Bi estreinaldi eskainiko dira Silboberrik antolatutako Txistua XXI. Mendean kontzertuan

Durangoko Silboberri Txistu Elkarteak, Txistua XXI. Mendean kontzertua antolatu du gaur arratsalderako, 19:30etan hasita, eta Jesuitak ikastetxeko Arrupe aretoan eskainiko diren lanen artean behin betiko bi estreinaldi entzungo dira.

Ekitaldian, doinu tradizionalak zein garaikideak eskainiko dira, tarteko Mercedes Zavala Gironés madrildarraren eta Urtzi Iraizoz txistulari nafarraren sorkuntza berriak.

Zavalak txistu eta akordeoiarentzat sortutako ‘Bizpahiru ezbai (Dos o tres indecisiones)’ pieza, Silboberrik egindako eskariaren emaitza izateaz gain, konpositoreak txisturako sortu duen lehen lana da.

Iraizoren ‘Lehen laukotea’ berriz, txistu laukotearentzat (txistu lehena, txistu bigarrena, silbotea eta txistu baxua) sortutako pieza da. Obraren ezaugarri nagusia txistu baxua gehitzea da, ekarpen horrek errepertorioa aberastea eta ñabardurak irabaztea ahalbidetzen duelako.

Agerraldia beste hiru lanekin osotuko da: Manuel Oltrak txistu eta akordeoiarentzat konposatutako ‘Pastoral d’Estiu’; Miguel González Bastidak ohiko txistu bandarentzat egindako ‘Triptikoa’; eta Tomás Aragüések txistu eta akordeoiarentzat asmatutako ‘Sonata’.

Kontzertuko protagonistak Aitor Amilibia, Aitor Urquiza, Aritz Labrador, Maite Sagastibeltza, Oskar Ovejero, Iker Sagalá, Aitor Álvarez eta Leire Retegi txistulariak; Josean Hontoria eta Garazi Navas soinujoleak; eta Luis Diego Redondo perkusiojolea izango dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.