Hemen dira aurten ere Olentzero eta Mari Domingi

Hemen dira aurten ere
Olentzero eta Mari Domingi

Ordutegi desberdinetan helduko dira gaur eskualdeko herrietara Olentzero eta Mari Domingi. Leku batzuetan goizez eta besteetan arratsaldez, alaitasunez eta ilusioz beteko dituzte Durangaldeko ume guztiak, Gabon giroa bazter guztiera helaraziz.

Durango

Txoritxu Alai, Kriskitin eta Tronperri dantza taldeek, Iñurri Eskaut taldea, Txiri Txiri taldea, Tabira Musika Banda, Bartolome Ertzilla Musika Banda, Jaizale Txistu taldea eta Trikitixa eta pandero eskolako partaideekin osatutako kalejira egingo dute Olentzerok eta Mari Domingik 19:00etatik aurrera. Frai Juan Zumarraga institututik abiatuko den kalejirak Ermodo eta Zumalakarregi kaleetatik pasatuko da Andra Mariko elizpera gerturatu aurretik.

Amorebieta-Etxano

Udabarri Dantza Taldeak prestatuko du Zornotzako Olentzero eta Mari Domingiren harrera. Ekitaldia arratsaldeko 18:00etan hasiko da Herriko plazan eta bertan jasoko dituzte haur zornotzarren eskakizunak.

Elorrio

Nagusien eta Zumelegi erresidentzietan bizi direnak bisitatu ondoren, 18:00ak aldera helduko dira Olentzero eta Mari Domingi Herriko plazara. Harrera egin ondoren Besaide dantza taldeko dantzarien ekitaldia egongo da eta ostean umeen eskariak jasotzen jarraituko dute.

Abadiño

Olentzero abenduaren 16:30etan abiatuko da Traña Matienatik eta 19:00ak aldera Txanporta plazara iritsiko da.

Iurreta

11:30ean helduko dira Olentzero eta Mari Domingi San Migel plazara eta ondoren kalejira egingo dute trikitilariekin batera Askondoraino. 12:00etan harrera egingo zaie eta umeen eskariak jaso ondoren familia argazkia aterako dute bertaratzen diren guztiek.

Berriz

Auzoz-auzo ibiliko dira Olentzero eta Mari Domingi 9:30etatik aurrera. 17:30ean berriz, udaletxetik probalekura doan kalejira egingo dute eta bertan haurren eskakizunak jasoko dituzte.

Zaldibar

Eguerdian hasiko dute kalejira Olentzerok eta Mari Domingik, ekitaldia 12:00etan abiatuko baita Olazar kalean.

Mallabia

Zaparrada kultur elkarteak antolatu du Olentzerori eta Mari Domingiri egingo zaien harrera. Ekitaldia 18:30ean hasiko da Herriko plazan.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.