Pertsona toxikoak

Grezieratik datorkigu
“toxiko”
berba,
τοξικó&a
mp;ta u;ητ toxon,
gezi muturra eta, zabalkuntzaz gezi muturrean
jartzen den pozoia, bizidun bati emanez gero,
eragin kaltegarriak dituen edozein substantzia
kimiko adierazteko erabiltzen da. Toxiko hitza
metaforikoki ere erabil daiteke eragin toxikoak
deskribatzeko.

Psikologiatik abiatuta, pertsonentzat
toxiko hitza erabiltzea ohikoa da gaur egun,
hau da, pertsona toxikoak, toxic people. Baina
nortzuk eta zelakoak dira pertsona horiek?
Hainbat pertsona toxiko mota omen daude. Ez
dute txartelik eramaten baina ezaugarri
nabariak dituzte. Niri beldurrik handiena harro
edo arrogante toxikoek sortzen didate.

Izan ere, hari mehe batek bereizten ditu
harroa (arrogantea) eta norbere buruarengan
konfiantza duen pertsona.
Konfiantzak iradoki,
inspiratu egiten du;
arrogantziak ikaratu.
Pertsona arroganteak ingurukoak baino gehiago
direlakoan bizi dira, edota beste modu batean
esanda, ingurukoak gutxiago direlakoan.
Norbere buruarengan konfiantza duenak ez ditu
ingurukoak suntsitzen, arroganteak bai.
Arroganteak ingurukoak gutxietsi eta suntsitu
egiten ditu etenbarik. Eta txarrago dena,
arroganteek: manipulazioaren artean maisu
edo maistrak izanik, erraz lortu ohi dute beren
helburua.

Lantzean behin, denoi suertatzen zaizkigu
inguruan horrelako pertsona suntsitzaileak. Ez
dute arrisku oharrik eramaten eta, konturatzen
ez bagara, kalte egin diezagukete. Orain dela
gutxi “pertsona toxikoak” etiketa
egokitu zaiela jakin izan dut eta izendapen
aparta iruditzen zait. Giroa eta aldartea erabat
intoxikatzen dutelako.

Behin baino gehiagotan, identifikatu arte
urduri jar gaitezke pertsona toxiko baten
ondoan gaudenean, sarritan lur jota amaitu
ahal dugu berarekin lan edo hitz egin ostean.
Horrelakoetan saiatu behar dugu kontuz
ibiltzen eta adi egoten. Horixe da psikologoen
gomendio: argi ibili, ahal dugun neurrian,
aldendu pertsona toxikoengandik.

Egia esan, urrunetik begiratuta, izugarrizko
pena ematen dute pertsona toxikoek. Tamalez,
nekez disfrutatuko dute bizitza honetan
(hurrengoan ere ez, seguru asko). Hurretik,
berriz… hobe gehiegi ez gerturatzea,
babes barik behintzat. Kontuz
pertsona toxikoekin!

Marisa Barrena psikopedagogoa da