Eñaut Aiartzaguena margolariak akuarela-pinturari buruzko liburua argitaratu du UEUrekin

Udako Euskal Unibertsitateak (UEU) Eñaut Aiartzaguena irudigile iurretarrak idatzitako ‘Akuarelak aire zabalean’ liburua argitaratu du. Lan horretan akuarela-pinturaren teknikari buruzko azalpenak eta adibide praktikoak ematen dira.

“Marrazkilari eta ilustratzaile profesional gisa sei bat urtez jardun ondoren, akuarela teknikara gerturatzeko harra sortu zitzaidan”, aitortzen du Aiartzaguenak. Bere burua “marrazkilaria eta mendizalea” definitzen duen artistak, aire zabalean margotzen aritzeko beharrezko ezagutzak laburbiltzen ditu.

Euskaraz idatzi duen obra horren bidez “arte plastikoekin gozatzera” ” animatu nahi ditu haurrak zein helduak, etxean nahiz kalean.

“Akuarela teknika zailtzat hartu izan da sarri eta egia esan niri ere eman izan dit buruko minik”, aitortzen du Aiartzaguenak liburuaren sarreran. Izan ere, “ura da teknika honen oinarria eta ura kontrolatzea sekula ez da erraza izan. Hala ere uraren portaera uler dezakegu eta haren jokaerak gure probetxurako erabiltzen saiatu”.

Aiartzaguena Arte Ederretan lizentziatua da eta irudigile izateaz gain komikigintza, proiektu pedagogikoak eta akuarela-ilustrazioak lantzen ditu. Bere lanak, Xapoketan karta-jokoan, Hizki Pizti, Hik hasi, Aizu edo Txikipedia bezalako argitalpenetan daude ikusgai.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.