Juanan Aromaren liburuaren aurkezpenarekin hasiko da Elorrion 64. Durangaldeko Txistulari Eguna

Durangaldeko Txistulari Eguna San Jose jaiegunaren inguruan ospatzen da 1956. urtetik eskualdeko herrietan txandaka, eta aurten egingo den 64. edizioa martxoaren 23an eta 24an izango da Elorrion. Ohikoa bada ospakizuna egun bakarrean egitea, aurten zapaturako eta domekarako egitaraua prestatu dute Jaizale Txistulari Elkarteko kideek.

Aurtengo egitarauan tartekatutako berrikuntza Juanan Aromak egindako ‘1956-2015. Txistu Hotsak Durangaldean. Durangaldeko Txistulari Eguna’ liburuaren aurkezpena izango da. Agerraldia zapatuan izango da, iluntzeko 19:00etan Arriola Antzokiko ateneoan, eta ekitaldian liburuan agertzen diren argazkien, egitarauen eta bestelako informazioaren berri emango du egileak.

Saioa borobiltzeko Araba Txistu Bandaren kontzertua egongo da. Musika laukote honek Jose Luis Cantabrana txistu lehena eta zuzendaria, Iker Larrauri bigarren txistua, Christian Alemany silbotea eta Gorka Saez de Ibarra perkusiolaria batzen ditu.

Domekako kontzertua

Domekan egingo den 64. Durangaldeko Txistulari Eguna goizeko 10:00etan abiatuko den kalejirarekin hasiko da. Eguerdiko 13:00etan berriz, Eleder Iturrietak zuzendutako kontzertua eskainiko dute Jaizaleko txistulariek, Berriotxoa abesbatzarekin eta metal boskotearekin batera.

Agerraldiko egitaraua Isidro Ansorenaren ‘Ollagorra’ piezaren hasiko da eta ondoren Pablo Sorozabalen ‘Zortziko de las bateleras’, Sabin Alonsoren ‘Elorrioko Danborrada’, Victor Zubizarretaren ‘Txitulariak’ eta Xabier Zabalaren ‘En mi viejo San Juan’ eta ‘Jose Migelen batela’, eskainiko dituzte.

Saioa borobiltzeko Isidro Ansorenaren ‘Asierak’ (bariazioak) eta Xabier Zabalaren ‘Oskorriren potpourria’, ‘Txantxibiri’ pieza ezaguna tartekatzen duen ‘Abestien potpourria’ eta ‘Biribilketen potpourria’ joko dituzte.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.