Zubiaurre familiari omenaldia egingo diote Durangoko Merinalde Egunean

Urtero legez, Durangoko Merinalde Eguna ospatuko du bihar Gerediaga Elkarteak. Aurten Zubiaurre familiari omenaldia egin nahi diote, hitzaldia, musika eta dantza emanaldi batekin. Ospakizuna Gerediagako Foru Zelaian izango da, 19.00etatik aurrera.

Leku honetan 12 eleizateetako fielak batzartzen ziren, antzinatik, bere lurraldeetako gorabeherei buruz hitz egiteko. 1875ko abenduaren 27an Durangaldeko alkateak, azkeneko aldiz, bildu ziren.

Gerediaga elkarteak aurten Zubiaurre familiari omenaldia egin nahi izan dio eta bukatzeko, Valentin de Zubiaurreren heriotzaren urteurrenaren egun batzuk arinago (1914eko urtarrilaren 13an hil zen) ekintza honen antolaketan dihardu. 

Patricia Sojo eta Rebecca Guerra

Ospakizuneko lehenengo zatian Patricia Sojo, Musikologian lizentziatua, eta Rebecca Guerra, Euskal Herriko Unibertsitateko Artearen Historian doktoratua, “Valentín Mª de Zubiaurre: la aventura de ser músico” hitzaldia eskainiko dute, garaiko familiako irudiak proiektatuz. Bigarrenean, berriz, “Turandot” hari laukoteak egilearen “O salutaris Hostia” interpretatuko du, “L’atelier” eskolako ikasleen dantzan bitartean.

Valentín de Zubiaurre Urionabarrenetxea (1837-1914) musikaria, artearen historiako euskal familia garrantzitsuenetariko patriarka izan zen. Abenturazaleak, artistak eta intelektualak, bere jaioterria izan zen Garai herriarekiko maitasuna elkarbanatu zuten eta bere lanetan islatu ere. Bere gailentasunak eta bere bizitzan zehar jasotako esker onak garaiko musika-postu nabarmenetara altxatu zuten. Konpositore bezala, gure herriko operaren bultzatzailea izan zen eta bere katalogoa oso interesgarria da, bere lanen barietate eta kalitateagatik.