Montorra se sumerge mañana, sábado, en sus fiestas con el lanzamiento de cohetes y un lunch a base de tocino a partir de las 13.00 horas.

Le seguirán concursos de lanzamiento de txapelas y de tortilla de patatas antes de la primera sesión de ‘asto-probak’. Participarán Irazola (Mallabia), Torrontegi (Gamiz), Imanol Erleaga (Mendata) y Errementari Taberna (Fika).

La jornada finalizará con una romería con el grupo Kittu.

El domingo, festividad de San Lorenzo, los vecinos y vecinas del barrio subirán a la ermita con el acompañamiento de txistularis y a las 12.00 se oficiará una misa en honor del patrón. Le seguirá una degustación de sidra a cargo de Uxarte sagardoa, trikitilaris, campeonato de rana, y juegos infantiles.

Comida popular

Por la tarde tendrá lugar la segunda sesión de ‘asto-probak’ con Ekaitz Elorduy (Berango), Danel Hormaetxe (Gatika), Unai Sarrionandia (Zaldibar) y Salvador Erleaga (Arratzu). Joxean Mendizabal pondrá la animación musical al finalizar la entrega de premios.

Las fiestas concluirán el lunes con misa en recuerdo de las personas fallecidas del barrio. El programa de actividades concluirá con trikitilaris y una comida popular.

La entrada Las ‘asto-probak’ centran el interés en el programa de fiestas del barrio zornotzarra de Montorra se publicó primero en durangon.com.

Asteburu honetan, pisu libreko asto proben 17. sariaren lekuko izango da Mallabia. Euskal kirolen egutegiko hitzordu nabarmenetako bat da, urtero asto eta itzain onenak elkartzen dituena, indarra eta trebetasunak neurtzen diren probetan.

Ekitaldia maiatzaren 3an eta 4an ospatuko da, 18:00etatik aurrera, Mallabian. Bi saiotan banatuko da lehiaketa. Alde batetik, larunbatean Artabilla, Irazola, Torrontegi Eraiketak eta Salvador Erleagaren parte-hartzearekin; eta igandean, berriz, Unai, Mugika eta Imanol Erleaga izango dira protagonistak.

Mallabiko Udalak antolatuta eta Txondor Herri Kirol Taldearekin lankidetzan, ekitaldia Bizkaiko Euskal Joko eta Kirol Federazioaren araudi ofizialera egokitu da. Saio bakoitzak 20 minutuko iraupena izango du, eta antolatzaileek parte-hartzaileen banaketa aldatzeko edo probaren bat bertan behera uzteko aukera izango dute, beharrezkoa izanez gero.

Sari banaketa

Proba amaitu ostean, sari banaketari emango zaio hasiera, astoen eta itzainen arteko lana, entrenamendua eta elkar ulermena aitortuz. Sari guztiek, halaber, dagokion atxikipen fiskala izango dute.

Edizio honetan ezarritako sariak hauek dira:

• 1. saria: 500 €, manta, txapela eta garaikura
• 2. saria:: 450 € eta garaikura
• 3. saria: 420 € eta garaikura
• 4. saria: 400 €
• 5. saria: 380 €
• 6.saria: 360 €
• 7.saria: 320 €

Mallabiko Udalak herritar guztiak  gonbidatzen ditu ekitaldi hau bertaratzerako eta tradizioa, kirola eta kultura uztartzen dituen esperientzia paregabeaz gozatzeko.

La entrada Pisu libreko Asto Proben 17. sariaren lekuko izango da Mallabia se publicó primero en durangon.com.

Garaiko jaiak datorren domekan hasiko dira, eguerdiko jubilatuen bazkariarekin eta arratsaldean jasoko den Donien Atxarekin, dantzarien azken entseguarekin eta ondoren dastatuko diren Lumagorri oilaskoen pintxoekin. Lehen eguneko egitaraua borobiltzeko Lotxo taldeak girotuko du erromeria.

Herriko zaindaria den Santiago eguneko ekitaldiak txistularien kalejirarekin hasiko dira. 11:00etan San Migel elizan emango den mezarekin eta ondoren santuaren irudiarekin Elizabarriraino egingo da prozesioa, dantzariek ‘Gernikako arbola’ eta ‘Agintariena’ dantzatuko dutela. Ondoren, ezpata-dantzarien saioa egongo da. Arratsaldean, Erregelen erakustaldia eta trikitilarien ekitaldia egongo dira.

Bezperan izandako egitarau berdintsua izango dute martitzen goizean, baina egun honetan Erregelak eguerdian dantzatuko dituzte, lehenengo gizonek eta geroago emakumeek. Arratsaldeko tortilla txapelketarekin eta gabean Iratzar taldeak girotuko duen erromeriarekin borobilduko dute eguna.

Eguazten eta eguen arratsaldean umeentzako jolasak egongo dira eta 27an mus txapelketa eta Txistuman musikariaren ekitaldia egongo badira, 28an briska txapelketa jokatuko da.

Bertsolariak

Eguerdian gazteek egingo duten poteo musikatuarekin abiatuko dira barikuko ekitaldiak eta arratsaldean pilota partidak eta Sarai Robles, Ander Sarriugarte, Oihana Arana eta Iruri Altzerreka bertsolarien saioa egongo da, gai-jartzaile lanetan Ander Elorriaga arituko dela. Hatxe musikariaren saioarekin eta Kilimak taldeak eskainiko duen ekitaldiarekin osotuko da eguneko egitaraua.

Zapatuan herri bazkaria egingo dute eta ostekoa Mariskal Djk girotuko du. Gaueko erromerian berriz, Luhartz taldeak joko du.

Domekako egitaraua meza nagusiarekin hasiko da, eta ondoren dantza-saioa eta herrikoentzako igel jokoaren txapelketa egongo dira. Arratsaldean egingo diren asto-probetan Berangoko Elordi, Mallabiko Irazola, Fikako Construcciones Torrontegui eta Garaiko Anarketa izango dira. Ondoren, Naiara eta Izarra trikitilarien saioa eta herri-afaria egongo dira.

Ospakizunak domekan amaitzen badira ere, hurrengo egunean garbiketa lanak egingo dituzte auzolanean, 15:00etan hasita.

La entrada Dantza saioak, erromeriak eta lehiaketak nabarmenduko dira Garaiko jai egitarauan se publicó primero en durangon.com.

Akerbeltz taldeak joko du biharko erromerian.

Jubilatuen bazkariarekin eta mus zein briska txapelketekin abiatu baziren asteburuan Atxondoko Arrazola elizatean Andra Mari eta San Rokeren omenezko jaiak, egitarau nagusia bihartik zapatura bitartean burutuko da.

Izan ere bihar arratsaldeko 18:00etatik aurrera txopo txikia prestatzeari ekingo diote eta ondoren talo jana egongo da Amillena bentan. 21:00ak aldera txopoa sartuko dute jaiei hasiera emanenez. 22:30etan ‘Umorea’ bakarrizketa eskainiko du Jose Kruz Gurrutxaga antzezleak eta ondoren Akerbeltz taldeak giroturako erromeria hasiko da. Eguna amaitzeko eta gorputzaldia berrindartzeko berakatz zopa eta txokolatea dastatzeko aukera egongo da.

Eguerdiko meza nagusiarekin hasiko dituzte eguenean Andra Mari eguneko ospakizunak eta elizkizunaren ostean herriko dantzarien agerraldia eta porra txapelketa egongo dira. Arratsaldean, pelota partiduak jokatuko dira eta jarraian triki-bertso-pintxo-kantu gaua hasiko da Andoni Egaña, Amets Arzallus eta Onintza Enbeita bertsolarien partaidetzarekin.

San Roke eguna

San Roke baselizaren inguruan burutuko dira barikuko ospakizunak, goizeko 11:00etan emango den mezarekin hasita. Ondoren, piper jana, 60, 40 eta 25 euroko sariak banatuko dituen oilasko paella txapelketa eta herri bazkaria egongo dira.

Arratsaldean, Garaiko Anarketa, Mendatako Arleaga, Mallabiko Juan Luis Irazola eta Landaluzeren arteko asto probak egongo dira. Saioa amaitu ondoren oilasko hanburgesekin afaltzeko aukera egongo da eta 22:30etatik aurrera Arantza eta Pantxoren ekitaldia hasiko da.

San Roke txiki eguna ospatuko dute zapatuan eta eguneko lehenengo protagonistak umeak izango dira, Trokolo Teatrok eskainiko duen agerraldiarekin eta Amillenan prestatutako txokolatea dastatzeko aukera izango baitute. 21:00ak aldera herri afaria egongo da eta jarraian Dj Ainhoaren saioa hasiko da. Atsedenaldian egingo den errifa zozketarekin eta amaieran banatuko diren berakatz zopa eta txokolate janarekin osotuko dira aurtengo ospakizunak.

La entrada Txopoa sartuta hasiko dira bihar iluntzean Arrazola elizateko <br/>Andra Mari eta San Roke jaiak se publicó primero en durangon.com.

Jon Maia, Angel Mari Peñagarikano eta Andoni Egaña bertsolarien saioa egongo da martitzenean.

Arrazolako Andra Mari eta San Roke jaiei hasiera ofiziala emango dion txopoa altxatzea astelehenean egingo badute ere, bizpahiru ekitaldi prestatu dituzte astebururako. Auzotarrak girotzen hasteko, mus txapelketa hasiko da bihar eta etzi meza, jubilatuen bazkaria eta mus eta briska finalak jokatuko dira.

Astelehenean jaiei hasiera emango dion txopo sartzea iluntzeko 21:00etan egingo dute. Antzerkia eta musikarekin osatuko da eguna, Dikothomia konpainiak eskainiko duen ‘Spazi…O’ ikuskizunarekin eta Luhartz taldeak girotuko duen erromeriarekin, hain zuzen.

Ohiko mezarekin hasiko dira Andra Mari eguneko ospakizunak eta jarraian herriko dantzarien ekitaldia eta porra txapelketari ekingo diote. Arratsaldean, pelota partiduen ostean, Andoni Egaña, Jon Maia eta Anjel Mari Peñagarikano bertsolariek girotutako kantu, bertso, pintxo-potea egongo da.

Eguazteneko ospakizunak San Roke baselizaren inguruan egingo dira eta 11:00etako meza ostean paella eta bolo txapelketak hasiko dira. Arratsaldean umeentzako prestatutako denbora-pasak egongo dira eta 18:00etan Partileku elkartearen ‘Messi’, Erleagaren ‘Tiko’, Irazolaren ‘Kaifas’ eta José Javier Baraiazarraren ‘Eto’ astoak bilduko dituen asto-proba hasiko da. Gauean, Dj baten saioa egongo da Makatzetan.

Zo-Zongó taldeak arratsaldean eskainiko duen ‘Reziklator’ umeen jaiarekin abiatuko da egueneko egitaraua. Iluntzean berriz, herri afaria eta Hobaneuke taldeak girotutako erromeria egongo dira. Goizaldean banatuko diren txokolatea eta berakatz zoparekin amaituko dira aurtengo ospakizunak.

La entrada Erromeriak, asto probak eta lehiaketak nabarmenduko dira Arrazolako jaietan se publicó primero en durangon.com.

Ein Go taldeak girotuko du ostiral gauerdiko erromeria.

Hiru jai egun antolatu dituzte Zornotzako Montorra auzoan Lorentzo Deuna ospatzeko. Egitaraua bihar abiatuko da arratsaldeko 20:00etatik aurrera jaurtiko diren bolanderekin eta jarraian egongo den hirugihar janarekin.

Ostegunean, 12:00etako mezarekin hasiko dira San Lorentzo eguneko ospakizunak. Ondoren, trikitilarien doinuekin batera, porra txapelketa antolatu dute.

Arratsaldean umeentzako jolasak egongo dira eta 21:45etatik aurrera pisu libreko asto-proben lehen saioa hasiko da. Eguna bukatzeko, Esteibar eta Obietak girotutako erromeria egongo da.

Auzoko hildakoen aldeko mezarekin abiatuko dira ostiraleko ospakizunak. Eguerdian, trikitilariekin bat eginez, auzoko igel txapelketa lehiatuko da.

Asto proben finala 21:45etan hasiko da eta ondoren sari banaketari ekingo diote. Lehiaketak zortzi sari emango ditu, guztira 2.250 euro banatuz, eta irabazleak 350 euro eta burusia jasoko ditu.

‘Ein Go’ taldearen eskutik erromeria hasiko da gauerdian eta jaiei amaiera emateko txokolatea banatuko da goizaldeko ordu bietan.

La entrada Lorentzo Deunaren jaiak ospatuko dituzte bihartik aurrera Zornotzako Montorra auzoan se publicó primero en durangon.com.