Otsailetik apirilera egingo diren zortzi saioekin osatuko da Berrizko ‘Kontuleku’ egitasmoa

Irakurzaletasuna herriko familien artean indartzeko helburua duen ‘Kontuleku’ ekimena antolatu du aurten ere Berrizko Udalak. Gurasoei eta 4tik 6 urtera bitarteko umeei zuzenduta dagoen egitasmoa zortzi zapatutan, 12.15etik 13:15era, burutuko diren saioekin osatuko da.

Ekimenaren arduradunek “4, 5 eta 6 urte bitarteko haurrengan literaturarekiko zaletasuna pizten eta sustatzen” saiatuko dira. Partaideek indartuko duten irakurtzeko ohitura, astero euren etxeetara eramango dute “altxor bat bezala, otzara batean sartuta”, sustatzaileen esanetan.

Euskaraz gozatzeko esparrua

Ekimena guraso euskaldun zein ez euskaldunei zuzenduta dago, “batzuek zein besteek liburuen bidez umeekin euskaraz gozatzeko esparrua izango dute”.

Guraso euskaldunen kasuan saio osoa euskaraz egingo da. Euskaldunak ez direnen kasuan, berriz, arduradunek umeekin dauden tartean euskaraz egingo dute eta gurasoekin solas egiteko darabiltzaten tartean gaztelaniaz arituko dira. “Horrela, haurrek ikusiko dute gurasoek euskararik jakin ez arren, euskarazko jarduera horretan biak batera gustura ari direla”.

2017ko Kontaleku ekimena otsailaren 4an, 11n eta 18an, martxoaren 4an, 11n eta 25ean eta apirilaren 1ean eta 8an burutuko da.

Parte hartzeko familiako 10 euroko matrikula egin behar da. Izen-ematea Berriko Udalean egin behar, euskara saileko 946 824 036 telefonora deituta edo euskara@berriz.eus helbide elektronikora idatziz.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.