Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

Indarberritutako egitaraua prestatu du aurten Mañariko Jai Batzordeak Andra Mari jaiak ospatzeko

Aurten 'Mexiko' izango da San Roke egunean ospatuko den mozorro eguneko gaia.
San Roke egunean ospatuko den mozorro eguneko gaia ‘Mexiko’ izango da.

Mañariko Jai Batzordea “herriko eta kanpoko jendearentzat gustukoa izango den jai egitaraua” prestatzen ahalegindu da, antolatzaileetako kidea den Izaro Etxebarriaren esanetan. Helburu horrekin, aurten berrikuntzak izango diren zirku tailerra, bike-trial erakusketa eta patata tortilla txapelketaz gain musika kontzertu indartsuak iragartzen dituzte, besteak beste.

Andra Mari jaietan ohikoak diren hainbat ekitaldi orduz aldatzea erabaki dute antolatzaileek. Erabaki horretan indar handia izan du “herritarren artean egin genuen inkestan jarritako erantzunak” Etxebarriak aitortu duenez.

Lehen aldaketa jaien hasierarekin etorriko da, bihar. “Aurreko urteetan arratsaldean eman dugu txupinazoa eta aurten eguerdian izango da”. 13.00etan hasiko den ekitaldian Pitxitxiren igoera ere egingo da eta jarraian herri kirol desafioari ekingo diote.

Egitarauan tartekatutako bigarren aldaketa nabarmena hainbat mañariar biltzen duen otordua izango da. “Orain arte, txupinazoa piztu ondoren herri-afaria egin izan dugu. Aurten, jaiak zapatuan hasiko ditugunez, bazkaria egitea erabaki dugu, egun osoa aprobetxatzeko asmoarekin”, Jai Batzordeko kideak azaldu duenez. San Roke egunean egiten den Pitxitxiren agurra berriz, gauerditik gaueko 22.30era aurreratzea erabaki dute.

Hiru izango dira aurtengo jai-egitarauan tartekatutako berrikuntzak. Haurrei zuzendutako egitaraua osatzeko asmoarekin, bihar bertan egingo den zirku tailerra antolatu da. Etzi, birritan Europako bike-trial txapelduna izandako Javi Alonso asturiarrak erakustaldia eskainiko du eta jarraian lehen patata tortilla lehiaketa hasiko da.

Kontzertu erakargarriak

Musika izango da Mañariko jaietako osagai nagusietako bat eta “inguruetako jendea erakartzeko” asmoarekin, goi mailako taldeak eta bakarlaria gonbidatu dituzte. Bihar bertan izango den kontzertuan Hesian, Joxe Replay eta Skakeiten taldeak izango dira oholtzan; domekan The Potes eta Las Tea Partyren txanda izango da eta astelehenean, Andra Mari egunean, Mikel Urdangarin abeslari zornotzarra izango da protagonista.

Herriko dantzarien alardea Andra Mari egunera aldatu dute aurten eta saioa gaueko 22.00etan hasiko da. Herri kirolak euren tokia izango dute jaietako egun nagusian eta eguerdian izango den saioko protagonista Irati Astondoa izango da, ekitaldian Andoni Urrutia, Uxue Ansorregi edo Mikel Arregi ere izango direla.

Mozorro eguna

San Roke egunen, martitzenean, ospatuko dute aurten ere mozorro eguna eta aukeratutako gaia ‘Mexiko’ izan da. Egunean zehar paella txapelketa, Izurtzako dantzarien ekitaldia, natxo, rantxera eta joku mexikarrekin hornitutako festa mexikarra eta Joxpa taldearen erromeria egongo dira, besteak beste.

Jaietako egitarauan tartekatutako ekitaldiek 30.000 euro inguruko aurrekontua dute eta Udalak 25.000 euro jarri ditu. Aurrekontuan dagoen diferentzia “plazan jarriko ditugun bi txosnetan lortutakoarekin eta herriko enpresek emandako laguntzarekin beteko dugu”, Etxebarriaren esanetan

Gastuak murrizteko asmoarekin, plazaren garbiketa auzolanean egingo da laugarren urtez eta bertaratzen diren laguntzaileek hamarretakoa izango dute ondoren.

“Jaiekin disfrutatzeko, baina errespetuz bizitzeko” deia egin die herritarrei zein kanpokoei Mañariko alkatea den Endika Jaiok. Gainera, indarkeri matxistaren aurrean “ezetza ezezkoa dela beti” gogoratu du.

Egitarauan tartekatutako aldaketak izanda ere, herriko alkatea jaiekin gozatzeko prest dago eta bere jai-ordutegian ez dute huts egingo “kontzertuek, herriko jendea biltzen duen herri-bazkariak ezta paella bazkariak”.

herriko dantzarien alardea astelehenean izango da gaueko 22.00etan.
Herriko dantzarien alardea astelehenean izango da, gaueko 22.00etan.
1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados