Iskanbila eta Skabidean taldeen kontzertua izango da gaur gauean Ferixa Nausikoen aurrerakinean

Elorrioko Ferixa Nausikoei hasiera emango dien pregoia eta txupinazoa bihar izango badira ere, ohikoa denez, gaur hasiko dira jaietarako antolatutako ekitaldiak.

Irailaren 10era bitartean burutuko diren ospakizunetan, abere, nekazal eta artisau azoka, musika saioak, haurrei, gazteei eta nagusiei zuzendutako ekitaldiak, edo sukalki eguna nabarmenduko dira, besteak beste.

Jaietako lehen asteburuko aurrerakin gisa, Gaztetxeak antolatutako Gazte eguna ospatuko da gaur, bazkariarekin, bazkalosteko Miseriaren Adarrak saioarekin eta gauerditik aurrera Etxeko Djek eskainiko duten saioarekin.

Arratsaldeko 18:00etan, bestalde, indarkeria matxistari buruzko informazio gunea irekiko da eta bi ordu geroago txosnagunea zabalduko dute. Azken gune horretan musika estilo ezberdinak entzuteko aukera egongo da 22:00etatik aurrera, Arrasateko Iskanbila taldeak punk doinuak eskainiko baititu eta Skabidean taldeko iruindarrek ska eta reggae erritmoak gerturatuko dituzte. Gauerdian, Dj Javi P3zen saioa egongo da Arriolako Ateneoan.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.