Friso
Friso
Friso
Friso

Mañariko Udalak herriko errekurtsoak balioetsi nahi ditu turismoa erakartzeko

Herrigunea eta inguruak ezagutarazi nahi ditu Mañariko Turismo Garapenerako Proiektuak.
Herrigunea eta inguruak ezagutarazi nahi ditu Mañariko Turismo Garapenerako Proiektuak.  (Argazkia: www.mendiak.net)

Harrobiak, zerrategi bat eta zenbait etxeetan dauden okindegi eta negozio txikiak eusten diote gaur egun Mañariko jarduera ekonomikoari. Arlo hori indartzeko asmoarekin beste bide berri bat irekitzen ahaleginduko da Udala, turismoarena alegia, eta horretarako Hontza Museoa Fundazioak egindako ‘Mañariko Turismo Garapenerako Proiektua’ oinarri hartuko du.

Egitasmoa landu duen Begoña Caballerok txostenean adierazten duenaren arabera, bertan batutako proposamenak oinarrizko “ideiak” badira ere, “herriari turistikoki bultzakada bat emateko jarrera baikorra” erakutsi dute mañariarrek.

“Turismoak gero eta indar gehiago du eta uste dugu Mañariari balio erantsia emango diola” horrelako jarduera ekonomikoa indartzea, Endika Jaio alkatearen esanetan. Helburu hori abiapuntu hartuta, “beharrezkoa ikusten genuen aldez aurretik jakitea zer daukagun, zeintzuk diren gure ahuleziak eta indarguneak eta zer eskaini genezakeen”.

Kultura, fauna, tradizioak

Bisitarientzat erakarriak izan daitezkeen errekurtsoen artean, harrobiei zein kulturari, faunari edo tradizioei lotutako hainbat baliabide aipatzen ditu Jaiok. “Saltuko ur-jauzia eta zentral hidroelektrikoa edo Andra Mari eliza eta bertako organo barrokoa ikusteko bisita gidatuak antolatzeaz gain, inguruko paisaiak eta kobazuloak, mundu osoko 37.000 espezie baino gehiago batzen dituen Hontza Museoa eta erakargarria izan daitezkeen baliabide ugari ditugu”.

Ebaristo Bustintza ‘Kirikiño’ idazle ospetsua bizi izandako eraikinean dagoen Museo horrek 3000 bisitari hartu zituen 2015ean eta turismoa sustatzeko azpiegitura egokia izan daitekeela aipatzen da txostenean. Funtzio hori betetzeko, “turismo arduradun bat jartzea beharrezkoa litzateke”.

Ahulezien artean, udalaren web orriak eta gainontzeko euskarriak turismoari buruz ematen duten informazio urriaz gain, “herritik gertu merenderorik ez egotea edo herriko tabernetan ez dagoela turismoari bideratutako eskaintzarik” aipatzen ditu alkateak. Kontuan hartuta hiru tabernetatik bi Udalarenak direla, “beharrezkoa izateaz gain“ maizterren inplikazioa, “ostalaritza eskaintza kualifikatuaren beharra” ikusten du Jaiok.

Autokarabanak eta kanpin eremua

Mañarian gaur egun ez dago hotelik ezta nekazal turismoko etxerik ere eta, ondorioz, bisitariek ez dute gaua herrian bertan igarotzeko aukerarik. Autokarabana gunea, kanpaldi librerako eremu bat sortzea, aterpetxea eraikitzea edo “etxe zahar bat atontzea” proposatzen dira, besteak beste, arazo horri irtenbidea emateko.

Turismo proiektua fase desberdinetan garatzeko asmoa agertu du Jaiok. “Ideia batzuk, azpiegituraren aldetik, berehala jartzeko modukoak dira eta epe labur batean ustiatzen hasteko modukoak inbertsio txiki batekin”.

Inbertsio txikia eskatzen duten ekimenen artean ibilbide tematikoak edo mendietako ibilbideak atontzea edo herriguneko hormetan Mañariko historiari buruzko grafitiak margotzea, aipatzen ditu alkateak.

Proiektuan proposatutako beste ekimen batzuk berriz, bestelako azpiegitura edo aurrekontu behar dute eta, ondorioz, epe luzeagoan garatuko dira.

Gereziondo basoa

Txostenean aztertzen diren ideien artean, herriko alaba zen Errose Bustintzak idatzitakoaz baliatzen da («Ur ona edatera, iturbegira; ta kerexak jatera, Mañarira») gereziondo basoa sortzeko proposamena egiteko. Inbertsio pribatuarentzat bideratutako ideia horrek, 1.700 euro beharko lituzke 20 gereziondodun basoa jartzeko.

Aztertutako beste proposamen bat erdigunetik gertu dagoen Iturrietako marmol-harrobi zaharrari dagokio. Eremu horretarako hainbat ekarpen egiten ditu txostenak, merendero bat bertan kokatzetik eskalada-eskola jartzera, edo “udako kontzertuak egiteko edota antzezlanak bertan aurkezteko” egokia izan daitekeen eszenatoki bat egitea.

 

1 Estrella2 Estrellas3 Estrellas4 Estrellas5 Estrellas (1 votos, media: 5,00 sobre 5)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

1 Comentario

  1. Americano!

    Aupa Mañaria! Proiektu oso interesgarriak aurrera eramaten.

    Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados