Bertsolaritza eta flamenkoaren arteko uztartzeaz gozatzeko aukera eskainiko du Musikaire jaialdiak

Flamenkoak eta bertsolaritzak bat egingo dute gaur Elorrioko Musikaire jaialdian.

Joera eta estilo desberdineko hiru ikuskizunekin gozatzeko aukera egongo da Elorrioko Musikaire jaialdian gaurtik domekara bitartean. Gaurko ekitaldian bertsolaritza eta flamenkoa uztartuko baitira, soul doinuak nagusituko dira bihar eta zirkoa eta umoreak bat egingo dute domekan.

Saioak irekiko dituen ‘Gorria’ ikuskizuneko protagonistak Miren Amuriza bertsolari berriztarra eta Askoa Etxebarrieta flamenko dantzaria izango dira. Artista bien arteko elkarrizketa artistikoan, biek duten ezaugarria jarriko dute agerian, bat-batekotasuna hain zuzen, eta kolore gorriaren sinbologia izango dute ardatz.

Lidia Insausti (ahotsa), Paul San Martin (teklatuak), Hilario Rodeiro (bateria) eta Mikel Makala (baxua) elkartzen dituen Arima Soul taldearen txanda izango da bihar. Laukoteak soul musikari XXI. mendean egindako begirada bat gerturatuko dute, jazz kutsuko neo-soula eta, nagusiki, euskaraz abestua.

San Rokeko agertokian gaueko 22:30ean hasiko badira saio biak, Ganso & Cía. konpainiak domekan antzeztuko duen ‘Panoli Kabareta’ren ekitaldia 19:30an abiatuko da. Gorka Ganso eta Cecilia Paganini antzezleak gorpuzten dituzten pertsonaiak artista izan nahi zuten eta horretarako autolaguntza liburu bat irakurri zuten. Eta esperientziarik izan ez arren, beraien buruengan konfiantza izatea erabaki zuten.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.