Elorrioko taldeak Ibarraren kontra jokatuko du ETB1eko ‘Bostekoa’ lehiaketaren finalerdia

ElorrioBosteko — Elorrioko boskoteak Ibarraren kontra neurtuko ditu indarrak martxoaren 9an.

Elorrioko taldea Abadiñokoari gailendu zitzaion ETB1eko ‘Bostekoa’ saioaren lehen kanporaketan eta datorren zapatuan, hilak 9, finalerdia jokatuko du Ibarrako taldearen kontra. Norgehiagoka Mungiako Birle auzoko probalekuan izango da.

Euskal pentatloian oinarritutako ‘Bostekoa’ saioan, zortzi herritako beste hainbeste taldek parte hartu du. Partaideek sokatiran, txingetan, harrijasotzen, trontzan eta giza-proban aritu behar dira.

Lehenengo saioan Elorrio eta Abadiño lehiatu ziren eta norgehiagoka elorriarrek irabazi zuten. Orain, Elorrioko boskoteak Ibarrako bost partaideen kontra neurtu beharko ditu indarrak.

Elorriarren eta Ibarrakoen arteko saioa martxoaren 8an grabatuko da Mungiako Birle auzoko probalekuan eta talde biak final nagusian izateko txartela lortzen ahaleginduko dira. Finala irabazten duen taldeak 5.000 euroko saria eskuratuko du.

Finalerdira joan eta herrikideak animatu nahi dituzten elorriarrentzat autobusa prestatu du ‘Bostekoa’ saioa ekoizten duen produkzioa etxeak. Autobusa goizeko 10:00ak edo 10:30ak aldera irtengo da Nizeto Urkizuko parkingetik eta bertan joan ahal izateko beharrezkoa da izena ematea Parra tabernan.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.