Friso
Friso
Friso
Friso

Gozategi, Luhartz, pilota partidak eta harri-jasotze lehiaketa izango dira Mallabiko Andra Marietan

LuhartzTaldea

Andra Mari egunaren inguruan ospatzen diren jaien ordez, aurten ere Andra Mari Kulturala izango dute Mallabin, Covid19aren izurritea dela eta. Abuztuaren 14tik 16ra bitartean burutuko den egitarauan Gozategi eta Luhartzen agerraldiak eta profesionalen pilota partidak eta harri-jasotze lehiaketa nabarmentzen dira.

Prestatutako ekitaldiak zapatuan abiatuko dira arratsaldeko 17:00etan Mr. Frack antzezleak parkeko aterpean eskainiko duen zirko eta umore ikuskizunarekin. Iluntzeko 21:125ean berriz, pilota partiduak egongo dira eta lehenengoan Elordi eta Oier Etxaberriak Larrazabal eta Uriondorekin neurtuko dituzte indarrak. Jaialdiko norgehiagoka nagusian Urrutikoetxeak eta Martijak Ezkurdia eta Imaz izango dituzte aurrez-aurre.

Domekako egitaraua Herriko dantzariek eguerdian eskainiko duten ekitaldiarekin abiatuko da.

Arratsaldeko 16:00etan Mallabiko Gizonezkoen XXXI. eta Emakumezkoen I. harri-jasotze saria lehiatuko da frontoian. Gizonezkoek 100 kiloko zilindro zaharra eta 100 kiloko bolarekin arituko dira eta emakumeak berriz 62,5 kiloko zilindro zaharra eta 62,5 kiloko bola erabiliko dituzte.

Harri-jasotze lehiaketak

Partaideak Manex Zubizarreta, Mikel Lopategi ‘Urra’, Hodei Iruretagoiena ‘Izeta V.a’ Xabat Olaizola, Iñigo Eizagirre eta Iraitz Arruti zarauztarrak, Beñat Vicario donostiarra, Jagoba Otaegi aizarnarra, Julio Jiménez Segoviako Arevalokoa, Petre Bulgorea errumaniarra, Eneko Bilbao kortezubitarra, Jesus Mari Iruretagoiena ‘Izeta III.a’ aizarnazabaldarra eta Jon Gisasola ‘Zelai IV.a’ mallabitarra izango dira gizonezko lehiaketan. Emakumezkoetan berriz, Marina Blanco Palentziakoa, Lucia Orbe bilbotarra, Udane Ostolaza oriotarra eta Karmele Gisasola ‘Zelai III.a’ mallabitarra izango dira lehian.

19:00etan hasiko den Jule kale-antzerkia ikuskizunarekin eta 22:00etatik aurrera Gozategi taldeak eskainiko duen ekitaldiarekin osotuko da eguneko egitaraua.

Asteleheneko ekitaldiak 11:00etan Jasokunde parrokian izango den mezarekin abiatuko dira. 16:00etan, 17:30ean eta 19:00etan berdintasunaren aldeko Escape rooma saioetan parte hartzeko aukera egongo da Kultur Etxean eta 22:00etan Luhartz taldeak eskainiko duen kontzertuarekin borobilduko da aurtengo egitaraua.

Agerraldi eta ekitaldi guztiak ikusle kopuru mugatua izango dute eta pilota partiduetarako sarrerak barikura arte egongo dira salgai udaletxean.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados