Friso
Friso
Friso
Friso

Euskararekiko konpromisoa berretsi dute eskualdeko erakunde publikoek eta eragileek

euskararen-eguna-durangoDurangoko eta eskualdeko erakunde publikoek hainbat irakurraldi eta ekitaldi burutzen ari dira gaur Euskararen Nazioarteko Eguna dela gogoratzeko eta hizkuntzarekin duten konpromisoa berresteko. Durangon eta Amankomunazgoan egunerako aukeratutako testuak irakurri badituzte, Berrizen ‘Euskararen Kriseilua’ ekimenari amaiera emango diote bihar.

Durangon egin den ekimena Plateruena Kafe Antzokian burutu da eta bertan Ima Garrastatxu alkatea, Julián Rios alkateordea, Ager Sardui zinegotzi jeltzalea eta Jesica Ruiz zinegotzi sozialistarekin batera, San Antonio, Jesuitak, Nevers eta Kurutziaga ikastolako ikasleak zein euskaltegietako ikasle eta irakasleak bildu dira.

Gerturatutako guztiek euskararen aldeko testuak irakurri dituzte eta Udaleko ordezkariek Castillo Suárez idazlearen ‘Denbora eta tokia gurutzatzen direnean’ deituriko poema irakurri dute:

…“Baina inondik ere errenditzen ez den lur batekoak gara,

euskaraz eta euskaratik eman nahi duena bere berri etxez etxe.

Sentitu nahi dugu hizkuntzak lotzen gaituela lurrera.

Irabaziko duguna gailenduko zaiola galdu dugunari.

Ez dela berdin zer, non eta nola esan”…

MancomunidadAmankomunazagoa

Durangoko Merinaldearen Amankomunazgoko ordezkari politikoak eta teknikariak Erakunde Adierazpenaren irakurketa egiteaz gain, ‘Gaur, bihar, etzi… Durangaldean euskaraz bizi’ leloaren inguruan burutu dute ospakizuna, Gainera, goiburu hori jarri da Merinaldearen Amankomunazgoa osatzen duten herrietako udaletxeetako balkoietan.

Amankomunazgoaren presidentea den  Mireia Elkoroiribek “argi eta ozen” adierazi nahi izan du erakundearen izenean “euskararen erabilerea urteko egun guztietan ekarri behar dala lehenengo planora”.

Egun bakarreko aitortzatik haratago, urteko 365 egunetan egin beharreko erabilera aldarrikatu nahi izan du Amankomunazgoak. Gainera, ‘Bide berriak, modu berriak – Ongi etorri etorkizunera!’ izenburua duen testuan adierazi dute euskararen “erabileraren landarea sendo haz dadin” alorrez alor landu beharra dagoela.

Berriz

Berrizen ere Euskararen Nazioarteko Eguna dela gogoratu badute ere, bihar emango diote amaiera azaroan hasitako ‘Euskararen Kriseilua’ ekimenari. Udalak eta Learreta-Markina eskolak Euskaltzaleen Topagunearekin elkarlanean antolatutako ekintza horretan 41 familiek hartu dute parte, Euskararen Kriseiluaren sua bizirik mantentzeko helburuarekin.

Bihar, arratsaldeko 19:00etan Berrizko Kultur Etxean egingo den egitasmoaren amaiera ekitaldira kriseiluaren zaintzaile izan diren familia guztiak daude gonbidatuta, hartutako konpromisoak partekatzeko eta elkarrekin ospatzeko.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

2 Comentarios

  1. euskaltzalea

    Baita niri ere RIP. Argazkian agertzeko aurpegia behar dela pentsatu dut, baina tira, «inoiz ez omen da berandu» oraindik gazteak dira bai Varela eta bai Rios, gainera, gure herrian euskaltegi onak ditugu, beraz, agian, apika, beharbada, egunen batean beteko dute konpromiso hori, bitartean, alkateorde eta zinegotzi erdalduna izango ditugulakoan nago.

    Deja una Respuesta
  2. RIP

    Zer nolako konpromiso duten Varela eta Riosek jakiteaz gustatuko litzaidake.

    Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados