Afganistango emakumeei buruzko argazki erakusketa egongo da ikusgai Iturri Kultur Etxean

Gervasio Sánchez eta Mònica Bernabéren 40 argazkiz osatutako erakusketa egongo da ikusgai Elorrion. ‘Emakumeak. Afganistan’ — Gervasio Sánchez eta Mònica Bernabéren 40 argazki erakusten dira erakusketan.

Elorrioko Iturri Kultur Etxeak Gervasio Sánchez eta Mònica Bernabéren ‘Emakumeak. Afganistan’ deituriko argazki erakusketa hartuko du datorren astelehenetik aurrera. Sei ataletan banatutako bilduma 40 argazkiz, lanaren xehetasunak jasotzen dituen katalogoa eta sarrera testuaz osatzen da.

Erakusketako argazkiak 2009tik 2014a bitartean egin ziren, Afganistanen Giza Eskubideen aldeko Elkartearen (ASDHA) proiektu baten barne. Bildumako lehen 14 argazkiak Afganistango emakumeen ‘Ezkontza’ eta ‘Ihesa’ dute ardatz. Ondorengo irudiek ‘Heriotza irtenbide moduan’ (suizidioak); ‘Lege-aurrerapenak? Paper bustia’; ‘Emakumeak korrontearen aurka’ eta ‘Zigorgabetasuna. Gerraren orbanak’ multzoetan batzen dira.

Erakusketa honen oinarria Talibanek Afganistanen agintean egon ziren aldian ezarritako murrizketetan oinarritzen da, etxetik kanpo lan egitea, ikastea eta laguntza medikoa jasotzea debekatuta zuten emakumeen egunerokotasuna, hain zuzen. Egoera hori, hala ere, emakumeek beren etxeetan egunero bizi duten benetako dramaren icebergaren tontorra besterik ez da.

Argazki bilduma hau kudeatzen dutenen arabera, erakusketa honetan ikusten da “emakumeen aurkako indarkeria Afganistanen familian bertan hasten dela eta endemikoa dela, eta ez du zerikusirik talibanak agintean egotearekin edo ez egotearekin”.

Egoera horren oinarrian gizarte oso kontserbadorea, matxista eta erlijiosoa dago eta “ errealitate hori ezin da aldatu urte gutxi batzuetan. Belaunaldiak behar dira horretarako. Nolanahi ere, zigorgabetasuna orokortuta dago herrialdean, eta horren errua, neurri handi batean behintzat, nazioarteko komunitatearena da”.

Bartzelonako Udalak finantzatutako erakusketa honek Euskal Fondoaren babesa eta proiektuaren zabalkunderako laguntza du.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.