Aiko taldeak Eguberrietako bazkari-erromeria egingo du bihar Plateruena Kafe Antzokian

Bazkalosteko dantza saioa arratsaldeko 17.00etan hasiko da.

Aiko Taldeak Eguberrietako ohiko erromeria egingo du Durangoko Plateruena Kafe Antzokian bihar eta horren inguruan hainbat ekitaldi prestatu dituztela taldeko musikari eta dantza-maisuek.

Eguneko egitaraua 13.00etan hasiko Andra Mari elizpean eskainiko duten sokadantzarekin eta agerraldia amaitu ondoren Plateruena Kafe Antzokiraino joango den kalejira-poteoa-dantzaldia egingo dute. 14.30ean txakolina dastatuko dute bertaratukoek eta 15.00etan bazkari herrikoia hasiko da.

Bizkaiko Gaiteroak

Bazkalostean, Aiko Taldeak 17.00etatik aurrera egingo den erromeria alaituko du, eta 20.00etan, Bizkaiko Gaiteroen txanda izango da. Eguna amaitzeko, Aiko Taldea arduratuko da berriro ere musika jartzeaz, guateke tradizional bat alaitzeko asmoz. Ospakizuna 22.00etarako amaitzea aurreikusi dute.

Plateruenan egingo den bazkarira joateko 20 euro ordaindu behar dira aurrez eta horretarako, tiketak Durangoko Kafe Antzokian bertan eros daitezke edo bestela diru-sarrera egin Kutxabankeko ES07 2095 0233 1091 1639 0934 kontu zenbakian (titularra Aiko Kultur Elkartea).
Ospakizuna dantzazale guztientzat zabalik egongo da. Ospakizun hau “garrantzi handiko topaketa bilakatu da euskal dantza herrikoien zaleentzat, bertan elkartzen baitira ikasitako trebetasunak erakusteko asmoz, herrietako erromeria tradizionalak gogorarazten dituen jardunaldi ezin dibertigarriago honen bitartez”, Aiko taldeko kideen esanetan-.

Eguberrietako dantza-bazkari tradizionala duela hamar urtez geroztik ospatzen du Aiko taldeak. Urtean zehar antolatzen dituen dantza tailer eta ikastaroetara ehunka pertsona erakartzek dituzte, bertan “egungo mundura egokitutako irakaskuntza-metodo propio, dibertigarri, argi eta erraz batez” baliatuz.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.