Ramon Oleagaren ‘Durangaldeko kartografia’ bilduma egongo da ikusgai Elorrion maiatzean

Maiatzaren 3an inauguratuko da erakusketa Ramon Oleagaren bisita gidatu batekin. — Erakusketa goizeko 9.00etatik gaueko 9.00etara egongo da ikusgai astegunetan eta 10.00etatik 13.00etara larunbatetan.

Elorrioko Iturri Kultur Etxeak Ramon Oleaga kartografiazalearen eskualdeko hogei mapen erakusketa izango du ikusgai maiatzaren 3tik 31ra bitartean. ‘Durangaldeko kartografia’ deituriko bilduma honetan XVI. mendetik XXI. mendera bitarteko mapak daude ikusgai.

Erakusketa hau osatzen duten mapa guztiak inprimatutakoak dira, ez eskuz egindakoak, eta kasu batzuetan erreprodukzioak erakusten dira edota Durangaldeko detailea hobeto ikusi ahal izateko Txelu Angoitia argazkilariak egindako anpliazioak.

‘Durangaldeko kartografia’ bildumak garai bakoitzean jendeak izan duen lurraldearen pertzepzioa jartzen du agerian, kontuan izan behar baita mapek norbaiten ikuspegia islatzen zutela gehienetan eta ez biztanleena eurena. Gainera, espazioa irudikatzen zenean, garai bakoitzean nabarmentzen ziren elementuak ikus daitezke eta bestalde, agerian daude mapa egileen estilo artistiko desberdinak.

Erakusketa hau Gerediaga Elkartearen 50. urteurrena ospatzeko ekitaldi moduan sortu zen eta Elorrion egingo duen geldialdiaren inaugurazioa maiatzaren 3an, arratsaldeko 19.30ean, izango da. Ekitaldi horretan Ramon Oleagak gidatutako bisitaldia egongo da.

Maiatzaren 31ra bitartean ikusgai egongo den erakusketaren ordutegia goizeko 9.00etatik gaueko 9.00ak artekoa izango da astegunetan eta 10.00etatik 13.00etara larunbatetan.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.