Erramun Osa egungo alkatea buru duen Garaiko hautagaitza jeltzaleak, 10 lan-arlo lehenetsi ditu

Garaiko EAJ-PNV alderdiak, Erramun Osa, egungo alkatea, aurkeztuko du berriro maiatzaren 28an egingo diren Udal Hauteskundeetako zerrendaburu gisa. Alderdi jeltzaleak zerbitzu publikoak hobetzearekin eta zabaltzearekin lotutako 10 lan-arlo lehenesteko asmoa agertu du.

Lurraldean lan egiten duten erakundeekin lankidetzan burutu nahi dituzten asmoak, besteak beste, auzo-taxi zerbitzua antolatu nahi du, batez ere gazteen eta adinekoen mobilitate arazoak konponduko dituena. Gainera, zahartze aktiboa sustatzeko asmoa agertu dute eta, batez ere, gazteei zuzendutako etxebizitza-defizita arinduko duen Hirigintza Plan berria egingo dute.

Jeltzaleek azpiegitura berriak sortu eta daudenak hobetuko dituzte edo kultura, euskara eta herriko ondarea sustatuko dute. Udal irekiagoa eta irisgarriagoa lortzea nahi dute, eta, horretarako, teknologia berriek eskaintzen dituzten aukerak erabiliko dira; herritarren parte-hartzea bultzatuko da; eta ingurumena zaintzeko eta hondakinak murrizteko, konpostajea zabaltzeko eta birziklatzeko plana landuko dute.

Alkatetza lortuz gero, trantsizio energetikoa erraztuko duten geotermia-sistemen eta eguzki-panelen erabilera bultzatuko dute, “udal zerbitzuek erabiltzen duten energiaren % 60aren beharrak, gutxienez, asetzeko”. Gainera, udalerrian Energia Komunitate bat sortzeko aukera aztertuko dute.

Erramun Osarekin batera, gaur egun Udaleko beste hiru zinegotzitik bi izango dira aurreko postuetan, Erregiñe Garamendi eta Enrique Ramos, hain zuzen.

EAJ-PNVk Garain aurkeztuko duten zerrenda osoa:
1.- Erramun Osa
2.- Erregiñe Garamendi
3.- Enrique Ramos
4.- Rodrigo Sarralde
5.- Ekaitz Areitio
6.- Amaia Atutxa
7.- Goizane Iturri

Ordezkoak:
1.- Andoni Zabala
2.- Jesús María Berriozabalgoitia
3.- Javier Etxeita