Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

Brigada Feministak izango dira gauero txosnagunean eraso sexistak ekiditeko

 

Durangoko San Fausto jaietan Pinondon jarriko den txosnagunean eta honen inguruetan eraso sexistak ekiditeko asmoarekin, han-hemenka ibiliko diren Brigada Feministak izango dira aurten. Ekimena Durangoko Ibilaldian egondako eragile moreak edo Hernaniko sagardotegi garaian eta Euskal Herriko zenbait txosnagunetan izandako taldeen egokitzapena da.

Brigada Feministak Durangoko Txosna Batzordeak eta Mugimendu Feministak bultzatutako ekimena da eta horretarako zenbait hausnarketa saio egiteaz gain, hainbat bilera egin dituzte taldeak antolatzeko.

Izan ere, Txosna Batzordeak eta Mugimendu Feministak urteak daramatzate elkarlanean “jai giroan ematen diren eraso sexistak ekiditeko”. Orain arte protokoloak eta prebentzioa landu eta paisaia erasoen kontrako sinboloez josi dute, baina “gure akatsetatik ikasiz, beharrei gero eta zehatzago erantzuteko ahaleginean gaude”.

Txosnagunean eta inguruetan han-hemenka ibiliko diren Brigada Feministen helburuetako bat emakumeen irudi ahula apurtu eta “gaua, festa, jaiak… gureak ere badirela errebindikatuko dugu gune hori zainduz”. Brigadak emakume taldeak osatuko badituzte ere, txosnagune osoa dutela aliatu azpimarratu dute “txosnagunea osatzen duten eragile guztiak honekin konprometiturik daudelako”.

Gauero 10 edo 15 lagun ibiliko dira zaintza lanetan. Taldeetan txosnetako eragile desberdinetako emakumeak zein antolatuta ez dauden emakumeak bilduko dira, tarteko mugimendu feministaren aliatuak diren gazteak, heldu edo adinekoak; herrikoak zein kanpotik etorritakoak.

Brigada hauetan parte hartu nahi dutenek, bakarka zein taldeka, durangokobf@gmail.com emailera idatzi behar dute eta bertatik txanda bat proposatuko zaie.

1 Estrella2 Estrellas3 Estrellas4 Estrellas5 Estrellas (1 votos, media: 5,00 sobre 5)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

1 Comentario

  1. Brigadier

    Eta udaltzaiñek bulego barruan, goizeko lauretan txozna aldera joateko eta musika kentzea agintzeko bakarrik?

    Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados