500 partaidetik gora bilduko dira domekako Umeen Euskal Jaian

Azken urteetan ohikoa denez, San Fausto jaiak amaitu ondoren ospatuko da Durangon Tronperri eta Txoritxu Alai dantza taldeek antolatutako Umeen Euskal jaia. Etzi ospatuko den 51. edizioan 12 talde bilduko dira, guztira 450 dantzari eta 60 txistulari eta arduradunen partaidetzarekin.

Talde antolatzaileekin batera, Abadiñoko Talde Batuak eta Traña-Matienako Iluntze, Berrizko Iremiñe eta San Lorentzo, Elorrioko Besaide, Mañariko Andra Mari, Otxandioko Urduri, Zornotzako Udabarri, Sestaoko Salleko eta Ermuko Txindurri dantza taldeak bilduko dira.

51. edizioa beteko duen ekimena goizeko 11:30ean hasiko da, bertan parte hartuko duten taldeen kalejirarekin. Goizean zehar, Durangoko kale eta auzoetan zehar sakabanatuko dira taldeak, euren errepertorioko hainbat dantza eskainiz.

Arratsaldeko 17:00etan alarde nagusia hasiko da Ezkudi plazan, edo euria eginez gero Landako gunean. Ekitaldian, Agintariena, Zortzikoa, Ezpata txikia, Banangoa eta Txotxongilo eskainiko dituzte mutilen taldeek; Arku dantza, Zinta dantza, Kontrapas eta Sagar dantza, neskenak eta Esku dantza, San Petrike, Txulalai eta Zapatain dantza ume txikienak. Saioa amaitzeko, Fandangoa eta Arin-arina eskainiko dituzte dantzari guztiek.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.