Txitxiburduntziarekin eta Gauargiren erromeriarekin hasiko dira zapatuan Mallabiko karnabalak

Arratsaldeko 19:00etatik aurrera egingo den txitxiburduntziarekin eta ondoren egongo den erromeriarekin abiatuko dira zapatuan Mallabiko karnabalak. Egitarauak jarraipena izango du martitzenetik aurrera kirolarekin lotutako ekitaldiak egongo baitira datorren astean zehar.

Txitxiburduntzia frontoiaren kanpoaldean egingo da eta bertaratzen direnek txorizoa, ogia eta makila jarri behar dute eta Udalak sua eta umeentzako edaria ipiniko ditu.

Karnabaletako hasiera eguna, Gauargik frontoian girotuko duen mozorro erromeriarekin osotuko da.

Domekarako ‘Superigandeak’ ekimena prestatu dute. 11:00etatik aurrera multikirola egongo da eskolan, eta arratsaldeko 16:00etan hasita bingoa eta xake tailerra Kontzejuzarrean.

Martitzen karnabal eguneko egitaraua 14:45ean abiatuko da Asier Kidam magoak eskolan eskainiko duen saioarekin. Ondoren, txokolatada egongo da eta 17:00etan Dj Oihan Vegaren saioa hasiko da. Tartean, playback eta diru-sari ugari banatuko dituen mozorro lehiaketa egongo dira.

Bikote mistoen frontenis

Karnabalen inguruan antolatutako egitarauak jarraipena izango du eguenetik aurrera, egun horretan 2022ko edizioan saritutako filma laburren ‘Skimetrajea’ emanaldia egongo baita Kontzejuzarrean, 18:30ean hasita.

Barikuan, bikote mistoen frontenis partiduak egongo dira 9:30ean hasita, eta domekan pala txapelketako jardunaldia egongo da 10:30ean hasita, eta arratsaldeko 17:00etatik aurrera Emakumezkoen Gomazko Paleta Elite txapelketaren finalaurrekoak jokatuko dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.