Zaintza-sistemari buruzko hitzaldia prestatu du Abadiñoko Udalgintza Herrigilea dinamikak

Abadiñoko Udalgintza Herrigilea dinamikak ‘Zaintza sistema eredu berri baterantz’ izenburua duen hitzaldi irekia antolatu du gaur arratsalderako, 18:30ean hasita, Errota kultur etxean. Berbaldian eta ondorengo solasaldian, arretara emateko baliabideak, eredu aukerak eta bestelako gaiak landuko dira.

Solasaldian, sistema berritzaileak eta arrakastatsuak garatu dituzten Usurbil eta Hernaniko alkateak mintzatuko dira, Agurtzane Solabarrieta eta Xabier Lertxundi, hurrenez hurren, eta Naiara Bildosola Abadiñoko EH Bilduko zinegotzia izango da dinamizatzailea.

Ekimenaren antolatzaileen esanetan “Abadiñon 60 urtetik gorako 1.900 herritar ditugu, eta urte gutxiren buruan gehiago izango dira. Pertsona hauentzako bizitza aktiboa eta kalitatezko zaintza bermatzea da gure helburuetako bat, eta hortaz erronka honetarako prestatuak egon behar gara”.

Eredua aukeratu

Adindun herritarrek behar duten “zaintza-sistema integral bat diseinatu eta garatzea” beharrezkoa dela uste dute Udalgintza Herrigileko eragileek, “pertsona bakoitzak, familia bakoitzak, bere beharrizanei hobekien erantzungo dien eredua aukeratu ahal izateko: etxean, egoitza batean, eguneko zentroa erabiliz edo beste formularen bat erabilita”.

Ekitaldian, behar diren baliabide desberdinen azterketa egingo da, hau da, eguneko zentroa, etxebizitza kolaboratiboa edo jendartea; zaintza publikoa edo pribatua ereduen inguruko hausnarketa; edota zaintza indibiduala ala sare kolaboratiboa izango dira aztergai.

Solasaldiaren azken helburua “Abadiñorako zaintza sistema diseinatzea” dela diote antolatzaileek, bertan azalduko diren esperientziak gertutik ezagutuz.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.