Euskarari puzka

Azken asteotan Errigora ekimenean murgilduta, euskarari putz egiten saiatu gara Nafarroa Hegoaldeko produktuekin osatutako saskien bidez. Erriberakoek dioten bezala ???Erreka txiki askotatik edanez sortzen den erreka handia osatuz???.

Euskal Herriko zenbait lekutako hainbat boluntariok hartu du parte egitasmoan, saskiak betetzen, saltzen, banatzen zein erosten. Guztira 12.000 saski inguru saltzea eta banatzea lortu dugu, Erriberako euskalgintzarako 151.000-??? bilduz.

Durangarrok ez gara atzean geratu egitasmo honetan, auzolanean ez garela makalak erakutsi dugu; aurreko urtean baino salmenta puntu gehiago izan ditugu zabalkundea errazteko, guztia ia 400 saski saldu ditugu, halanda ze, hortik 5.000,-??? Erriberako euskalgintzarako eta, bultzada galanta bertako ekoizle askorentzat.

Jakin badakigu honekin ez direla euskalgintzak dituen gabezia guztiak konpontzen, ez da gutxiagorik be, halere, gure ahalegintxoak Erriberan itolarrian dagoen euskalgintzari oxigeno apur bat emateko balio izan duela jakiteak poztasuna sortzen digu.

Aipatutako poztasun honek ostera, ez gaitu lozorrora eraman behar. Urteko 365 egunetan jarraitu behar dugu lanean, jo eta ke, gure hizkuntzak lege zein norbakoen konpromisoaren aldetik beharrizan handiak baititu oraindik, Nafarroan ez eze, baita gure inguru hurbilean ere.

Kontuak kontu, lerro hauetatik eskerrik asko Errigora egitasmoan lankide izan zaituztedan, erosle zein banatzaileoi eta, euskalgintzaren sarea eten barik josten jarraitzeko gonbitea luzatzen dizuet, harik eta gure hizkuntza merezi duen lekuan jartzea lortu arte.

ERRIBERA, ERRIGORA, HERRI GARA.

www.errigora.eus/es/

Marisa Barrena psikopedagogoa da