Hiru talde desberdin izango ditu aurten ere Zaldibarko Zapatublai egitasmoak

Zaldibarko udalak hileko bi larunbatetan izango den Zapatublai egitasmoan parte hartzeko izena emateko epea ireki du. Bertan 2010 eta 2004 urte bitartean jaiotako ume zaldibatar izango dira.

Hamabostean behin, arratsaldeko 16.00etatik 19.00etara, ospatuko den Zapatublai egitasmoak “euskararen erabilera indartzea” eta “umea lagunarteko giro jatorrean heztea, errespetuzko harremanetan oinarrituta” ditu helburu nagusiak, antolatzaileen arabera. Gainera, partaideek natura errespetatzen ikasi eta ingurua ezagutzeko aukera ere izango dute.

Aisialdian euskararen presentzia bultzatzeko sortutako programa honetako partaideak hiru adin taldetan banatuko dira. 2010a eta 2012a artean jaiotako Haur Hezkuntzako umeak; 2007a eta 2009a artean jaiotako Lehen Hezkuntzako 1. ziklokoak eta 2004a eta 2006a urte artean jaiotako Lehen Hezkuntzako 2. ziklokoak.   

Aurten ere hiru talde prestatu dituzte eta talde bakoitzean gehien jota 10 ume izango direnez, onartutako umeak zozketaren bidez erabakiko dira.  Ikasturtea urriaren 10ean hasiko da eta ekainaren 18ra arte iraungo du.

Zapatublai egitasmoak koordinatzaile bat eta “hezkuntza munduak diharduten eskarmentudun gazte euskaldunak” izango diren begiraleak izango ditu arduradun.

Izena emateko epea irekita egongo da Zaldibarko udaletxean irailaren 16a arte. Izena ematearekin batera, Kutxabanken edo BBVAn egindako 30 euroko ordainketaren ordainagiria ere eraman behar da.