Marisa Barrenak jaso du aurten Mintzanet ekimenak emandako ‘bidelagun’ onenaren saria

Donostian egindako ekitaldian jaso zuen Marisa Barrenak bidelagun onenaren saria.

Euskara ikasi ondoren lotsa galdu, soltura irabazi eta praktikatu nahi duten ‘bidelaria’ eta asmo horretan solaskidea duen ‘bidelaguna’ lotzen ditu Maramara taldeak sustatutako Mintzanet ekimenak. Donostian zapatuan egindako Mintzanet Egunean, Marisa Barrena durangarrari eman zioten bidelagun onenaren saria.

Barrenak “oso pozik” jaso zuen emandako onarpena, “batez ere asko kostatzen delako bidelagunak lortzea. Baina batez ere pozten nauena Mintzanet proiektua bera da”.

Ekimen honen helburua euskara on-line praktikatzeko aukera ematea da, gutxienez, A2-B1 euskara maila duten bidelariei. Izan ere, noiznahi eta edonon praktikatu daiteke, interneteko Skype aplikazioa besterik ez baita behar. Eguna eta ordua aldez aurretik zehaztu ondoren “ordu erdiko berriketaldia egiten dugu astero”.

Barrena jubilatu ostean inplikatu zen ekimen onetan, “orain direla bi urte”, eta hasieratik “Izaskun Etxebarria bilbotarra izan dut bidelaria” nahiz eta solaskidea “munduko edozein lekukoa izan daitekeen; Argentinakoa, Txilekoa, Londreskoa…”. Izango duen hurrengo bidelaria beste pertsona bat izango da, “Izaskun, seguruenik, bidelaguna bilakatuko delako”.

Orain arte izandako esperientzia “oso positiboa” izan dela aitortzen du Barrenak, “egiteko erraza delako eta fruituak ematen duen zerbait delako”. Bi urte hauetan izan duen bidelaria “oso pertsona aktiboa da eta beti izaten du kontatzeko zerbait” eta, gainera, bien artean “lagunen arteko harremana” sortu dela dio durangarrak.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.