Ehun bat bertsozale biltu ziren Abadiñoko probalekuan jokatutako Bizkaiko Taldekako Txapelketaren Finalean. (Argazkia: Bizkaiko Bertsolari Elkartea).

Durango eta Iurretako bertsolariek eta bertsozaleek osatutako Tronperrieta taldeak eskuratu zuen Abadiñon jokatutako Bizkaiko Taldekako Txapelketaren finala. Aldez aurretik Bizkaiko eskolarteko bat-bateko txapelketa jokatu zen eta bertan Bittor Altube abadiñarra txapeldunordea izan zen.

Bizkaiko Taldekakoaren finalean Iurreta eta Durangoko Tronperrieta, Abadiñoko Koipelustre´s eta Berriz eta Elorrioko Miotako bidelapurrak lehiatu ziren. Bertsotan jardun zirenak berriz, Tronperrietako Ander Sarriugarte, Eneko Abasolo ‘Abarkas’ eta Gorka Pagonabarraga; Miotako bidelapurrak taldeko Miren Amuriza, Iruri Altzerreka eta Gorka Lazkano, eta azkenik, Koipelustre´s taldeko Txaber Altube, Igor Galarza eta Aitor Bizkarra izan ziren.

Finaleko aurkezle lanetan Amaia Ugalde eta Ainhoa Urien aritu ziren eta eguneko gaiak hiru taldeetako gai-jartzaileen artean prestatu zituzten. Epaileak berriz, Erika Lagoma, Miriam Juaristi eta Jose Garaizabal izan ziren.

Epaileen lanaz gain finalera gerturatu zen publikoak ere zer esan handia izan zuen, zaleek ere bozkatu egin zutelako talde txapelduna zein zer erabakitzeko. Azkenean, Tronperrieta taldeak lortu zuen garaipena.

Bizkaiko Taldekakoan, 21 taldek parte hartu dute, eta modu autogestionatuan antolatu zituzten txapelketan izan ziren saio guztiak.

Bittor Altube txapeldunorde

Finala jokatu aurretik, Bizkaiko eskolarteko bat-batekoa jokatu zen eta bertan lehiatu ziren zortzi bertsolarien artean Bittor Altube abadiñarra eta Ander Sarriugarte durangarra izan ziren.

Partaideek zortziko handian eta txikian ofiziotan egin zuten, eta ostean, bakarka gaiari erantzun zioten. Ariketa horiek egin ostean, Maite Sarasola eta Bittor Altube izan ziren buruz-burukorako sailkatu ziren bertsolari biak. Puntuari erantzun eta gai bati bertso bana bota behar izan zuten atal horretan.

Buruz burukoa jokatu ostean, Maite Sarasola deustuarrak batu zituen puntu gehien, 2019ko Bizkaiko eskolarteko txapela lortuz. Bittor Altube txapeldunordea izan zenez, ekainaren 8an Saran jokatuko den Euskal Herriko Eskolarteko finalerako txartela lortu zuen.

La entrada Tronperrieta taldeak eskuratu zuen Bizkaiko Taldekako Txapelketa se publicó primero en durangon.com.

‘Koipelustre’s’ talde abadiñarreko Igor Galarza kantuan.

Bizkaiko Taldekako Bertsolari Txapelketan parte hartu duten eskualdeko hiru taldeek zapatuan Abadiñon jokatuko den finalean lehiatuko dira. Arratsaldean izango den norgehiagoka horretaz gain, Bizkaiko Bertsozale elkarteak egun osoko egitaraua prestatu du eta goizean eskolarteko idatzizko zein bat-batekoaren finalak ere jokatuko baitira.

Abadiñoko probalekuan egingo diren ekitaldiak goizeko 10:00etan hasiko dira Eskolarteko bertso idatzien finalarekin. Lehiaketan Bizkaia osoko 150 gaztetxo inguru batuko dira eta ordu bete inguru izango dute proposatutako ariketak egiteko.

Altube eta Sarriugarte

Eguneko egitaraua 11:30ak aldera hasiko den Bizkaiko Eskolarteko bat-bateko finalarekin jarraituko du eta oholtzan izango diren zortzi bertsolari gazteen artean Bittor Altube abadiñarra eta Ander Sarriugarte durangarra egongo dira. Beste lehiakideak Amaiur Atxa (Areatza), Janire Arrizabalaga (Gernika-Lumo), Maider Altuna (Arrigorriaga), Maite Sarasola (Deustu) eta Peio Lago eta Peru Irastorza getxotarrak izango dira.

‘Miotako bidelapurrak’ taldeko Gorka Lazkano, Miren Amuriza eta Iruri Altzerreka kantuan.

Abadiñoko saioan lehiatuko diren zortzi bertsolarietatik bik azken buruz buruzkoa jokatuko dute. Bizkaiko txapelduna zein txapeldunordea ekainaren 8an Saran jokatuko den Euskal Herriko Eskolarteko finalean egoteko txartela lortuko dute eta bertan beste 12 bertsolarirekin lehiatuko dira.

Goizeko saioetako irabazleen sari banaketarekin eta ondoren hasiko den bazkariarekin osatuko da goizeko egitaraua.

Taldekakoa, arratsaldean

Bizkaiko bertsolaritzaren oinarria eta eskualdeak aktibatzeko eta indartzeko helburua duen Taldekakoen finala arratsaldeko 17:00etan hasiko da. Probalekuko oholtzan ‘Miotako bidelapurrak’, ‘Tronperrieta’ eta ‘Koipelustre´s’ taldeak lehiatuko dira, hirurak eskualdeko bertsolariek eta bertsozaleek osatutakoak.

Otsailean hasi zen norgehiagokan 21 talde lehiatu dira eta bi fase gainditu ondoren Durangaldeko hiru ordezkariek lortu dute finalean egotea. Talde bakoitza, gutxienez, sei lagunez osatuta dago, 3 bertsolari eta gai-jartzaile, epaile eta laguntzaile bana.

‘Tronperrieta’ taldeko Juan Mari Areitio, Ander Sarriugarte eta Gorka Pagonabarraga kantuan.

Herriko probalekuan jokatuko duten Abadiñoko ‘Koipelustre´s’ek Beñat Gaztelurrutia, Txaber Altube, Aitor Bizkarra, Ainhoa Urien, Igor Galarza, Jon Zialzeta, Bittor Altube eta Ione Narbaiza biltzen ditu. Berriz eta Elorrioko kideek osatutako ‘Miotako bidelapurrak’ taldeko partaideak berriz, Miren Amuriza, Ibai Guridi, Amaia Ugalde, Iruri Altzerreka, Gorka Lazkano eta Joxe Garaizabal dira. Durango eta Iurretako ‘Tronperrieta’ azkenik, Eneko Abasolo ‘Abarkas’, Ander Sarriugarte, Unai Iturriaga, Juan Mari Areitio, Erika Lagoma, Ander Elorriaga, Iker Maguregi, Leire Vargas eta Gorka Pagonabarragak osatzen dute.

La entrada Eskualdeko hiru taldeak jokatuko dute zapatuan Abadiñon Bizkaiko Taldekakoen finala se publicó primero en durangon.com.

‘Tronperrieta’ taldeko Juan Mari Areitio, Ander Sarriugarte eta Gorka Pagonabarraga kantuan

‘Miotako bidelapurrak’ taldeko Gorka Lazkano, Miren Amuriza eta Iruri Altzerreka kantuan

‘Koipelustre’s’ taldeko Igor Galarza kantuan

Amaitu da aurtengo Bizkaiko Taldekakoaren lehenengo fasea eta, beste lau talderekin batera, Iurreta-Durangoko ‘Tronperrieta’, Abadiñoko ‘Koipelustre’s’ eta Berriz-Elorrioko ‘Miotako bidelapurrak’ bigarren fasean egongo dira.

Eneko Abasolo “Abarkas”, Ander Sarriugarte, Unai Iturriaga, Juan Mari Areitio, Gorka Pagonabarraga, Erika Lagoma, Ander Elorriaga, Iker Maguregi eta Leire Vargasek osatzen dute ‘Tronperrieta’ taldea. Txapelketako lehenengo saioa jokatu zuten Algortan, otsailaren 24an, Uribe Kostako ‘Anubix!’ eta ‘Tosu Bizirik’ taldeei gailentzea lortuta.

Abadiñoko taldea Aitor Bizkarra, Txaber Altube, Bittor Altube, Ainhoa Urien, Beñat Gaztelurrutia, Igor Galarza, Jon Zialzeta eta Ione Narbaizak osatzen dute. Martxoaren 17an Gernikan jokatutako saion Busturialdeko ‘Itsosupetekuek’ eta ‘Punta Batekoak’ taldeen aurka irabazi zuten.

Berriz eta Elorrioko ‘Miotako bidelapurrak’ taldea Miren Amuriza, Ibai Guridi, Amaia Ugalde, Iruri Altzerreka, Gorka Lazkano eta Joxe Garaizabal kideek osatzen dute. Joan de zapatuan, martxoaren 23 an, Igorreko jokatutako saioa irabazi zuten, Arratia eta inguruetako ‘Aramotzetik Itxinera’ eta Santutxuko ‘Otsoa & Co.’ taldeen kontra.

Bigarren faseko datak zehaztuta egon ez arren, saioak osatuta daude. Abadiñoko taldeak Enkarterri/Ezkerraldeko ‘Far Westeko bertsolariak’ taldearen kontra kantatu beharko du, Iurreta-Durangoko taldeak Markina-Xemeingo ‘Akerbeltzen Antxumak’ eta Busturialdeko ‘Zahar-alive’ taldeen aurka eta Berriz-Elorrioko taldeak, aldiz, Mungiako ‘Taket’ taldea izango du aurrez aurre.

La entrada Durangaldeko hiru taldeak Bizkaiko Taldekoaren bigarren fasean egongo dira se publicó primero en durangon.com.

Markina-Xemeingo ‘Akerbeltzen Antxumak’ lortu zuen 2017ko txapelketa, ‘Iurretako Bertso Taldie’ri eta Abadiñoko ‘Koipelustre´s’eri finalean irabazita. (Argazkia: bertsozale.eus)

Bizkaiko bertsolaritzaren oinarria indartzeko helburua duen Bizkaiko Taldekako Bertsolari txapelketaren bigarren edizioa ospatuko da otsailetik maiatzara bitartean. Lehiaketan 21 talde izango dira, tarteko Abadiñoko ‘Koipelustre’s’, Durango eta Iurretako kideek osatutako ‘Tronperrieta’ eta berriztarrak eta elorriarrak biltzen dituen ‘Miotako bidelapurrak’.

Talde bakoitza, gutxienez, sei lagunez osatuta egon behar da, derrigorrezkoa baita parte hartzen duten hiru bertsolariez gain, gai-jartzailea, epailea eta laguntzaile bana izatea.

‘Tronperrieta’ taldeak Eneko Abasolo ‘Abarkas’, Ander Sarriugarte, Unai Iturriaga, Juan Mari Areitio, Gorka Pagonabarraga, Erika Lagoma, Ander Elorriaga, Iker Maguregi eta Leire Vargas biltzen ditu.

‘Koipelustre´s’eko kideak Aitor Bizkarra, Txaber Altube, Bittor Altube, Ainhoa Urien, Beñat Gaztelurrutia, Igor Galarza, Jon Zialzeta eta Ione Narbaiza dira.

Durangaldeko ordezkaritza osatzen duten ‘Miotako bidelapurrak’, Miren Amuriza, Ibai Guridi, Amaia Ugalde, Iruri Altzerreka, Gorka Lazkano eta Joxe Garaizabal dira.

Hiru fase

Taldekako txapelketa hiru fasetan jokatuko da eta lehenengoari hasiera emango dion saioa otsailaren 24an izango da Algortan. Hiru ageraldi izango dira, 17:00etan, 18:00etan eta 19:00etan herriko beste hainbeste tabernatan, eta ‘Tronperrieta’koez gain Uribe Kostako ‘Tosu bizirik’ eta ‘Anubix!’ taldeak lehiatuko dira.

Eskualdeko beste bi taldeak martxoan izango dituzte beraien saioak. ‘Koipelustre’s’ekoek 17an lehiatuko dira Gernika-Lumon eta saioan Busturialdeko ‘Itsosupetekuek’ eta ‘Punta batekoak’ taldeekin indarrak neurtuko dituzte. ‘Miotako bidelapurrak’ berriz, 23an hasiko dituzte ekitaldiak Igorren eta Santutxuko ‘Otsoa & Co.’ eta Arratiako ‘Aramotzetik Itxinera’ taldeekin lehiatuko dira.

Lehen fasean zazpi kanporaketa jokatuko dira eta saio bakoitzeko irabazleak egingo du aurrera. Bigarren fasean hiru kanporaketa jokatuko dira eta bakoitza irabazten duenak maiatzaren 25ean, Bizkaiko eskolarteko finalarekin batera, jokatuko den finalean egongo da.

2017ko finalean ‘Iurretako Bertso Taldie’, ‘Abadiñoko Koipelustre´s’ eta txapelketa irabazi zuen Markina-Xemeingo ‘Akerbeltzen Antxumak’ lehiatu ziren.

La entrada Eskualdeko hiru talde lehiatuko dira Bizkaiko Taldekako Bertsolari txapelketaren bigarren edizioan se publicó primero en durangon.com.