Jaizaleko txistulariek domeka honetan emango dute San Prudentzioetako kontzertua

Jaizaleko txistulariek, Iurretako Korue eta Durangoko Metal taldearekin arituko dira Matienan.

Durangaldeko Jaizale txistulari taldeak domeka honetan emango du San Prudentzio jaietako kontzertua, ohikoa baino egun batzuk lehenago. Eguerdiko 12:30ean Traña-Matienako elizan izango den agerraldian Iurretako Korue eta Durangoko Metal taldearen partaidetza izango dira.

Eleder Iturrietak zuzenduko duen txistulari taldeak eta Antton Mari Aldekoa-Otalorak gidatuko dituen kantari taldeak izaera desberdineko zortzi piezaz osatutako ekitaldia eskainiko dute. Saioa hasteko Pedro de Zabala y Garai-ren ‘Zortzikoa’ eskainiko dute eta ondoren Xabier Zabalaren ‘Joxe Migelen batela’.

Ekitaldiko errepertorioa Pantxoa eta Peio eta Manex Pagolaren ‘Azken dantza’rekin, Urretxindorrak taldearen ‘Neska zaharrak’ eta Ramos Azkaratek sortu eta Jose Ignacio Abasolok moldatutako ‘Galtzaundi’rekin jarraituko du.

Saioaren azken atalean Bilintxek konposatu eta Abasolok moldatutako ‘Jai-jai’, Andres Granadosek moldatutako ‘Azken agurraren negarra’ eta B. Zapirainek sortu eta Jose Ignacio Ansorenak moldatutako ‘Txanton Piperri’ eskainiko dituzte.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.