Dendetan eta kiroldegian euskara sustatzeko egitasmoak martxan dira

Hizkuntza eskubideak bermatzeko eta herriko euskara erabilera sustatzeko asmoarekin, ‘Euskaraz nahiago, eskerrik asko’ kanpainarekin jarraituko du Berrizko Udalak. Udan martxan jarri zen egitasmoaren hurrengo urratsa, herriko dendetara zabaltzea izango da. Bestalde, kiroldegian eskaintzen diren ikastaroetan ere euskararen erabilera bultzatzeko plangintza martxan jarri du Udalak.

‘Euskaraz nahiago, eskerrik asko’ dendariei zuzenduta izango da. Denda bakoitzeko ohiko jakien karteltxoak banatuko dizkiete: fruta-denda, arrandegi, harategi. Udalak hitzarmena du herriko dendekin eta besteak beste honelako laguntzak eskaintzen dizkie: errotuluak euskaratzeko diru-laguntza, itzulpenak, kartelgintza, hiztegi eta bestelako baliabideak eta jakien izenak euskaraz adierazten duten kartel eta izendegiak. Helburuak: elkarlana herriko merkatariekin hizkuntza paisaia eta erabilera sustatzeko.

‘Kirolean be euskeraz’, berriz, kiroldegian eskaintzen diren ikastaroetan martxan ipini den egitasmoa da. “Lehen hiruhilekoaren balorazioa egin da eta oso positiboa izan da. Hurrengo hiruhilekoan be martxan egongo da. Asmoa, irailetik aurrera udaletik antolatzen diren ikastaro guztietan aplikatzea “, aurreratu dute Berrizko Euskara Zerbitzutik.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.