Garikoitz Mendizabal eta Aitor Furundarenak kontzertua emango dute Kurutzesantu Museoan

'2 poliedro' diskoko piezak joko dituzte Mendizabal eta Furundarenak — ‘2 poliedro’ diskoko piezak joko dituzte Mendizabal eta Furundarenak

Bilboko Txistulari Bandako zuzendaria den Garikoitz Mendizabal txistulariak eta Musikene-Euskal Herriko Goi Mailako Musika Ikastegiko irakaslea den Aitor Furundarena soinu-joleak ‘2 poliedro’ deituriko laneko piezak eskainiko dituzte Durangon. Agerraldia larunbatean, hilak 12, arratsaldeko zazpietan izango da Kurutzesantu Museoan.

Jaizale-Durangaldeko Txistulariak antolatutako ekitaldirako, bi musikariak pintzelak bezala erabiliko dituzte txistua eta akordeoia “musikaz marraztu eta margotzeko”. Koloreak uztartuz eta bolumenak sortuaz, “emozio berri eta biziak” sentiarazteko asmoarekin.

‘2 Poliedro’ lana disko bikoitza baten argitaratu dute Mendizabalek eta Furundarenak eta bertan “era natural, orekatu eta ordenatu batean” elkartu dituzte txistua eta soinua. Horren emaitza Erdi Aroko musika, Berpizkundekoa, Barrokokoa, hainbat herritako folklorea edo Sarasate, Vivaldi, edo Guridiren lanak batzen dituen lana da.

Ibilbide oparoak

Musika tresna bien arteko bateratze hori ezohikoa bada, emaitza ganbera-kontzertua dirudi. Bilduma horretan Jesús Guridiren ‘10 Euskal melodia’, Pablo Sarasateren ‘Caprice Basque’ eta ‘Muiñeira’, Antonio Vivaldiren ‘Concerto per flautino RV 443’, Isidro Ansorenaren ‘Azaroko lore maite bat’, Eduardo Gorosarriren ‘Arrate’ (Fandangoa eta Arin arina) edo pieza herrikoi tartekatzen dira, besteak beste.

Aitor Furundarena Ordiziarra formakuntza klasikoak duen musikaria da eta bakarka zein Les Jeunes Solistes edo Frantziako Orkestra Nazionalean jotzeaz gain, Faltriqueria, Patxi Kaleko, Amaia Zubiria, Pantxoa eta Pello,Txomin Artola eta Larraitz Ugartemendiarekin jo du.

Garikoitz Mendizabal Zestoarrak berriz, Goi Mailako Gradua du Txistuan eta Karrera Amaierako Ohorezko Saria lortu zuen Donostiako Goi Mailako Musika Kontserbatorioan. Bere ibilbidean Madrilgo Erkidegoko Orkestra Sinfonikoarekin, The Bratislava Symphony Orchestrarekin, St. Petersburg State Symphony Orchestrarekin, Euskadiko Orkestra Sinfonikoarekin edo Bilboko Orkestra Sinfonikoarekin jotzeaz gain, besteak beste, Korrontzi, Carlos Nuñez eta Kepa Junkerarekin ere jo du.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.