‘Ermitak bide Durangaldea bizi’ ekimenaren bigarren ibilbidea antolatu du Alpino Tabirak

Alpino Tabira Mendi Klubak, Elorrio, Atxondo, Abadiño eta Durango lotzen dituen irteera prestatu du biharko. 17 kilometro dituen ibilbidea, Ramon Castillok eta Ibon Muruak bildu eta mendi taldeak argitaratutako ‘Ermitak bide Durangaldea bizi’ liburuan jasota dago.

Ekimen horren barne 2023an antolatutako bigarren irteera, Madalenako autobus geltokian hasiko da goizeko 8:40ean. Bizkaibuseko garraio publikoaz baliatuta, partaideek Elorriora helduko dira eta bertatik hasiko dira ibilbidea osotzen.

Lehenengo, Durango eta Elorrio lotzen zuen trenbidea ezagutzeko aukera izango da, eta ondoren Axpen dauden bi ermita eta Abadiñoko beste hiru baseliza bisitatzeko aukera egongo da. Azkenik, Durangoko Eguzkitza auzoko iturria ezagutuko dute. Ibilbideak, 460 metroko igoera eta 510 metroko jaitsiera metatuak ditu.

“Ezezagunagoak izango dira, agian, Irureko San Migeleko tontorra (non ermita bat egon omen zen) edota Abadiñoko Irazola auzoko galtzada zaharraren azken hondarrak, biak ere ibilbide honen barnean ezagutu ahal izango ditugunak”, antolatzaileen esanetan. Izan ere, ibilbidean dagoen ondareari buruzko azalpen txikiren bat edo beste emateko asmoa dute.

Irteera doakoa izan arren, komenigarria da aurretik izena ematea, martxoaren 14an eta 16an klubaren bulegoan, ohiko ordutegian, telefono, emaila edo bestelako kontaktu modu bat emanda, edota korreo bat idatzita katazka@alpino-tabira.org helbidera.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.