte amaieran osasun-larrialdiagatik. “Aurten egitasmo berezi bi abiatu ditugu; alde batetik, mendilagun taldea sortu dugu eta bost irteera egin baditugu, beste lau bertan behera gelditu dira”, adierazi du Anakabek, eta gauza bera gertatu da irakurzale talde sortu berriarekin. Hala ere, bata zein bestea datorren ikasturtean berreskuratuko dituzte, osasun egoera bere onera datorrenean.

Beste ekimen batzuk online egiten jarraituko dira 2020-2021 ikasturtean, komunikazio sistema horrek “sekulako bul­tzada” jaso baitu, Anakaberen esanetan. Eta ez hori bakarrik, “geratzeko etorri dela” uste du Berbalaguneko dinamiza­tzaileak, eskualdean izan diren 150 berbalagunek hartu baitute parte sistema horretan egindako saioetan. “Konfinamenduaren hasieran jendeak ez zuen izan norekin hitz egin” eta online sistemak berba egiteko aukera eman die. Gainera, “gero eta lanpetuago bizi gara; jendeak oso agenda estuak ditu eta batzuetan zailtasunak izaten dituztenez ordu betez taberna batera joateko, online egiteak ordutegi-malgutasuna ematen die”.

“Kalean euskara gehiago entzutea”

Horregatik “iraileko izen-emate kanpainan ere online eskaintza sartuko dugu” eta bertan apuntatu nahi duenak https://labur.eus/eBXn6 estekaren bitartez egin dezake edo 639 400 786 telefono zenbakira deitu informazio gehiago eskatzeko. Izena ematen duenak ez du ikasturtea hasi arte itxaron beharko min­tzapraktika saioekin hasteko, “gaur izena ematen duenak irailean ere jarraituko du mintzapraktika online egiten, ezbairik gabe”.

Berbalagun ekimenaren helburu nagusia “Durangaldea euskalduntzea eta, batez ere, kalean euskara gehiago entzutea” da Anakaberen arabera. Asmo horretan, “batzuk euskara praktikatu nahi dute eta beste batzuk praktikatu nahi duenari laguntzen diote”. Talde gehienak tabernaren baten elkartzen dira “lasai berba egiteko eta lotsa kentzeko espazio bat eskaintzen dielako” baina orain, online aukerarekin, etxetik ere min­tzapraktika egin dezakete.

La entrada Berbalagunek sekulako bultzada jaso du online egindako saioekin se publicó primero en durangon.com.

Orain arte “udaletxetik ez bada programazio berezirik” prestatu abenduaren 3an ospatzen den Euskararen Egunaren inguruan, Gobernu Talde berriak hizkuntzaren alde egiten duen “apustu inportantea” kontuan hartu eta programa “xumea” prestatu du, Ima Garrastatxu Durangoko alkatearen esanetan. Aurtengo egitaraua “etorkizunean hobetzen eta handitzen” joango direla ere adierazi du.

Euskararen Egunak duen garrantzia kontuan hartzeko “Udaletik ekimen zehatzak jartzen ditugu martxan” eta hitzetara mugatu beharrean “ekintzak martxan jartzen ditugu”, Garrastatxuren arabera. Eredu lez “gaur arratsaldean osoko bilkuran onartuko dugun Euskararen Plana” aipatu du, dokumentu horrek “herri euskaldunago eta anitzago bat eraikitzen” lagunduko baitu.

Udalak prestatuko egitaraua Euskararen Egunari “behar bezalako garrantzia emateko” baliagarria izango dela deritzo Ane Abanzabalegi zinegotziak. Hasteko, Plateruena Kafe Antzokian jarri dituzten panelak aipatu ditu, non edonork abenduaren 3a arte hizkuntzaren inguruko desioak eta nahiak zein izandako bizipen onak idazteko aukera izango duen.

Bakarrizketa eta irakurraldia

Egitarauan tartekatutako bigarren ekimena abenduaren 2an Plateruenan egingo den Mintzodromoa izango da. Goizeko 10:00etatik 12:00etara eta arratsaldeko 17:30etatik 19:00etara egingo diren bi saioetara gonbidatuta daude “berbalagunak, euskaltegietako ikasleak, ikastetxeetako batxilergoko ikasleak zein euskara praktikatu eta bizi nahi duen edozein gonbidatuta dago”, Berbalagun egitasmoa koordinatzen duen Irati Anakabek adierazi duenez.

Bertan parte hartzeko izena eman behar da barikura arte, 639400786 telefonoan edo durangaldea@aek.eus helbide elektronikoan.

Arratsaldeko saioa amaitu ondoren Mikel Martinezen ‘Tabernaria’ bakarrizketarekin gozatzeko aukera egongo da. Patxo Telleriak idatzi eta zuzendutako ikuskizuneko protagonistak bere ohiko bezeroak bilduko ditu kaña bat ondo botatzen erakusteko. Baina, bakarrizketa aurrera joan ahala, tabernariaren desirak, zalantzak eta beldurrak ageriko dira, beste gai sozial batzuez gain.

Aurtengo programazioa abenduaren 3an, 11:00etatik aurrera, Plateruenan egingo den irakurraldiarekin osotuko da. Ekitaldian, Udaleko Gobernu Taldeak zein gainontzeko alderdi politikoek idatzitako testua irakurtzeaz gain, “gure helburua herritarrak parte hartzera” gonbidatzea da Abanzabalegiren esanetan eta horretarako Euskararen Egunaren inguruan edo hizkuntzari buruz idatzita duena edonork irakurtzeko aukera izango du.

La entrada Egitarau xumearekin bada ere Euskararen Eguna ospatuko du Durangoko Udalak lehenengoz se publicó primero en durangon.com.

Kultura, artea eta elikagaien inguruko ekoizpenak ezagutzeko aukera emango du ‘Mallabitarrok egina’ ekimenak.

‘Mallabitarrok egina’ ekimenaren laugarren edizioarekin hasiko dira bihar Mallabiko Urriko Jaiak. Azaroaren 2an Zelai harri-jasotzaileari egingo zaion omenaldiarekin amaituko diren ospakizunen egitarauan kultur eta kirol ekitaldiak tartekatuko dira, baita Nøgen eta Kaotiko musika taldeen kontzertua ere.

Berbalagunek herriko ume, gazte eta helduentzat sortutako ‘Mallabitarrok egina’ ekimenak, “euskararen praktika sustatzea nahi du”, ekintza horren arduraduna den Juanmi Bravoren esanetan. Auzoz auzo egiten den ibilbidean, baserri desberdinetan lantzen den kultura, artea zein elikagaien inguruko ekoizpen ugaria ezagutzeko aukera izango dute parte hartzen dutenek.

Goizeko 10:00etan udaletxe paretik kotxez abiatuko diren herritarrek San Juanen izango dute lehenengo geldialdia, bertan rallyen mundua ezagutzeko aukera izango baitute Asier Tejadoren eskutik. Ondoren, Antzinako Tresnen Museoa bisitatuko dute Trabakuan; Berano inguruko ‘zuhaitz motz’ basoetara gerturatuko dira Valentin Mugerzak ‘zuhaitz motzaren’ milaka urteko teknika azaltzeko eta amaiera Arrixe elkartean izango da nork bere janaria eramanda egingo duten bazkariarekin.

Ekimen horretan parte hartzeko beharrezkoa da izena ematea 663 070 492 telefonoan, Eskolan edo Mallabiko liburutegian.

Domeka goizean herri barruko zirkuituan egingo den Duatloi txikiarekin jarraituko dute Urriko Jaiak eta eguenean ‘Depresioa eta gaixotasun afektiboak’ hitzaldia egongo da Kontzejuzarrean.

Txupinazoa, barikuan

Nogen eta Kaotiko taldeek kontzertua urriaren 26an izango da.

Ospakizunen hasiera ofiziala datorren barikuan, hilak 25, piztuko den txupinazorekin egingo da. Arratsaldean egingo diren merendola, tailerrak eta buruhandien irteeraren ostean piztuko dute txupinazoa, 18:30ak aldera.

Jarraian, elizpeko pilota txapelketaren finala jokatuko da eta Errebal dantzaldi gidatua eta oilasko pintxoak dastatzeko aukera egongo dira parkean. Eguneko egitaraua osatzeko, Ingot eta EZ3 taldeen kontzertuak egongo dira, Mugi Panderoarekin erromeria eta Dj Anderren ekitaldia.

Nesken frontenis txapelketarekin hasiko dira zapatuko ekitaldiak. Eguerdian Mallabiko IV. Ardau Ferixie egingo da probalekuan eta bertan herriko tabernariek egindako pintxoak ere salgai egongo dira. Bazkari autogestionatuaren ostean birziklatze jolasak egongo dira eta Dunbots txarangak kale animazioa jarriko du. 22:30ean Nøgen eta Kaotiko taldeen kontzertua egongo da eta jarraian Txurruren saioa hasiko da plazan.

Umeen futbito partiduak egongo dira domeka goizean eta 16:30ean ‘Futbolariak eta printzesak’ antzezlana eskainiko du Eidabe konpainiak. Jarraian egongo den txokolatadarekin eta 17:00etan hasiko den mus txapelketarekin osotuko da eguneko egitaraua.

Urriko Jaiak azaroaren 1ean jokatuko diren nesken gomazko paleta zirkuituko partidekin eta hurrengo egunean Zelai harri-jasotzaileari egingo zaion omenaldiarekin eta herri kirolen erakustaldiarekin osotuko dira.

La entrada Baserritarren eta artisauen ekoizpena ezagutzeko irteerekin hasiko dira Urriko Jaiak Mallabin se publicó primero en durangon.com.

Ekimen ugari eskainiko ditu Zapatu Blai ekimenak ikasturtean zehar.

Zaldibarko Udaleko Euskara Zerbitzuak ekimen ugari prestatu ditu euskararen erabilera ume, gazte zein helduen artean indartzeko helburuarekin. 2019-2020 ikasturtera begira, zaldibartarrak aisialdi programetan, euskarazko eskoletan zein Berbalagun ekimenean parte hartzeko aukera izango dute.

Hiru eta hamaika urte bitarteko umeek urriaren 5etik ekainaren 20ra arte garatuko den ‘Zapatu Blai’ ekimenean parte hartzeko aukera izango dute. Hiru adin taldetan banatuta, umeek hamabostean behin izango dute hitzordua, arratsaldeko 16:00etatik 19:00etara burutuko diren saioetan.

Lagun artean gozatzeaz eta ondo pasatzeaz gain, ekimen horren hartzaileak gizakia zein naturarekiko errespetuan oinarritutako jardueretan parte hartzeko aukera izango dute.

Zaldibartarrek lehentasuna izango dute ‘Zapatu Blai’n parte hartzeko eta izena emateko orduan Kutxabank edo BBVA banketxetan egindako 40 euroren ordainketaren agiria eraman behar da Udaletxera. Apuntatzeko epea datorren astelehenean, hilak 16, amaitzen da.

Gazte Lekua

12 eta 16 urte bitarteko gaztetxoentzat prestatutako ‘Gazte Lekua’ ekimenak ekintza desberdinak iragartzen ditu asteburuero, saioak bariku, zapatu eta domeketan izango baitira, 17:00etatik 20:30etara bitartean. Irailaren 13tik uztailaren erdialdera arte, Olazar futbol zelai zaharrean jarritako txokoan ikastaroak, irteerak, jai bereziak, eskulanak zein sukaldaritzako tailerrak eta beste hainbat ekimenetan parte hartzeko aukera egongo da.

‘Gazte Lekua’n parte hartzeko baldintza bakarra euskaraz jardutea da eta bertako ekimenetan parte hartzeko bertaratzea besterik ez da behar.

“Euskara ikastea merezi duelako” goiburuarekin, euskarazko eskolak eta Berbalagun ekimenak ere prestatu dira. Ikasturte honetarako euskalduntze maila guztietako ikastaro presentzialak zein autoikaskuntzarako on line ikastaroak eskaintzen dira, baita HABE zein Hizkuntza Eskolako agiriak lortzeko egokitutakoak.

Udal Euskara Zerbituzuak AEKrekin elkarlanean prestatutako eskaintza, guraso taldeei, etorkinei zein ikastaro trinkoak nahi dituztenei zuzenduta daude. Gainera, berba egiteko Berbalagun zein Gurasolagun talde ez formalak prestatu dituzte.

Matrikulazioa egiteko epea irailaren 20an amaitzen da. Izenea emateko beharrezkoa da Udal Euskara Zerbitzuko 946827016 telefonora deitzea edo eguen@zaldibar.eus korreo elektronikora idaztea, edo AEKra deitzea edo idaztea (946817349 / 662966827 edo zaldibar@aek.eus).

La entrada Jarduera ugari prestatu ditu Zaldibarko Udalak ikasturte berrian euskararen erabilera sustatzeko se publicó primero en durangon.com.

La entrada Abian dago Berbalagun ekimena Durangaldean se publicó primero en durangon.com.