Gastuak

Autoaren
eta etxearen aseguruak
ordaintzeko unea iritsi da.
Datorren hilean, ekainean
nire kontu korrontetik 1.000
eurotik gora kenduko dizkidate.
Etxeko aseguruak 275 euroren
kostua du eta autoarenak 800
euro. Ezkontza bat ere badut eta
guztia gutxi balitz, nire koinata,
lehengusu eta izekoren
urtebetetzeak dira.
Gastuak murrizteko, eta
autoaren aseguruaren kostua
gehiegizkoa zela ikusita, aseguru
etxera joan nintzen. Autoa erosi
nuenetik huts egin gabe urtero
urtero ordaindu izan dut. Bezero
fina naiz eta horrek bere saritxoa
izan dezakeela uste dut. Nire
lagunekin berba egin ondoren,
beraiei horrelakoak egiten
dizkietela esan zidaten eta niri,
zergatik ez? Haserretuta joan
nintzen deskonturen bat edo
besteren bila. Ez badidate kasurik
egiten, kargua atzera botako dut
eta kitto! Garestiegia da, 800
euroak!

Nire betiko
aseguru etxera joatea erabaki
nuen eta han, nire aspaldiko
lagunarekin egin nuen topo. Zer?
Hemen. Badakizu, autoaren
asegurua gehiegizkoa dela eta ia
zerbait murrizten didaten. Nire
lagunak beste aseguru etxeren
batera joatea gomendatu zidan.
Nire txanda noiz iritsiko zenaren
zain egon beharrean, bi aldiz
pentsatu barik, nire betiko aseguru
etxetik irten eta handik metro
gutxira zegoen beste aseguru etxe
batera hurreratu nintzen. 200
euroko deskontua egingo zidatela
esanda, nire aseguru etxera itzuli
nintzen eta nire txanda heldu
zenean esan nien, ia deskonturen
bat egingo zidaten . Ezin dutela
horrelakorik egin baina hala ere,
nagusiarekin hitz egin behar
zutela. Nik esan nien, 200 euro
gutxienez ez badidazue merketzen
beste aseguru etxera joango
naizela. Ni ere mehatxuka, ze
arraio!

Handik
gutxira berriz, lehenengo aseguru
etxetik gutun bat jaso nuen,
zuzendariak sinatuta. Bertan
esaten zidan, urteetako fideltasuna
eskertzeko asmotan, deskonturen
bat egingo zutela. Baina ez 200
euroak  baizik eta 100.
Gutuna hartu eta aseguru etxera
itzuli nintzen, oso urduri. Hantxe,
zegoen neskatila gazteari esan
nion, beste aseguru etxean 200
euroko deskontua egingo didatela.
Eta zer? Erantzun zidan. Ba, ez
nengoela ados. Idatziz karta bat
idazteko eta erabakiko dutela zer
egin erantzun zidan. Agentziaz
aldatzeko asmoa badaukat, bi
hilabete lehenago iragarri behar
zaiela ere gaineratu zidan.
Badaezpada!

Gauzak
horrela ez nuke denborarik izango
aseguru etxe batetik bestera
joateko baina 100 euroko
deskontua???gauden egoeran!
Pentsatu barik, betiko aseguru
etxeari esan nion beste aseguru
etxera joango nintzela merkeagoa
egiten zidatelako eta orain datoz
komeriak. Orain dela gutxi nire
betiko aseguru etxeko gutun bat
jaso dut, mehatxuka. 800 euro
horiek ahalik eta azkarren
ordaintzea esaten dute, neurri
judizialak hartuko dituztela
bestela. Ai ama! Gutun horrekin
aseguru etxera joan nintzen eta
kontua da, badaezpada bidaltzen
dutela. Ez dut amodiozko gutunak
eskatzen baina izan gaitezke
finagoak, ezta? 

Idoia Azkorbebeitia kazetaria da