Auzolanean ibili diren herritarrak omenduko dituzte aurtengo jaietan

Badatoz Santamañak Otxandiora. Auzolanean ibili den herritar taldeak botako du aurtengo txupinazoa. Pilota partidak, koadrilen arteko play back-a, antzerkiak eta kontzertuak izango dira protagonistak datorren igandera arte.

Neguan elurra kentzen, errekak garbitzen edota Elurzuloko teilatua konpontzen ari direnak botako dute txupinazoa, 21.00etan. Bihar, Santamaña egunerako, pilota partidak izango dira, eta Pikor konpainiak ‘Atsoak dantzan’ antzezlana eskainiko du. Gaueko erromeria Luhartz taldearen eskutik izango da.

Umeen eguna ospatuko dute barikuan eta jolas txokoa izango da plazan. Zirika Kirkus konpainiak ‘Txarlestrup’ ikuskizuna aurkeztuko du.

San Martin eguna ospatzeko, paella txapelketa burutuko dute larunbatean. Gaueko kontzertuan, Riot Propaganda taldea arituko da. Madrilgo Habeas Corpusek musika eta Valentziako Los Chicos del Maizek letrak ipinita sortutako taldea da.

Otxandioko jaiak igandean amaituko dira. 13.00etan 1936 urteko bonbardaketan hildakoei omenaldia eskainiko zaie Andikona plazan.
Arratsaldean, berriz, Urduri eta Kriskitin dantza taldeek giroa alaituko dute eta Drindos taldearen erromeriarekin amaituko dira jaiak.

DURANGON. Otxandioko albisteak

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.